Hirimyas 13:10 - Hanunuu

¹⁰ Dayu magsunud inda pag manga daut tawu sa manga pagsabihun niku. Pagsundun nida ti kagustuhan maganit nida tagipusuun magsirbi ag magsamba sa manga diyus-diyusan. Nakan miparihu sida sa tunda pag huragkus udyi mapakinabangan.

Hirimyas 13:10 Iomraidhean Croise

Kanta 78:8

Balaw sida pumarihu sa kanda manga ginurang manga maganit kay ulu, balaw matinupadun, balaw marig-un kanda pagsarig sa Diyus, ag balaw matapat sa kanya.

Manugtudlu 11:9

Kamu pag kalay-awan, pagbaya kamu habang anak waya. Buwata niyu kanyu pagkaibgan buwatun, dapat alalahana niyu parusahan kamu Diyus angay sa kanyu binwat.

Isayas 3:24

Nu sitay sida mabanglu, mamawu ngap sida. Lubid wadi kanda ihuragkus, ag lug-isun ti mararinu nida pag buhuk. Ti manga marinu nida rutay ilisan saku, ag ilisan yi kanda karinuan makakaray-a.

Hirimyas 11:10

Hinuwad nida ti manga binwat kasalanan nida manga ginurang balaw gid nagpaniwala sa kang manga bagaw. Nagsamba diman sida sa manga diyus-diyusan. Ti nasakupan Israil hanggan Huda parihu naglabag sa binwat niku kasunduan sa kanda manga ginurang.

Hirimyas 11:18

Magkun sa kangku ti Panginuun tungkul sa gayak manga kalaban maglaban sa kangku.

Hirimyas 13:7

Nakan nag-atag ngani aku sa Sapa Iyupratis ag bin-ul niku ti huragkus sa kang nagtaguan, dapat daut yi ag udyi makinabangan.

Hirimyas 16:12

Mas subra waya kamu daut kaysa manga kaumputan niyu. Ti kadautan ag kaganitan niyu manga tagipusuun ti sinunud niyu, bagkus aku mana di kanyu sundun.

Hirimyas 16:4

Magkaramatay sida sa mahigpit pag sakit. Unman may manhimanglaw ngatay may manlubung sa kanda manga bangkay. Mangalat kanda manga bangkay sa babaw daga ga manga ugat. May manga magkaramatay sa girahan ag lun-us, kanda manga bangkay kan-un manga manuk ag manga maraisug hayup.”

Hirimyas 20:4

Dahil inda ti pagsabihun Panginuun: Kadalaan nimu kanmu kahamtangan hanggan ti kahamtangan nimu manga kakilala. Makitan nimu sida matyun nida manga kalaban sa girahan. Ipakaun niku ti buu Huda sa hari Babilunya. Kay iba nasakupan matyun, ag ti iba waydi bihagun.

Hirimyas 22:21

Pinakan-an niku kamu pasandam kaybi sa mayad waya kanyu kahamtangan, dapat unman kamu namatingi. Ungud katunda ti ugali niyu ginan kaybi sa anak waya kamu; unman gid kamu magsunud sa kangku.

Hirimyas 23:17

Inda ti pirmi nida pagsabihun sa manga tawu dayu magpatingi sa kang manga bagaw ag magsunud sa maganit nida tagipusuun: ‘Bumaliw mayad kanyu kahamtangan. Unman may daut mangyari sa kanyu.’

Hirimyas 3:17

Sa tida pag udas, ingarnan niyu ti Hirusalim ‘Tukawan hari Panginuun.’ Bag-u ti tanan manga nasyun maniripnan sa Hirusalim hampay dayawun ti ngaran Panginuun. Udyi gid nida sundun ti gustu maraganit ag daut nida pag tagipusuun.

Hirimyas 35:15

sa panab-anan manga manugsirbi niku purupita. Pagsabihun nida sa kanyu, ‘Patlikudi yi niyu kanyu manga daut ugali, bag-uhun yi niyu kanyu magpangabuhi, ag danga yi kamu magsamba sa manga diyus-diyusan, hampay parargu kamu mangulian sa iinayaw niku pag daga sa kanyu ag sa kanyu manga ginurang.’ Dapat unman kamu nagpasnu ngatay nagsunud sa kangku.

Hirimyas 44:16

“Balaw kami magpasnu sa manga pagsabihun nimu sa kanmi sa ngaran Panginuun!

Hirimyas 44:5

dapat unman sida namatingi ngatay nagsunud sa manga purupita. Unman sida nagpatlikud sa kanda kadautan ngatay nag-apas sa pagsunug nida manga kamangyan para sa manga diyus-diyusan.

Hirimyas 5:23

Dapat maganit kay ulu ag maralaban inda pag manga tawu. Kinalimtan ag pinatlikudan nida aku.

Hirimyas 7:13

Habang pagbuwatun niyu ti daut pag manga bagay, paulit-ulit niku kamu pinaandaman, dapat unman kamu namatingi. Pagtawagan niku kamu, dapat ay unman kamu magsagut.

Hirimyas 7:6

ag danga yi niyu pag-apiha ti manga day-uhan, manga ilu, manga buranday babayi mag-uli asan sa kanyu daga. Danga niyu pagpihua ti manga unman may kasalanan, ag danga kamu magsamba sa iba pag manga diyus imaw ti mamadamhak sa kanyu.

Hirimyas 8:5

Dapat kamu pag manga taga Hirusalim, hayga parargu kamu magpakarayu sa kangku? Hayga dayu tayakan niyu ti manga diyus-diyusan magpaumang sa kanyu ag pagbalik sa kangku?

Hirimyas 9:13

Sinmagut ti Panginuun, “Nangyari inda dahil unman nida sinunud ti manga sugu ipinakaun niku sa kanda. Balaw sida nagsunud sa kangku una sa manga sinugu niku.

Hirimyas 9:14

Bagkus ngap sinunud nida ti disisyun maganit pag tagipusuun nida. Nagsamba sida sa kan Baal parihu sa itinudlu sa kanda nida manga kaumputan.

Hirimyas 9:6

Lunsay yi lang darayaan kanda pagbuwatun, dahil sa darayaan udyi nida aku pagkilalan-un.

Bilang 14:11

Magkun ti Panginuun sa kan Muysis, “Tugka kapira waya magdayu inda pag manga tawu sa kangku? Tugka kapira waya sida unman magpaniwala sa kangku lang madi ti tanan makadululaw binwat niku sa kanda?

Binwat 7:51

Sigi waya gid kan Istiban paalaala sa Katipunan manga Pinunu magkun, “Tutuu maganit kanyu manga ulu. Kanyu tagipusuun parihu lang ga tawu unman nagsarig sa Diyus. Unman niyu pagpatingihan ti katutuuhanan. Unman waydi kamu magpaniwala sa pagsabihun Ispiritu Banal. Parihu yi lang gid kamu ga kanyu manga ginurang.

Hibriyu 12:25

Nakan pagpatingi kamu kaayad-ayad sa kan Hisus magbagaw sa kanyu. Ti manga tawu kaybi unman nakaiwas sa kaparusahan nu sida nagbugya mamatingi sa kan Muysis namadakit sa kanda sitay sa babaw daga sa kay manga pagsabihun Diyus. Mas lalu kita dayu makaribri nu patlikudan nita ti magbagaw ginan sa langit.