Hirimyas 11:4 - Hanunuu

⁴ Isinugu niku inda sa kanyu manga ginurang pagka sa sirang ipinalwas niku sida sa Ihiptu, sa rugar ga maglabdaban pugun turunawan baul. Magkun aku sa kanda, ‘Nu sundun niyu aku hanggan ti tanan niku pag-isugu, kamu kang yi nasakupan ag aku yi kanyu Diyus.

Hirimyas 11:4 Iomraidhean Croise

Gimpuunan 17:8

Kamu manga day-uhan lang taynguna sa daga Kanaan. Dapat ipakaun niku inda pag buu daga sa kanmu hanggan sa kanmu manga linahi. Kanyu yi inda hanggan aban, ag aku kanyu Diyus hanggan aban.”

1 Hari 8:51

Dahil nasakupan nimu sida kanmu magkaapu. Ipinalwas nimu sida sa Ihiptu, ti rugar parihu sa maglabdab pugun.

2 Hari 18:6

Matinupadun gid siya sa Panginuun, ag unman gid nag-apas sa pagsunud sa kanya. Ag sinunud niya ti ipinakaun Panginuun sa kan Muysis pag manga sugu.

Pag-ighit 20:6

Dapat pag-ipakakit niku kang pagmahal sa mayamu gid pag sinulput magmahal sa kangku ag magsunud sa manga sugu niku.

Isayas 30:6

Inda ti ipinaburayhaw Diyus tungkul sa manga hayup sa Nigib: Binaklay manga taga Huda ti pangawakawaan makuri baklayun nu naan may manga liyun, ag may manga madalit pag ulay ag ti iba ga maglayang. Pag-ikarga nida kanda manga kayamanan sa asnu ag sa manga kamilyu hampay ikaluub sa nasyun unman diman waydi makaawat sa kanda.

Isayas 48:10

Lumpiyuhun niku kamu, dapat balaw parihu sa paglunsay sa pilak, dahil lumpiyuhun niku kamu sa panab-anan kakurian.

Hirimyas 11:7

Sa udas ipinalwas niku kanyu manga ginurang sa daga Ihiptu taynguna tugka pag sirang, paulit-ulit niku sida pagbilinan kuntay kailangan nida aku sundun.

Hirimyas 24:7

Pakan-an niku sida tagipusuun makakilala sa kangku kuntay aku ti Panginuun. Sida kang yi nasakupan ag aku kanda yi Diyus, dahil bumalik yi sida sa kangku sa buu nida tagipusuun.

Hirimyas 26:13

Nakan bag-uha yi niyu kanyu ugali ag pangabuhi, bag-u pagsunud yi kamu sa Panginuun kanyu Diyus. Dahil nu inda buwatun niyu, balaw yi iparargu Panginuun ti pagsabihun niya pag kadamhakan laban sa kanyu.

Hirimyas 30:22

bumaliw nasakupan niku sida ag aku bumaliw kanda Diyus.

Hirimyas 32:28

Nakan tandai nimu, ipakaun niku inda pag banwa sa manga taga Babilunya ag sa hari nida sa kan Nabukudunusur bag-u mapasa-kanda inda.

Hirimyas 38:20

Magkun si Hirimyas, “Balaw duy kawu ipakaun sa kanda nu sundun lang nimu ti Panginuun. Maribri di duy kanmu buhi ag unman may una hintay ti mangyari sa kanmu.

Isikil 11:20

Tupadun yi niyu kang manga sugu ag manga surundanun. Bumaliw nasakupan niku kamu, ag aku bumaliw kanyu Diyus.

Isikil 14:11

Buwatun niku inda hampay balaw yi manpakarayu sa kangku ti manga Israilita, ag balaw yi nida uringan kanda sadili sa panab-anan pagbuwat daut. Bumaliw kang nasakupan sida, ag aku bumaliw kanda Diyus. Aku, ti Panginuun Diyus, ti magbagaw inda.”

Isikil 36:28

Mangulian kamu sa daga ipinakaun niku sa kanyu manga ginurang. Kamu kang nasakupan ag aku kanyu Diyus.

Isikil 37:23

Unman yi nida uringan kanda sadili sa panab-anan pagsamba sa kanda mayagting manga diyus-diyusan ngatay sa pagbuwat sa una hintay pag kasalanan. Dahil iribri niku sida sa tanan nida binwat kasalanan ag lumpiyuhun niku sida. Bumaliw nasakupan niku sida, ag aku kanda Diyus.

Isikil 37:27

Mangulian aku kaibahan nida. Diyus nida aku, ag sida kang nasakupan.

Danyil 3:26

Nakan nagpakarani si Nabukudunusur sa puwirtahan maglabdaban pag pugun bag-u nagtawag, “Sadrak, Misak, ag Abidnigu, manga suruguun Kaabwat-abwatan pag Diyus, pagluwas kamu asan ginan! Abala kamu!” Bag-u nagluwas ngani sida tulu ginan sa basad apuy.

Libitiku 26:12

Mangulian aku sa kanyu hampay aku pumirmaminti bumaliw Diyus niyu ag kamu pumirmaminti bumaliw nasakupan niku.

Libitiku 26:3

Nu sundun niyu kang manga surundanun ag manga sugu,

Sakaryas 13:9

Ag ti ikatlu pag bahagi masawad lumpiyuhun niku parihu sa pilak pag-ipalakaw sa apuy. Subukun niku sida parihu sa gintu pag-ipalakaw sa apuy nu lunsay ngatay unman. Mandarangin sida sa kangku ag sagtun niku sida. Sabihun niku, ‘Sida kang nasakupan.’ Ag sabihun diman nida, ‘Ti Panginuun kanmi Diyus.’ ”

Sakaryas 6:15

May manga tawu rumas-ug sa Israil ginan sa arayu pag rugar mangawat sa pagpatindug sa Balay Diyus Panginuun. Nu mangyari yi inda, maalaman niyu ti Panginuun Makamaskihan imaw ti nagpadara sa kangku tag sa kanyu. Ag mangyari gid inda nu sundun niyu mayad ti Panginuun niyu Diyus.

Sakaryas 8:8

Daran-un maan niku sida pabalik sa Hirusalim ag ati sida pauliun. Ag kas-a waya bumaliw sida kang nasakupan ag aku bumaliw kanda matapat ag matadlung pag Diyus.”

Matiyu 28:20

Tudluan niyu sida hampay tumupad sa tanan manga isinugu niku sa kanyu. Danga kalimtan niyu aku pirmi kaibahan niyu hanggan waya sa katapusan panahun.”

2 Kurintu 6:16

Una ti Balay Diyus balaw diman miusa sa diyus-diyusan. Kita ti Balay Diyus buhi. Siya diman waydi ti may sabi magkun, “Manahanan aku, pumurmar yi gid sa kanda, bag-u aku yi gid kanda Diyus. Sida kang yi gid nasyun.

Diyuturunumiyu 11:27

Papaladan kamu nu tupadun niyu ti manga sugu Panginuun niyu Diyus, ti pag-ipakaun niku sa kanyu kainda.

Diyuturunumiyu 4:20

Alalahana niyu bin-ul kamu Panginuun ginan sa Ihiptu, ti daga parihu sa pugun maglabdaban, hampay kanya yi kamu pag nasakupan, ag katunda yi ngani kamu kainda.

Diyuturunumiyu 5:6

‘Aku ti Panginuun niyu Diyus ti nagpalwas sa kanyu ginan sa Ihiptu nu naan kamu binwat panawuhun.

Hibriyu 5:9

Natupad yi niya ti buu kagustuhan Diyus. Nakan ginan sa kanya pag makatanggap karibrihan unman may katapusan ti manga tawu nu magpaniwala sa kanya;

1 Samwil 15:22

Dapat nagsagut si Samwil, “Magbaya aw lugud ti Panginuun sa manga handug niyu kaysa pagsunud sa kanya? Ti pagsunud sa Panginuun mas mayad man kaysa manga handug. Ti pagpatingi sa kanya mas mayad man kaysa paghandug manga taba karanidu.