Hirimyas 11:12 - Hanunuu

¹² Nakan manhagad yi lang sida awat sa manga diyus-diyusan kanda pagsagdahan kamangyan, dapat unman diman sida maawatan tunda pag manga diyus-diyusan nu rumas-ug yi ti parusa.

Hirimyas 11:12 Iomraidhean Croise

2 Krunika 28:22

Sa udas kakurian ni Hari Akas, lalu waya siya nagsupakil sa Panginuun.

Isayas 45:20

Magkun waya ti Panginuun, “Pagtipun kamu tanan pagpakarani sa kangku, kamu ti manga naglayas ginan sa manga nasyun. Unman gid may alam ti manga magdara manga diyus-diyusan kayu. Magdarangin sida sa tunda pag manga diyus-diyusan, balaw diman waydi makaribri sa kanda.

Isayas 46:7

Pagpas-anun nida inda pag-ipauli sa kay palaulian ag ati lang dahil balaw waydi inda makakimut. Nu may mandarangin sa kanya, balaw diman siya makasagut hanggan makaawat sa udas kakurian.

Hirimyas 18:15

Dapat kang manga nasakupan magkalimut yi sa kangku. Magsunug sida kamangyan sa manga diyus-diyusan unman may pulus. Nagpatlikud sida sa insaktu ag daan pag dalan, linmakaw sida sa balaw mayad pag dalan nu naan nitalakpa sida.

Hirimyas 2:28

Hayga? Naan yi ti manga diyus binuwat niyu para sa kanyu sadili? Tawagun niyu sida nu kaya nida kamu iribri sa kakurian niyu. Pagkayamu kanyu manga diyus, parihu kay kayamu sa manga banwa sa Huda.

Hirimyas 44:8

Hayga niyu aku pag pagpagalitun sa pagbuwat niyu manga diyus-diyusan? Magsunug waya kamu manga kamangyan para siyun atay sa Ihiptu nu naan kamu taynguna pag mag-uli. Ipagpadamhak niyu kanyu sadili ag pagbuwatun niyu mayagting ag makakaray-a sa tanan pag nasyun sa kalibutan.

Diyuturunumiyu 32:37

Bag-u mamaingana ti Panginuun sa kay manga nasakupan, “Naan yi kainda kanyu manga diyus, ti palalan-iban niyu pag batu?

Diyuturunumiyu 32:38

Naan yi kainda kanyu manga diyus magkaun taba ag mag-inum kanyu handug irinmun? Paawatan sida sa kanyu, pagbuwata niyu sida panangga!

Talaghusay 10:14

Hayga balaw kamu maghagad awat sa manga diyus kanyu pinili sambahun? Sida ti paribrihan sa kanyu sa udas magkakurian kamu.”