Hirimyas 12:16 - Hanunuu

¹⁶ Basta nu tanggapun nida buu tagipusuun ti pagsarig niku manga nasakupan ag nu manumpa sida sa ngaran niku, parihu sa itinudlu nida sa manga nasakupan niku kuntay pagsumpa sa ngaran ni Baal, mahimu miminsan diman sida sa nasakupan niku.

Hirimyas 12:16 Iomraidhean Croise

Kanta ni Sulumun 1:8

Nu unman nimu alam, marinu gid pag babayi, sunsuna ti liud niku manga karanidu atabug sa turda manga manug-alaga karanidu, ati paharaban kanmu manga kambing.

Isayas 2:3

Sabihun nida, “Atag yi kita sa bantud Panginuun, sa Balay Diyus, Diyus ni Hakub. Tudluan niya kita ati angay sa kay kagustuhan hampay sundun nita.” Dahil ti Kasuguan Panginuun ginan sa Siun, ag ti bagaw Panginuun ginan sa banwa Hirusalim.

Isayas 42:6

Magkun siya sa kay manugsirbi, “Aku ti Panginuun magtawag sa kanmu hampay ipakakit kang katadlungan. Awatan ag alagaan niku kawu, sa panab-anan nimu mamuwat aku kasunduan sa manga tawu. Buwatun niku kawu parihu sa sulu magpakaun rayaw sa manga nasyun,

Isayas 45:23

Nagsumpa aku sa kang sadili, ti manga pagsabihun niku balaw yi mauman: Manluhud ti tanan tawu sa kangku ag mansumpa sida sumunud sa kangku.

Isayas 49:6

Magkun siya, “Kawu kang manugsirbi, mayamu waya pag manga buruwatun ti ipabuwat niku sa kanmu, purya sa pagpabalik nimu sa kang pag-alagaan pag manga Israilita. Buwatun waya niku kawu sulu manga nasyun, hampay maribri ti buu kalibutan.”

Isayas 65:16

Una si unu sa daga Israil ti mamagaw papalad ngatay saad mabuwat inda sa kang ngaran — ti Diyus matinupadun. Dahil kalimtan yi niku ti manga nalawyan pag kakurian, bul-un yi niku sa kang naisipan.

Hirimyas 16:19

Magkun aku, “Panginuun, kawu duy ti kabisugan niku ag manug-alaga sa udas may karukuan. Pumakarani duy sa kanmu ti manga nasyun ginan sa buu kalibutan bag-u sumabi sida, ‘Unman may pulus ti manga diyus-diyusan nimi manga ginurang. Unman sida may nabwat una hintay pag kaayadan.

Hirimyas 18:8

bag-u tunda pag nasyun ngatay kaharian umapas sa pagbuwat daut, balaw yi niku iparargu kang gayak daut sa kanda.

Hirimyas 3:17

Sa tida pag udas, ingarnan niyu ti Hirusalim ‘Tukawan hari Panginuun.’ Bag-u ti tanan manga nasyun maniripnan sa Hirusalim hampay dayawun ti ngaran Panginuun. Udyi gid nida sundun ti gustu maraganit ag daut nida pag tagipusuun.

Hirimyas 4:2

ag nu manumpa kawu sa pangaran lang niku mangabuhi kawu matinupadun, matadlung ag kang-ud, bumaliw papalad kawu sa manga nasyun bag-u dayawun nida aku.”

Hirimyas 5:2

Una paggamitun niyu kang ngaran sa kanyu magtaratu, magpudil diman kamu.”

Hirimyas 5:7

Magkun sa kanda ti Panginuun, “Hayga patawadun niku kamu? Una kanyu manga anak nagbugya sa kangku ag nagsumpa sa ngaran balaw tutuu pag diyus. Ipinakaun niku ti manga pangailangan nida, dapat nabwat waya nida ti panguragin hanggan ti pagdurutdutan sa balay manga babayi baraydan.

Hirimyas 6:16

Inda waya ti pagsabihun Panginuun, “Pagtindug kamu sa pagsalakan dalan bag-u pagbantay kamu kaayad. Pagpaingana nu naan ti dalan ag mayad lakawan, bag-u ati kamu pag lumakaw. Ag magkaimaw kamu kahusayan. Dapat ay magkun kamu, ‘Dayu kami manlakaw siti.’

Sipanyas 1:5

Papasun diman niku ti manga tawu magdayik sa bubungan nida manga balay hampay mansamba sa init, sa bulan, hanggan sa manga pamgasan. Papasun niku ti manga magsamba ag magpanumpa mansirbi sa kangku, dapat magpanumpa diman mansirbi sa diyus-diyusan sa kan Muluk.

Sakaryas 1:6

Dapat nangyari sa kanyu manga ginurang kang manga sinabi ag manga pasandam ipinatultul niku sa kang manga suruguun manga purupita. Bag-u nansisi sida magkun, ‘Pinarusahan kita Panginuun Makamaskihan angay sa kanta manga binwat, parihu sa kay kagustuhan buwatun sa kanta.’ ”

Ruma 11:17

Pinlud kay iba sanga ti tanum puun ulibu ag kawu, ga sanga lang lupaw pag ulibu, pag-isugdung sa puun tanum ulibu, hampay maayawan taguk ginan sa gamut. Nakan may kabahagi kamu manga papalad Diyus para sa manga Hudiyu.

Ruma 14:11

Nisurat sa Banal Kasuratan magkun, “Aku, ti Panginuun buhi, pihu gid ti tanan tawu lumuhud sa kang atubangan ag dumayaw sa Diyus.”

1 Kurintu 3:9

Dahil kami hanggan ti Diyus minsan sa buruwatun. Ag kamu ti ga tanman Diyus. Kamu ti pagbalayun Diyus.

Huswi 23:7

Danga kamu magpausa sa siyun pag manga nasyun nasawad sa kanyu karaw-an, ag danga kamu magbanggit ngaran nida manga diyus ngatay manumpa sa ngaran nida. Danga diman kamu magsamba ngatay magsirbi sa kanda,

Rut 3:13

Sitay dapu kawu tugka surip, ag aldaw pag surip maalaman nita nu tupadun niya kay katungkulan sa kanmu. Nu pumayag siya, mayad, dapat nu unman, pag-isumpa niku sa Panginuun buhi, tupadun niku kang katungkulan sa kanmu. Pagsitay lang dapu kawu pagkaturug tugka surip.”