Hirimyas 12:6 - Hanunuu

⁶ Una kanmu manga patar-ari hanggan katawuhan nagdaya sa kanmu. Maggayak daut sida laban sa kanmu. Danga kawu magpaniwala sa kanda una mayad kanda pagsabihun.

Hirimyas 12:6 Iomraidhean Croise

Hub 6:15

Dapat kamu ti manga pagkilalan-un niku suud pag patar-ari balaw maaw masarigan; parihu kamu ga sapa maglapwas ti danum nu kas-a magkak-at.

Kanta 12:2

Harus ti tanan magpudil sa kanda kaparihu. Pagpaumangun nida ti iba hampay madaya.

Kanta 12:3

Panginuun, mana paapasun yi nimu ti palabi-labihun hanggan ti marapaumang.

Kanta 69:8

Parihu aku sa day-uhan sa kang manga katawuhan; ga iba tawu aku sa kang manga patar-ari.

Kabagawan 23:8

Nakan isuka nimu kanmu kinaun ag bumaliw unman may pulus kanmu manga pagdayaw sa kanya.

Kabagawan 26:25

Una marinu siya nu magbagaw, danga kawu magpaniwala sa kanya, dahil daut gid subra kay manga pag-isipun.

Isayas 31:4

Inda ti pagsabihun sa kangku Panginuun, “Unman may makaampara sa liyun maggus-ab sa kay tinkub una mamaragritan waya ti manga manug-alaga hayup. Parihu diman sa kangku, unman may makaampara sa kangku hampay maalagaan ti Bantud Siun.

Hirimyas 11:19

Aku parihu sa karanidu marignuk pagdaran-un sa iriyawan balaw niku magkaalaman. Unman alam niku kuntay pag gayakun maaw aku nida matyun. Magkun sida, “Matyun nita siya parihu sa magpukan puun kayu may manga burak, hampay madura siya sa kalibutan ag malimtan yi.”

Hirimyas 11:21

Pagkaibgan matyun aku taga Anatut nu balaw aku umapas sa pagtultul bagaw Panginuun. Nakan inda ti pagsabihun Panginuun Makamaskihan, “Parusahan niku sida. Mamatay sa gira kanda manga kalay-awan lalaki, ag mamatay sa lun-us kanda manga anak.

Hirimyas 20:10

Nasaydan niku ti magpuya manga tawu. Pag-ulitun nida kang manga pagsabihun magkumun, “Madala ti nakasangput sa kanta! Isumbung nita siya!” Una kang manga kakilala mag-alagad sa kang kadamhakan. Pagsabihun nida, “Barang abi madaya nita siya. Nu mangyari tida, manalu kita ag mabalusan nita siya.”

Hirimyas 9:2

Nu may maulian lang mana aku sa pangawakawaan hampay makapakarayu aku sa kang manga kasimanwa, dahil sida tanan nandaya sa Panginuun ga babayi magpanguragin.”

Hirimyas 9:3

Magkun ti Panginuun, “Pirmi sida alistu sa kapudilan parihu sa ugyung alistu yi ipabkas. Kapudilan ti maglutaw sa inda pag rugar ag balaw katutuuhanan. Mag-amat di gid kanda magbuwat kasalanan, ag unman nida aku pagkilalan-un.

Hirimyas 9:4

“Pag-aman kamu sa kanyu kaparihu, danga kamu magpaniwala sa kanyu manga katawuhan, dahil ti kada usa magdaya ag maglibak sa kay kaparihu.

Hirimyas 9:5

Ti kada usa magdaya sa kay kaparihu, unman una di usa ti magbagaw katutuuhanan. Naanad yi magpudil kanda dila, pagbudlayun nida kanda sadili sa pagbuwat kasalanan.

Matiyu 10:21

“Sa ati pag manga sirang, itudlu kay patar-ari tabug sa kalaban agud matyun. Katunda diman ti buwatun aban ama sa kay anak. Labanan manga anak kanda manga gurang kanda ipamatay.

Markus 12:12

Alam manga takinan Hudiyu kuntay sida yi ti pagpatamaan pahalimbawa ni Hisus. Nakan naghanap sida paraan hampay madakup siya dapat nadala sida sa kayamuan tawu. Nakan siya kanda yi lang pinatawasan.

Huwan 7:5

Dahil una kay manga patar-ari unman diman nagsarig sa kanya.

Binwat 16:22

Hanggan ti kayamuan tawu hinmampak yi waydi sa kanda ni Pablu ni Silas. Pinanggisi lang manga pinunu sa kanda maglukas kay rutay nida ni Pablu bag-u rargu ipinahampak nida sida.

Binwat 18:12

Pagka si Galyun pinatukaan sa pagkagubirnadur sa Akaya, nagkausa ti manga Hudiyu, dinakup nida si Pablu bag-u kanda ipinaatubang sa husgadu.