Hirimyas 13:11 - Hanunuu

¹¹ Nu kabitay mana ti huragkus mahawudan maghut sa awak tawu, gustu diman mana niku ti tanan nasakupan Israil hanggan Huda mihawud maghut sa kangku. Pinili niku sida hampay dayawun nida aku ag galangun, dapat dayu sida mamatingi sa kangku. Aku, ti Panginuun ti magsabi inda.”

Hirimyas 13:11 Iomraidhean Croise

Kanta 135:4

Dayawa niyu siya dahil pinili niya ti nasakupan Israil ti manga linahi ni Hakub, ti bumaliw kay bukudtangi pag nasakupan.

Kanta 147:20

Unman niya inda binwat sa iba pag manga nasyun; unman nida alam kay manga sugu. Dayawun ti Panginuun!

Kanta 81:11

Dapat kamu pag manga Israilita kang nasakupan, unman kamu magpatingi ag magtupad sa kangku.

Isayas 43:21

Sida pag manga nasakupan kang linalang para sa kangku, agud dumayaw sa kangku.

Isayas 62:12

Ingarnan sida ‘Banal’ ag ‘Irinibri Panginuun.’ Bag-u ti Hirusalim waydi ingarnan, ‘Banwa Pagkaibgan’ ag ‘Banwa balaw Pinabay-anan.’ ”

Hirimyas 13:1

Magkun sa kangku ti Panginuun, “Paglakaw kawu ag pagbili huragkus pisahan linu. Ihigut nimu inda sa kanmu awak, dapat danga nimu pagpipii.”

Hirimyas 13:10

Dayu magsunud inda pag manga daut tawu sa manga pagsabihun niku. Pagsundun nida ti kagustuhan maganit nida tagipusuun magsirbi ag magsamba sa manga diyus-diyusan. Nakan miparihu sida sa tunda pag huragkus udyi mapakinabangan.

Hirimyas 13:12

“Hirimyas, sabihun nimu sa nasakupan Israil kuntay aku, ti Panginuun, ti Diyus Israil magkun, ‘Ti tanan sukadan niyu intus mapnu intus.’ Ag nu sumabi sida sa kanmu, ‘Alam yi nimi mapnu intus ti tanan sukadan nimi.’

Hirimyas 19:15

“Pagpatingi kamu, dahil inda ti pagsabihun Panginuun Makamaskihan, ti Diyus Israil: Ipadara niku sa inda pag banwa hanggan sa manga baryu sa kay kalibut ti pagsabihun niku pag parusa dahil maganit kanda ulu ag dayu sida mamatingi sa manga pagsabihun niku.”

Hirimyas 32:20

Nagbuwat kawu manga makadululaw ag lilingutan pag manga bagay ati sa Ihiptu, ag parargu nimu duy inda pagbuwatun tugka sitay sa Israil pagbuwatun ag sa iba manga nasyun. Sa panab-anan inda nagbaliw bantug duy kawu sa tanan rugar.

Hirimyas 33:9

Nu mangyari yi inda, ti banwa Hirusalim makapakaun kadayawan sa kangku, hanggan kabayaan, ag kagalangan. Ti kada nasyun sa kalibutan takigan sa dala nu mabaritaan nida ti manga kaayadan, kaalwanan ag kahusayan itinunghul niku sa inda pag banwa.”

Hirimyas 6:17

Nagpauli aku manga manugbantay bag-u magkun sa kanyu, ‘Patingihi niyu ti tunug budyung bilang pasandam.’ Dapat magkun kamu, ‘Balaw kami mamatingi.’

Hirimyas 7:13

Habang pagbuwatun niyu ti daut pag manga bagay, paulit-ulit niku kamu pinaandaman, dapat unman kamu namatingi. Pagtawagan niku kamu, dapat ay unman kamu magsagut.

Hirimyas 7:23

sinugu diman niku sida kaindaay: ‘Sundun niyu aku, aku bumaliw yi kanyu Diyus ag kamu bumaliw yi nasakupan niku. Mangabuhi kamu angay sa palakaw pag-isugu niku sa kanyu hampay mayad kanyu kahamtangan.’

Hirimyas 7:24

“Pat-ay unman sinunud nida ngatay pinansin kang manga pagkumnun sa kanda. Bagkus ngap, sinunud nida ti gustu maraganit ag daut nida tagipusuun. Bagkus ngap, lalu waya sida nagpakarayu sa kangku.

Hirimyas 7:26

Dapat ay unman niyu sida pagpatingihan ngatay pagbatiun. Mas maganit waya kanyu manga ulu ag mas daut waya kanyu manga binwat kaysa kanyu manga ginurang.

Amus 3:1

“Kamu pag manga taga Israil, kanyu manga ginurang ipinalwas Panginuun sa Ihiptu, patingihi niyu inda kay pagsabihun laban sa kanyu:

Lukas 10:11

‘Alamun niyu inda arani yi kay paghari Diyus sa kanyu. Kami balaw madamay sa kay sintinsiya Diyus aban sa kanyu, nakan una ti galbuk niyu banwa nakahuput sa kanmi raprapa pagpagun yi nimi bilang ga puruyba sa kanyu magdayu sa Diyus.’

Diyuturunumiyu 26:18

Ipinasandam diman Panginuun kainda kamu kay ipinablag pag manga nasakupan angay sa kay itinaratu, kailangan sumunud kamu sa tanan niya manga sugu.

Diyuturunumiyu 26:19

Angay sa kay itinaratu, buwatun niya kamu higit man sa tanan pag nasyun, pagkilalan-un ag paggalangun kamu. Kamu ti manga pinili Panginuun niyu Diyus pag nasakupan, angay sa kay itinaratu.”

Diyuturunumiyu 4:7

Udyi may tuhay makapangyarihan pag nasyun may diyus arani sa kanda parihu sa Panginuun nita Diyus arani sa kanta sa udas magtawag kita sa kanya.

1 Pidru 2:9

Dapat kamu ungud usa ka pinili pag lahi. Parihu sa manga manughandug sa Balay Diyus, kanyu pagsirbihan si Kiristu pag Hari. Kamu usa ka nasyun binukud para sa Diyus. Pinili kamu Diyus hampay kamu kay sadili yi pag nasakupan ag hampay ipaburayhaw niyu kay manga buwat makadululaw. Siya diman waydi ti nagtawag sa kanyu ginan sa kadudulman tabug sa kaladulawan pag karayawan niya.