Hirimyas 12:1 - Hanunuu

¹ Panginuun nu aku magriklamu sa kanmu pirmi duy matadlung kanmu sagut. Dapat aku taynguna may manga ipaingana duy tungkul sa kanmu katadlungan: Hayga duy ti daut pag tawu mag-abunda? Hayga ti manga tawu madaya sa kanmu may kahusayan kay buhi?

Hirimyas 12:1 Iomraidhean Croise

Gimpuunan 18:25

Bilang ga unman nimu mahimu mabwat tunda rurisun ti manga matadlung kaibahan manga makasalanan. Balaw mahimu parihu kanmu magpakiusa sa kanda. Kawu ti magsintinsiya sa buu kalibutan, kabay mana buwatun nimu nu hintay ti mayad?”

Isra 9:15

Panginuun, Diyus Israil, matadlung kawu. Dahil pinasnuan nimu may masawad sa kanmi buhi hanggan taynguna. Pag-akuun nimi kanmi manga kasalanan, nakan unman kami makaatubang sa kanmu atubangan dahil sa kanmi manga kasalanan.”

Nihimyas 9:33

Matadlung kanmu binwat pagpihu sa kanmi. Matinupadun kawu sa kanmi, dapat kami inda nagbuwat kasalanan.

Hub 12:6

Dapat ti manga tulisan ag ti manga magsurug sa Diyus pag manga tawu magkabuhi mahusay una kanda kabisugan imaw ti kanda pagdiyusun.

Hub 13:3

Dapat balaw aku magtagalabani sa kanyu sa kang kasaba nu unman sa Diyus Makamaskihan lang niku inda pag ipakarani.

Hub 24:12

Mag-adnugan sa banwa ti manga arunghung manga hirimatyanun ag ti maghagad awat manga nabiyagan garabi, dapat balaw gid binalusan Diyus ti nagbuwat daut sa kanda.

Hub 24:23

Mahimu pabay-anan sida Diyus mabuhi unman may mahawag, dapat pagbantayan gid Diyus ti tanan nida manga kimut.

Hub 8:17

ag maggamut mayad sa manga batu.

Kanta 116:5

Ti Panginuun nita Diyus mayad, matadlung, ag maawaun.

Kanta 119:137

Matadlung kawu, Panginuun, ag tama gid kanmu manga sugu.

Kanta 119:75

Alam niku, Panginuun, matadlung kanmu manga sugu. Ag dahil tapat kawu, binunggud nimu aku.

Kanta 145:17

Panginuun, matadlung kawu sa tanan nimu paraan, ag matinupadun kawu sa tanan nimu pagbuwatun.

Kanta 37:1

Danga kawu magkasamuk sa daut pag manga tawu, ngatay maghirak sa manga magbuwat daut.

Kanta 37:35

May nakitan aku kaybi daut pag tawu magpan-api. Pag-isipun niya kay sadili abwat man kaysa iba; parihu siya sa malawis pag manga kayu sidru sa Libanun.

Kanta 51:4

Sa kanmu lang gid aku nagsalan. Binwat niku ti manga bagay daut sa kanmu magbantay. Nakan tama kawu sa kanmu manga pagbagawun laban sa kangku. Balaw kawu nagsalan sa kanmu pagsintinsiya sa kangku.

Kanta 51:6

Ti matinupadun pag tagipusuun imaw kanmu gustu; tudlui aku sa dumunung.

Kanta 92:7

una mag-alwan ti manga daut parihu sa ilamnun magtubu, rurisun sida sa unman may katapusan.

Kabagawan 1:32

Dahil ti malinabagun manga unman may alam imaw ti makamatay sa kanda, ag ti patawhay-tawhay manga unman may buut makapadamhak sa kanda.

Manugtudlu 8:14

Ti makuri lang sitay sa kalibutan, nu kas-a ti matadlung pag manga tawu imaw ti magtanggap parusa para mana sa manga daut, ag ti daut pag manga tawu imaw ti magtanggap pirimyu para mana sa manga matadlung. Inda hanggan unman diman may pulus.

Isayas 41:21

Magkun ti Panginuun, ti Hari Israil, sa manga diyus-diyusan, “Malu, pag riklamu kamu ag pagkatuwiran!

Isayas 48:8

Balaw niyu napatingihan ngatay naintindihan inda pag manga bagay dahil ginan waya kaybi magpabungul-bungul yi kamu. Alam niku kanyu kapudilan, dahil ginan di waya sa kanyu pagkalusad maglaban yi kamu.

Hirimyas 11:20

Dapat nandarangin aku, “Panginuun Makamaskihan, matadlung duy kawu nu magsintinsiya. Magkaalaman duy nimu ti isip hanggan ti tagipusuun tawu. Pakakitan duy nimu sa kangku kanmu pagbalus sa kanda, dahil ipinabahala niku sa kanmu kang riklamu.”

Hirimyas 12:6

Una kanmu manga patar-ari hanggan katawuhan nagdaya sa kanmu. Maggayak daut sida laban sa kanmu. Danga kawu magpaniwala sa kanda una mayad kanda pagsabihun.

Hirimyas 3:20

Dapat kamu nasakupan Israil nandaya sa kangku, parihu sa babayi nandaya sa kay asawa. Aku, ti Panginuun, ti magsabi inda.

Hirimyas 3:7

Kang hantup, nu mabuwat yi inda tanan, bumalik yi siya sa kangku, dapat unman siya binmalik. Ag nakitan inda niya maradaya pag patar-ari balaw may iba nu unman ti Huda.

Hirimyas 32:16

Pagkanatapus nipakaun niku ti kasuratan sa kan Baruk kay anak ni Niryas, nagdarangin aku.

Hirimyas 5:11

Ti nasakupan Israil hanggan Huda balaw yi gid matinupadun sa kangku. Aku, ti Panginuun, ti magsabi inda.

Hirimyas 9:2

Nu may maulian lang mana aku sa pangawakawaan hampay makapakarayu aku sa kang manga kasimanwa, dahil sida tanan nandaya sa Panginuun ga babayi magpanguragin.”

Karukuan 1:18

Magkun ti Hirusalim, “Matadlung ti Panginuun; dapat unman niku sinunud kay sugu. Kamu tanan pag nasakupan, pagpatingi kamu ag bantayi niyu kang kakurian. Binihag kang kalay-awan manga babayi ag lalaki.

Isikil 18:25

“Dapat barang sumabi kamu, ‘Balaw matadlung ti palakaw Panginuun.’ Pagpatingi kamu, nasakupan Israil: Kangku aw nguna pagpalakaw ti balaw matadlung ngatay kanyu?

Danyil 9:14

Alistu kawu pumarusa sa kanmi; ag pagbuwatun ngani nimu dahil hustu kawu sa tanan nimu pagbuwatun. Dapat unman diman kami nagsunud sa kanmu.

Danyil 9:7

“Matadlung gid kawu, Panginuun, dapat kami inda makakaray-a tugka taynguna. Katunda diman ti tanan nasakupan Huda ag Hirusalim, hanggan ti tanan Israilita winayak nimu sa ararani hanggan sa ararayu pag rugar dahil sa kanda paglabag sa kanmu.

Husyas 6:7

Parihu sa kan Adam, dinaut niyu ti kasunduan niku sa kanyu. Nagpudil kamu sa kangku asan sa kanyu rugar.

Habakuk 1:4

Nakan nagbaliw unman may pulus ti kasuguan. Ag unman diman pag-ipatupad ti katadlungan dahil ti manga tawu may kasalanan imaw ti magpanalu sa atubangan husgadu balaw ti unman may kasalanan. Nakan nadura ti katadlungan.”

Sipanyas 3:5

Dapat asan di ti kadayawan Panginuun sa karaw-an nida banwa. Pagbuwatun Panginuun ti mayad ag balaw ti daut. Sirang-sirang pag-ipakakit niya kay kaayadan, ag unman niya inda pag-apasan. Dapat ti daut parargu sa pagbuwat daut ag unman sida magkay-a.

Malakyas 2:17

Magkun waya gid si Malakyas sa manga Israilita, “Magbugya yi ti Panginuun sa kanyu manga pagbagawun. Dapat magpaingana waya kamu, ‘Hayga, unu kanmi pagbagawun nakan magbugya yi siya?’ Magbagaw kamu ti tanan magbuwat daut mayad sa magbantay Panginuun ag magbaya siya sa kanda. Magpuya waya kamu magkun, ‘Naan yi ti Diyus katadlungan?’ ”

Malakyas 3:15

Masabi waya ngani nita mapalad ti mayabang pag manga tawu. Sa kay tutuu, sida ti manga magbuwat daut mag-unlad. Una pagsubukan nida ti Diyus unman diman sida pagparusahan.’ ”

Diyuturunumiyu 32:4

Siya kang palalan-iban pag batu; kang-ud gid kay manga binuwat, ag matadlung ti tanan niya manga palakaw. Matinupadun siya pag Diyus ag balaw magsalan; matadlung siya ag hustu kay manga pagbuwatun.