Hirimyas 11:11 - Hanunuu

¹¹ Nakan aku, ti Panginuun magsabi, mamadara aku sa kanda kaparusahan kuntay unman nida makapaiwas. Una manhagad sida awat sa kangku, balaw niku sida patingihan.

Hirimyas 11:11 Iomraidhean Croise

Hub 35:13

Tutuu gid, unman pagpatingihan Makamaskihan pag Diyus kanda maghagad awat unman may pulus.

Kanta 18:41

Maghagad sida awat, dapat unman may nangawat sa kanda. Nagtawag sida sa kanmu, Panginuun, dapat balaw nimu sida sinagut.

Kanta 66:18

Nu pinabay-anan lang niku kang manga kasalanan unman mana nagpatingi ti Panginuun sa kangku.

Kabagawan 1:28

Bag-u manawag kamu sa kangku, dapat balaw niku kamu sagutun. Hanapun niyu aku, dapat unman niyu aku makitan.

Kabagawan 29:1

Ti tawu magpaganit waya gid kay tagipusuun una pira yi ginan siya tamyawun midamhak lang rargu ag unman yi makabangun waya.

Isayas 1:15

“Nu mandarangin kamu balaw niku kamu pansinun. Una paulit-ulit waya kamu mandarangin balaw niku kamu patingihan dahil mayamu kanyu minatay pag tawu.

Isayas 24:17

Kamu pag manga nasakupan manga nasyun sa kalibutan, mag-alagad sa kanyu ti kadalaan hanggan ti kali, ag suduk.

Hirimyas 11:14

“Nakan Hirimyas, danga yi kawu magdarangin para sa inda pag manga tawu. Danga yi kawu magpaawa-awa sa kangku para sa kanda, dahil balaw niku sida sagtun nu manawag sida sa kangku sa udas nida kakurian.

Hirimyas 11:17

Ti Panginuun Makamaskihan ti nagpatindug sa Huda hanggan sa Israil, dapat ay taynguna pag-isugu niya wasakun inda, dahil daut ti pagbuwatun nida. Ginalit nida ti Panginuun sa panab-anan pagsagda kamangyan sa kan Baal.

Hirimyas 14:12

Una waya balaw sida manhandum karan-unun, balaw niku patingihan kanda maghagad awat sa kangku. Una manhandug waya sida manga handug pagsunugun ag handug pasalamat sa kangku, balaw niku tunda tanggapun. Bagkus ngap, matyun niku sida sa gira, lun-us, ag sarut.”

Hirimyas 14:2

“Maghimanglaw ti Huda; kay manga banwa magpanlubay. Maglumi kay manga nasakupan matukawan sa daga, hanggan diman ti manga mag-ulian sa Hirusalim maglulumian gid.

Hirimyas 15:2

Nu mamaingana sida nu naan tabug sida, sabihun nimu kuntay inda ti pagsabihun niku: Ti itinigana mamatay pihu magkaramatay. Ti iba itinigana mamatay sa girahan ag ti iba sa lun-us. Ti iba waydi itinigana bihagun.

Hirimyas 18:11

“Nakan sabihun nimu sa manga taga Huda hanggan sa manga taga Hirusalim kuntay inda ti pagsabihun niku, ‘Pagpatingi kamu! May paggayakun aku parusa para sa kanyu. Nakan pag-apas yi kamu sa kanyu daut pag ugali. Ti kada usa sa kanyu pagbag-u yi kay pagbuwatun hanggan ugali.’

Hirimyas 19:15

“Pagpatingi kamu, dahil inda ti pagsabihun Panginuun Makamaskihan, ti Diyus Israil: Ipadara niku sa inda pag banwa hanggan sa manga baryu sa kay kalibut ti pagsabihun niku pag parusa dahil maganit kanda ulu ag dayu sida mamatingi sa manga pagsabihun niku.”

Hirimyas 19:3

Sumabi kawu, ‘Manga hari sa Huda ag nasakupan Hirusalim, patingihi niyu ti tultulanun Panginuun Makamaskihan, ti Diyus Israil. Inda ti pagsabihun niya: Mamadara aku kadamhakan sa inda pag rugar, una si unu ti makadnug inda dalaun gid.

Hirimyas 23:12

Nakan bumaliw madlum ag maganuy kanda dalan. Madayaan ag mitalakpa sida dahil iparas-ug niku sa kanda ti kadamhakan sa udas parusahan niku sida. Aku, ti Panginuun, ti magsabi inda.

Hirimyas 25:35

Unman gid kamu may mapalagiwan rugar, unman kamu makalayas.

Hirimyas 35:17

Nakan aku, ti Panginuun Diyus Makamaskihan, ti Diyus Israil, magsabi: ‘Pagpatingi kamu! Kamu pag manga taga Huda ag Hirusalim. Paras-ugun niku sa kanyu ti pagsabihun niku pag kadamhakan laban sa kanyu. Nagpakihampang aku sa kanyu dapat unman kamu namatingi, nagtawag aku sa kanyu dapat unman kamu sinmagut.’ ”

Hirimyas 36:31

Parusahan niku kawu hanggan kanmu manga anak, hanggan ti manga takinan nimu dahil sa kanyu kadautan. Ipalakaw niku sa kanyu sa manga taga Hirusalim hanggan taga Huda ti tanan kadamhakan pagsabihun niku laban sa kanyu dahil balaw kamu namatingi sa kangku.’ ”

Hirimyas 6:19

Buu kalibutan, pagpatingi kamu! Mamadara aku kadamhakan sa manga tawu sitay bilang parusa sa kanda manga daut paggayakun. Dahil balaw nida pinatingihan kang manga bagaw, dinayu nida ti manga kasuguan niku.

Karukuan 2:22

Binan-awan nimu ti kalaban sa pagsalakay sa kang sangput bilang nagban-aw lang karan-an. Sa sirang ipinakakit nimu kanmu pangagalit, unman gid may nakapalagiw ngatay nabuhi. Pinanmatay niku kalaban kang manga anak pag-alagaan ag pinadaka.

Isikil 14:3

“Anak tawu, inda sida magmahal sa kanda manga diyus-diyusan imaw ti magdara sa kanda sa pagbuwat daut, hayga pahintulutan niku sida manhagad paanyu ginan sa kangku?

Isikil 7:5

“Aku, ti Panginuun Diyus, magbagaw magkun waya gid: Rumas-ug ti sunud-sunud pag kadamhakan.

Isikil 8:18

Nakan masamitan nida kang pangagalit. Balaw gid niku sida kaawaan. Una manringgit waya sida mabisug sa paghagad awat sa kangku, balaw niku sida patingihan.”

Amus 5:19

Parihu kamu sa usa ka tawu mag-isip ribri yi siya dahil nakapalagiw siya sa liyun, dapat nasulang ngap niya ti usu. Ngatay mag-isip siya unman yi may mangunu sa kanya dahil ati yi siya sa sulud niya balay, dapat pagka iwinaklay niya kay kamang sa lingub kinagat ngap ulay kay kamang.

Mikas 3:4

Sa udas parusahan kamu, manhagad kamu awat sa Panginuun, dapat balaw niya kamu awatan. Pabay-anan niya kamu dahil sa kanyu daut pag manga buwat.

Sakaryas 7:13

Dahil unman nida pinatingihan kang manga pagsabihun, unman diman niku patingihan nu manawag sida sa kangku.

1 Tisalunika 5:3

Nu pagkumnun manga tawu, “Kita may kahusayan unman may pagkadalaan!” tunda ngap bigla pag mangyari ti kadamhakan. Dayu gid sida umiwas dahil inda mangyari parihu sa udas nu magpanamdam ti babayi manganak.

Hibriyu 1:3

Ti Anak ti duag kadayawan Diyus. Parihu siya sa Diyus sa tanan bagay. Ti Anak diman ti mag-alaga sa tanan bagay sa kamaskihan niya bagaw. Pagka ihinanda niya kay kapatawadan sa manga tawu kasalanan bag-u tinmukaw siya ati sa langit baliwa sa sikun Diyus, minsan sa karampatan Diyus makamaskihan sa tanan.