Hirimyas 11:17 - Hanunuu

¹⁷ Ti Panginuun Makamaskihan ti nagpatindug sa Huda hanggan sa Israil, dapat ay taynguna pag-isugu niya wasakun inda, dahil daut ti pagbuwatun nida. Ginalit nida ti Panginuun sa panab-anan pagsagda kamangyan sa kan Baal.

Hirimyas 11:17 Iomraidhean Croise

2 Samwil 7:10

Pinakan-an niku sadili daga ti manga nasakupan niku Israilita, hampay may sadili sida ulian hanggan unman may magbalag sa kanda. Balaw yi sida apihun manga daut pag tawu ga kaybi,

2 Krunika 28:25

Nanpatindug diman siya manga simbahan sa abwat pag manga rugar sa tanan banwa sa Huda, hampay makahandug sa tuhay pag manga diyus. Ag subra nakapagalit sa Panginuun, ti Diyus niya manga ginurang.

Kanta 44:2

Pinaighit nimu ti manga tawu balaw magsunud sa kanmu ag kanmi manga ginurang imaw ti ipinatahan nimu sa kanda manga rugar. Pinakurianan nimu tunda pag manga tawu dapat pinaabunda nimu kanmi manga ginurang.

Kanta 80:15

parihu sa puun ubas kanmu itinanum sa panab-anan nimu kamaskihan. Alalahana kami kanmu manga anak kanmu pinarig-un para sa kanmu kadayawan.

Kanta 80:8

Kami kanmu nasakupan parihu sa puun ubas bin-ul nimu sa Ihiptu bag-u itinanum sa daga kay manga mag-ulian siyun pinaighit nimu.

Isayas 5:2

Inaradu niya inda, ipinasaruy di ti manga batu, ag tinanuman pinakamayad gid pag ubas. Namatindug siya usa ka barantayan pag bantayaw sa inda pag ubasan, ag namabuwat pirigsan ubas sa batu. Siyun gin, mag-alagad siya mamurak inda matagsing, pat-ay namurak inda maaslum.

Hirimyas 1:14

Magkun ti Panginuun, “Tama, dahil may rumas-ug dilikadu ginan sa kanaway sa tanan nasakupan sa inda pag daga.

Hirimyas 11:11

Nakan aku, ti Panginuun magsabi, mamadara aku sa kanda kaparusahan kuntay unman nida makapaiwas. Una manhagad sida awat sa kangku, balaw niku sida patingihan.

Hirimyas 11:13

“Kamu pag manga taga Huda, pagkayamu kanyu manga diyus-diyusan, parihu kay kayamu sa kanyu manga banwa. Ag nu kabitay kayamu ti manga baklayan sa Hirusalim, katida diman kay kayamu ti harandugan ipinatindug niyu hampay sunugan kamangyan para sa mayagting pag diyus-diyusan ni Baal.

Hirimyas 12:2

Kanmu sida pagpapaladan ga puun kayu magpan-gamut, maglangba, ag magburak. Pagdayawun nida kawu sa panab-anan lang bibig nida, balaw ginan sa kanda tagipusuun.

Hirimyas 18:15

Dapat kang manga nasakupan magkalimut yi sa kangku. Magsunug sida kamangyan sa manga diyus-diyusan unman may pulus. Nagpatlikud sida sa insaktu ag daan pag dalan, linmakaw sida sa balaw mayad pag dalan nu naan nitalakpa sida.

Hirimyas 18:8

bag-u tunda pag nasyun ngatay kaharian umapas sa pagbuwat daut, balaw yi niku iparargu kang gayak daut sa kanda.

Hirimyas 19:15

“Pagpatingi kamu, dahil inda ti pagsabihun Panginuun Makamaskihan, ti Diyus Israil: Ipadara niku sa inda pag banwa hanggan sa manga baryu sa kay kalibut ti pagsabihun niku pag parusa dahil maganit kanda ulu ag dayu sida mamatingi sa manga pagsabihun niku.”

Hirimyas 2:21

Parihu kamu sa usa ka pinakamayad pag kalasi ubas kang itinanum. Dapat hayga linmuwang kamu lugu ag unman may pulus pag ubas?

Hirimyas 24:6

Dahanan niku sida hampay mayad kanda kahamtangan bag-u ipabalik niku sida sa inda pag daga. Utru niku sida ipatindug ag balaw yi rurisun. Parig-unun niku sida ag balaw yi ayitun.

Hirimyas 26:13

Nakan bag-uha yi niyu kanyu ugali ag pangabuhi, bag-u pagsunud yi kamu sa Panginuun kanyu Diyus. Dahil nu inda buwatun niyu, balaw yi iparargu Panginuun ti pagsabihun niya pag kadamhakan laban sa kanyu.

Hirimyas 26:19

Minatay aw siya ni Isikyas aw ngatay una si unu ati sa Huda? Unman! Bagkus ngap, nadala si Isikyas sa Panginuun ag nagpakarani siya sa kanya. Nakan balaw ipinatarus Panginuun ti pagsabihun niya pag kadamhakan laban sa kanda. Nakan nu matyun niyu si Hirimyas, kamu diman waydi ti pumarusa sa kanyu sadili.”

Hirimyas 32:29

Irubun nida inda, hanggan ti manga balay kay bubung pagsunugan manga kamangyan para kan Baal ag pagsagdahan manga handug irinmun para tuhay pag manga diyus-diyusan subra niku pag-ikagalit.

Hirimyas 32:30

“Aku, ti Panginuun, ti magsabi ginan di waya kabag-u, unman yi may binuwat ti manga taga Israil hanggan ti taga Huda nu unman lunsay kadautan. Ginalit nida aku sa panab-anan nida manga buwat.

Hirimyas 35:17

Nakan aku, ti Panginuun Diyus Makamaskihan, ti Diyus Israil, magsabi: ‘Pagpatingi kamu! Kamu pag manga taga Huda ag Hirusalim. Paras-ugun niku sa kanyu ti pagsabihun niku pag kadamhakan laban sa kanyu. Nagpakihampang aku sa kanyu dapat unman kamu namatingi, nagtawag aku sa kanyu dapat unman kamu sinmagut.’ ”

Hirimyas 36:7

Barang abi sa panab-anan inda pumakarani sida sa Panginuun ag patlikudan nida ti daut nida pag-ugali. Dahil pinakan-an yi sida pasandam Panginuun kuntay sida parusahan niya dahil sa masyadu niya pag galit sa kanda.”

Hirimyas 40:2

Pagka nakitan ni Nibusaradan si Hirimyas, magkun siya sa kanya, “Ti Panginuun kanmu Diyus magsabi wayakun niya ti Hirusalim.

Hirimyas 40:3

Ag nangyari inda taynguna. Ungud binuwat gid Panginuun ti sinabi niya. Nangyari inda dahil nagbuwat kasalanan sa Panginuun ti manga kasimanwa nimu ag balaw sida sinmunud sa kanya.

Hirimyas 42:10

Nu pumirmaminti kamu sa inda pag daga, bangunun niku kamu ag utru ipatindug ag balaw yi niku kamu ipadamhak. Dahil tutuu nanruku gid aku sa kadamhakan kang ipinalakaw sa kanyu.

Hirimyas 44:5

dapat unman sida namatingi ngatay nagsunud sa manga purupita. Unman sida nagpatlikud sa kanda kadautan ngatay nag-apas sa pagsunug nida manga kamangyan para sa manga diyus-diyusan.

Hirimyas 44:8

Hayga niyu aku pag pagpagalitun sa pagbuwat niyu manga diyus-diyusan? Magsunug waya kamu manga kamangyan para siyun atay sa Ihiptu nu naan kamu taynguna pag mag-uli. Ipagpadamhak niyu kanyu sadili ag pagbuwatun niyu mayagting ag makakaray-a sa tanan pag nasyun sa kalibutan.

Hirimyas 45:4

“Baruk, inda waya ti sinabi Panginuun ‘Wasakun niku inda pag nasyun kang ipinatindug. Ayitun niku kang itinanum. Ag buwatun niku inda sa buu daga.

Hirimyas 7:18

Ti manga anak magkayu, ti manga ama magpamakut apuy, ti manga babayi magkamas arina hampay buwatun tinapay para sa Rayna Langit. Magsagda diman sida manga irinmun sa iba diyus hampay galitun aku.

Hirimyas 7:9

Kamu mananakaw, manugmatay, magpanguragin, magkastigus sa kapudilan, magtuub kamangyan sa kan Baal, bag-u magsamba sa iba manga diyus balaw niyu magkakilala.

Isikil 17:5

“Pagkatapus nagbuul ti agila binhi sa daga Israil ag itinanum inda sa abunda pag daga sa saruy sapa nu naan tumubu inda madali.

Husyas 10:1

“Ti manga taga Israil parihu sa tanum ubas malangba ag mayamu kay burak. Mintaras mag-abunda sida magyamu diman kanda pag-ipatindug manga harandugan, ag pagparinuun nida ti aramirawan pag manga batu kanda pagsambahun.