Hirimyas 11:20 - Hanunuu

²⁰ Dapat nandarangin aku, “Panginuun Makamaskihan, matadlung duy kawu nu magsintinsiya. Magkaalaman duy nimu ti isip hanggan ti tagipusuun tawu. Pakakitan duy nimu sa kangku kanmu pagbalus sa kanda, dahil ipinabahala niku sa kanmu kang riklamu.”

Hirimyas 11:20 Iomraidhean Croise

Gimpuunan 18:25

Bilang ga unman nimu mahimu mabwat tunda rurisun ti manga matadlung kaibahan manga makasalanan. Balaw mahimu parihu kanmu magpakiusa sa kanda. Kawu ti magsintinsiya sa buu kalibutan, kabay mana buwatun nimu nu hintay ti mayad?”

2 Hari 19:14

Pagka natapus nabasa ni Isikyas ti surat ipinakaun manga manugbarita sa kanya, nag-atag siya sa Balay Diyus Panginuun ag binuklad ti surat sa atubangan Panginuun.

1 Krunika 28:9

“Ag kawu, Sulumun anak niku, kilalan-a ag sirbihi ti Diyus ga kanmu ama sa buu nimu tagipusuun ag kaisipan, dahil mag-akitan Panginuun ti kada tagipusuun ag alam niya kanta gayak ag pag-isipun. Nu magdangup kawu sa kanya, awatan kawu niya; dapat nu mamugya kawu sa kanya, dayuun kawu niya tugka aban.

1 Krunika 29:17

Diyus niku, alam niku pag-usisaun nimu kanmi tagipusuun ag magbaya kawu nu makitan nimu matadlung inda. Imaw tunda buu tagipusuun ag nalub-anan ti pagpakaun niku inda pag manga bagay. Ag una ti kanmu nasakupan atay kainda nakitan niku nagpakaun diman may nalub-anan. Nakan nagbaya gid aku.

Hub 5:8

“Nu aku ga kanmu, manpakarani aku sa Diyus. Sabihun niku sa kanya kang kahamtangan.

Kanta 139:23

Diyus, usisaa aku hampay maalaman nimu kang tagipusuun. Subuki aku, alama nimu kang pag-isip-isipun.

Kanta 35:2

Bul-a kanmu panangga, ag awati aku.

Kanta 43:1

Diyus, patutuuhani unman aku may kasalanan, ag apini aku laban sa manga balaw maka-diyus pag manga tawu. Ribrihan aku sa madaya ag magbuwat daut pag manga tawu.

Kanta 57:1

Diyus, kaawai aku dahil sa kanmu aku magdangup parihu sa butu manuk magpatagu sa sirung manga pakpak niya ina. Manhagad aku awat sa kanmu tugka sa lumawuy ti manga kadamhakan.

Kanta 58:10

Makabaya ti manga matadlung nu makitan yi nida pag balusan Diyus ti manga daut, ag nagbulus yi kanda dugu.

Kanta 7:10

Diyus, kawu ti mag-alaga sa kangku ga panangga. Pag-iribri nimu ti manga magkabuhi matadlung.

Kanta 7:8

Panginuun, kawu ti magsintinsiya sa manga nasyun. Patutuhani nimu unman aku may kasalanan, dahil alam nimu matadlung aku, ag unman aku may binwat daut.

Kanta 7:9

Amparaha ti pagbuwatun kadautan manga tawu, ag papaladi ti manga matadlung, dahil matadlung kawu pag Diyus, ag pag-usisaun nimu kanmi manga naisipan hanggan tagipusuun.

Kanta 98:9

Pagmasulung sida sa atubangan Panginuun dahil rumas-ug siya agud sintinsiyahan ti manga tawu sa kalibutan. Sintinsiyahan niya sida may katadlungan, balaw siya may pagkampihan.

Hirimyas 12:1

Panginuun nu aku magriklamu sa kanmu pirmi duy matadlung kanmu sagut. Dapat aku taynguna may manga ipaingana duy tungkul sa kanmu katadlungan: Hayga duy ti daut pag tawu mag-abunda? Hayga ti manga tawu madaya sa kanmu may kahusayan kay buhi?

Hirimyas 12:3

Dapat aku kilala duy nimu Panginuun. Mag-akitan nimu kang manga pagbuwatun hanggan alam nimu kang basad tagipusuun. Guyuda nimu inda pag manga tawu ga manga karanidu atag sa iriyawan. Ipablag duy nimu sida hampay iyawun.

Hirimyas 15:15

Magkun si Hirimyas, “Panginuun alam duy nimu ti tanan! Alalahana ag awati duy nimu aku. Balusi duy nimu ti manga mag-unuunu sa kangku. Alam niku balaw kawu madali magkagalit, nakan danga duy nimu aku pagpabay-ani mamatay. Alalahana duy nimu ti manga kakurian niku dahil sa kanmu.

Hirimyas 17:10

Aku, ti Panginuun, mag-usisa sa tagipusuun ag isip tawu. Balusan niku ti kada usa angay sa kay pag-ugaliun ag manga buwat.

Hirimyas 17:18

Padalaun duy nimu ag pakay-ahun ti manga mag-unuunu sa kangku. Dapat ay danga nimu inda buwatun sa kangku. Padarahi duy nimu sida kadamhakan hampay maruris sida lubus.

Hirimyas 20:12

Panginuun Makamaskihan, magkaalaman duy nimu nu si unu ti matadlung dahil alam nimu ti tagipusuun ag isip tawu. Ipakakit duy nimu sa kangku kanmu pagbalus sa kanda dahil ipinabahala yi duy niku sa kanmu inda pagharampangan.

Karukuan 3:58

Panginuun, inawatan nimu aku sa kang kasaba ag irinibri nimu kang buhi.

Karukuan 3:59

Nakitan nimu, Panginuun, ti kadautan binuwat sa kangku niku manga kalaban, nakan pakan-i aku katadlungan.

Karukuan 3:64

Balusi sida, Panginuun, angay sa kanda binuwat.

Isikil 11:5

Bag-u sinakup aku Ispiritu Panginuun ag sinabihan niya aku tultulan niku inda: “Imaw inda ti pagsabihun Panginuun sa kanyu pag nasakupan Israil: Alam niku nu unu kanyu pagsabihun ag pag-isipun.

Binwat 17:31

May itinaning yi siya kaudasan hampay pihuun ti daut ti mayad. Tunda pag buruwatun kay iinintirga sa kay pinili pag tawu. Kay pinatutuuhanan inda pagka kay binuhi maan tunda pag tawu.”

Pilipus 4:6

Danga kamu magkaarimputu sa una hintay pag bagay. Bagkus ngap pagdarangin kamu paghagad sa Diyus kanyu kailangan pag may pasalamat diman.

2 Timutiyu 4:14

Subra gid pag kadautan kay binwat sa kangku ni Alihanduru imaw ti manugpanday galang. Panginuun ti gumanti sa kanya angay sa kay binwat.

1 Pidru 2:23

Una siya minuransa, unman siya nagganti. Una siya pinakurianan, unman siya tinmima. Nagsarig yi lang siya sa Diyus, sa madunung magpihu sa daut sa mayad.

Ipinakakit 18:20

“Kawu duy pag langit pagbaya sa nangyari sa banwa Babilunya. Pagbaya kamu pag manga pinili Diyus, manga apustul hanggan manga purupita. Nasintinsiyahan yi Diyus ti banwa Babilunya sa kaparusahan dahil sa binwat niya sa kanyu.”

Ipinakakit 2:23

Matyun aban niku hanggan kay manga anak agud maalaman tanan manga iglisya aku lang ti makasuyasid sa tawu isip ag tagipusuun. Ti kada usa sa kanyu pakan-an niku angay sa kanyu manga binwat.

1 Samwil 16:7

Dapat magkun ti Panginuun sa kan Samwil, “Danga kawu magbantay sa kay abwat ngatay sa kay rinu dahil balaw siya kang pinili. Kangku pag pamantay balaw parihu sa pamantay tawu. Ti tawu kay pagbantayan kay lang panluwas pag rinu, dapat aku sa tagipusuun di gid tawu pag magbantay.”

1 Samwil 24:15

Ti Panginuun mana ti humukum ag magpasya nu si unu ti may salan sa kanta duwa. Mana sagutun niya ag apinan aku, ag iribri ginan sa kanmu manga kamang.”