Hirimyas 12:4 - Hanunuu

⁴ Kapira duy nguna tugka ti pagkauga daga ag pagkarubay manga ilamnun? Magkaramatay yi duy ti manga hayup hanggan manga manuk dahil sa kadautan manga tawu mag-uli sa inda pag daga. Pagsabihun waya nida, “Unman may labut ti Diyus sa kanta malakawan.”

Hirimyas 12:4 Iomraidhean Croise

Kanta 107:34

Pagbuwatun niya ti mayad pag daga unman may pulus, dahil sa manga kadautan manga mag-uli siyun.

Kanta 50:21

Katpung binwat niyu inda pag manga bagay, nanpadung lang aku, ag nag-isip kamu parihu lang aku sa kanyu. Dapat tamyawun niku kamu ag ipakakit niku sa kanyu nu kabitay kamu ka daut.

Isayas 24:4

Mauga ag mangganit ti daga. Manlumuy ti buu kalibutan hanggan ti manga pagkilalan-un ag makapangyarihan pag tawu.

Isayas 24:6

Nakan sinaadan Diyus ti kalibutan, nakan may saragtun ti manga nasakupan dahil sa kanda manga kasalanan. Sunugun sida ag pira-pira wadi ti masawad.

Hirimyas 12:11

Buwatun nida inda mapung-aw pag rugar ag bumaliw unman may pulus sa kangku. Bumaliw pangawakawaan inda pag daga, dahil udyi may magkaawa siyun.

Hirimyas 14:2

“Maghimanglaw ti Huda; kay manga banwa magpanlubay. Maglumi kay manga nasakupan matukawan sa daga, hanggan diman ti manga mag-ulian sa Hirusalim maglulumian gid.

Hirimyas 23:10

Napnu ti daga manga tawu magsamba sa manga diyus-diyusan, dahil magbuwat kadautan ti manga purupita ag pagsamantalahun kanda kapangyarihan. Ag dahil siyun sinaadan Panginuun ti daga, nakan nauga ag narubay ti manga tanum.

Hirimyas 4:25

Nakitan diman niku unman may tawu, ag maglayang ti manga manuk tag sa arayu.

Hirimyas 4:28

Manlulumian ti kalibutan ag mandulum ti langit, dahil sinabi yi niku ti parusa ag balaw yi niku inda bag-uhun. Nakadisisyun yi aku udyi mabag-u kang isip.”

Hirimyas 5:13

Unman may pulus ti manga purupita ag balaw ginan sa kangku ti manga pag-ipaburayhaw nida. Mangyari mana sa kanda ti kadamhakan kanda ipinasandam.”

Hirimyas 5:31

Ti manga purupita magpaburayhaw kapudilan. Ti manga manughandug magdumara angay sa sadili nida kapangyarihan. Katida ti pagkaibgan manga nasakupan niku. Dapat unu ti buwatun nida nu rumas-ug yi ti katapusan?”

Hirimyas 7:20

Nakan aku, ti Panginuun Diyus, magsabi, “Ipaagum niku sa inda pag rugar ti masyadu pag pangagalit niku — sa manga tawu, sa manga hayup, sa manga puun kayu, hanggan sa manga tanum. Kang pangagalit ga apuy unman magkapsa.

Hirimyas 9:10

Magkun si Hirimyas: Manlumi gid aku kabisug para sa manga kabantudan ag mangamiraw aku para sa manga pasturan. Dahil mapanglaw yi inda ag unman yi gid may maglakaw. Udyi may madnugan mag-inga manga baka, nighit yi ti manga manuk hanggan ti manga hayup.

Hirimyas 9:9

Unman aw kailangan niku sida parusahan? Unman aw kailangan yi niku balusan ti kainda pag nasyun? Aku, ti Panginuun, ti magsabi inda.”

Husyas 4:3

Dahil siyun, magkaramara kanyu daga hanggan ti tanan mag-uli siyun magkaramatay, hanggan ti tanan hayup — ti maglakaw, ti maglayang, ag ti maglanguy.

Huwil 1:18

Mag-iringaan ti manga hayup dahil sa kalun-usan. Naglinakaw ti manga baka maghanap manga hararabun, hanggan ti manga karanidu magkakuri diman.

Amus 1:2

Magkun si Amus, “Mag-ngurub ti Panginuun ginan sa Siun; kay busis magkurarug ginan sa Hirusalim. Dahil siyun nagkaralayung ti manga paraharaban manga manug-alaga karanidu hanggan ti manga halaman sa katayungtungan Bantud Karmilu.”

Habakuk 3:17

Una unman bumurak ti igus, ti ubas, ngatay ti ulibu, una unman pumatubas ti daga, una magkaramatay ti manga hayup sa tudiran,

Sakaryas 1:12

Magkun ti anghil Panginuun, “Panginuun Makamaskihan, tugka duy kapira pag pakurianan nimu ti Hirusalim hanggan ti manga iba waya banwa sa Huda? May 70 yi ka timpu duy kawu magkagalit sa kanda?”

Ruma 8:22

Alam nita ti tanan-tanan linalang Diyus hanggan taynguna tugka mag-arunghung parihu ga babayi magpanamdam.