Hirimyas 11:10 - Hanunuu

¹⁰ Hinuwad nida ti manga binwat kasalanan nida manga ginurang balaw gid nagpaniwala sa kang manga bagaw. Nagsamba diman sida sa manga diyus-diyusan. Ti nasakupan Israil hanggan Huda parihu naglabag sa binwat niku kasunduan sa kanda manga ginurang.

Hirimyas 11:10 Iomraidhean Croise

Kanta 78:57

Nagpakarayu sida ag nagpudil sa Diyus parihu sa kanda manga ginurang. Balaw sida masarigan parihu sa daut pag ugyung.

Isayas 24:5

Ti kalibutan inuringan niya manga nasakupan, dahil balaw nida sinunud ti Kasuguan Diyus hanggan kay manga surundanun. Linabag nida ti unman may katapusan pag taratu Diyus sa kanda.

Hirimyas 13:10

Dayu magsunud inda pag manga daut tawu sa manga pagsabihun niku. Pagsundun nida ti kagustuhan maganit nida tagipusuun magsirbi ag magsamba sa manga diyus-diyusan. Nakan miparihu sida sa tunda pag huragkus udyi mapakinabangan.

Hirimyas 17:23

dapat balaw sida nagpatingi sa kangku. Maganit gid kanda ulu! Balaw nida pagtanggapun kang manga pag-itudlu sa kanda.

Hirimyas 22:9

Ag inda ti isagut sa kanda, ‘Dahil dinayu nida ti kasunduan Panginuun nida Diyus, bag-u nagsamba hanggan nagsirbi sida sa manga diyus-diyusan.’ ”

Hirimyas 31:32

Balaw inda parihu sa un-an pag kasunduan kang binuwat sa kanda manga ginurang katpung giniyahan niku sida sa pagluwas sa Ihiptu. Una aku ga kanda asawa, balaw nida tinupad ti un-an nimi pag kasunduan. Aku, ti Panginuun, ti magsabi inda.”

Hirimyas 44:16

“Balaw kami magpasnu sa manga pagsabihun nimu sa kanmi sa ngaran Panginuun!

Hirimyas 44:5

dapat unman sida namatingi ngatay nagsunud sa manga purupita. Unman sida nagpatlikud sa kanda kadautan ngatay nag-apas sa pagsunug nida manga kamangyan para sa manga diyus-diyusan.

Hirimyas 7:28

Nakan inda kanmu sabihun sa kanda: Inda pag nasyun kay manga nasakupan dayu magsunud sa Panginuun nida Diyus, hanggan dayu magpatudlu. Udyi sa kanda ti katutuuhanan; udyi sida magbagaw tutuu.

Hirimyas 9:6

Lunsay yi lang darayaan kanda pagbuwatun, dahil sa darayaan udyi nida aku pagkilalan-un.

Isikil 16:59

Inda waya gid ti pagsabihun Panginuun Diyus: “Parusahan niku kawu nu hintay ti dapat sa kanmu, dahil binul-an nimu halaga kang taratu sa panab-anan paglabag sa kanta kasunduan.

Isikil 44:7

Pag-ipasulud niyu sa kang Balay ti manga day-uhan unman magsarig sa kangku. Sa panab-anan inda pag-uringan niyu kang Balay habang maghandug kamu karan-unun, taba, hanggan dugu. Balaw labut sa kanyu mayagting manga buwat, paglabagun waya niyu kang kasunduan sa kanyu.

Isikil 5:6

Linabag niya kang manga sugu, ag mas daut waya siya kaysa iba pag manga nasyun sa kay palibut. Dinayu niya kang manga sugu ag manga surundanun.

Husyas 6:4

Dapat magkun ti Panginuun, “Israil hanggan Huda, hintay kang buwatun sa kanyu? Kanyu pagmahal sa kangku madali lang magkadura parihu sa anitay ngatay tun-ug sa surip.

Husyas 6:7

Parihu sa kan Adam, dinaut niyu ti kasunduan niku sa kanyu. Nagpudil kamu sa kangku asan sa kanyu rugar.

Husyas 7:16

Magdangup sida kan Baal unman may pulus. Parihu sida sa pamana maliku unman mapakinabangan. Mamatay sa girahan kanda manga takinan dahil unman sida magdahan nu magbagaw. Dahil siyun puyaan sida manga taga Ihiptu.

Sipanyas 1:6

Papasun niku ti manga magpatlikud ag unman magdangup sa kangku.

Sakaryas 1:4

Danga niyu paghuwada ti binwat niyu manga ginurang. Sinugu niku kaybi ti manga purupita hampay sabihan sida patlikudi yi nida kanda manga daut pagbuwatun, dapat unman sida naniwala. Unman gid sida nagsunud sa kangku.

Sakaryas 7:11

“Dapat unman gid nida pinahalgaan kang sinabi. Binugyahan nida inda ag unman nida pinatingihan.

Sakaryas 7:13

Dahil unman nida pinatingihan kang manga pagsabihun, unman diman niku patingihan nu manawag sida sa kangku.

Diyuturunumiyu 31:16

Nagbagaw ti Panginuun sa kan Muysis, “Arani yi kawu mamatay ag miminsan sa kanmu manga ginurang. Nu udyi kawu, inda pag manga tawu mansamba sa iba pag manga diyus imaw ti pagsambahun manga tawu ati sa atagan nida pag daga. Bugyahan nida aku ag lapastanganun kang binwat kasunduan sa kanda.

Diyuturunumiyu 9:7

“Isipa niyu nu kabitay niyu ginalit ti Panginuun niyu Diyus sa pangawakawaan. Ginan sa sirang nagluwas kamu sa Ihiptu tugka kainda, pirmi yi lang kamu maglaban sa Panginuun.

Hibriyu 8:9

Ti bag-u taratu balaw miparihu sa daan taratu ga kang binwat kaybi sa kanda manga ginurang, sa ati katpung kang naggiya sa kanda hampay ipalwas sida ginan sa daga Ihiptu.” Magkun ti Panginuun, “Unman nagtupad sida sa kang taratu, nakan pinabay-anan niku sida.”

Talaghusay 2:11

Nagbuwat kadautan ti manga Israilita sa magbantay Panginuun ag nagsamba sa manga tawu-tawu Baal.

Talaghusay 2:17

Dapat unman nida binati kanda manga takinan. Bagkus ngap, nagpatlikud sida sa Panginuun ag nagsamba sa tuhay pag manga diyus. Balaw sida parihu sa kanda manga ginurang dahil madali lang sida magpatlikud sa manga sugu Diyus, ti sinunud kaybi nida manga ginurang.

Talaghusay 2:19

Dapat nu namatay yi ngani ti takinan, magbalik yi maan sida sa kanda daan pag buruwatun imaw ti pagsirbi ag pagsamba sa tuhay pag manga diyus. Subra waya kanda kadautan binwat kaysa kanda manga ginurang. Balaw nida gustu tayakan kanda daut manga pagbuwatun ag manga kaganitan nida manga ulu.

1 Samwil 15:11

“Magsisi gid aku binwat niku hari si Saul, dahil nagpatlikud siya sa kangku ag balaw nagsunud sa kang sugu.” Pagka nasaydan inda ni Samwil, nangisug gid siya, ag nandarangin siya buu yabi sa Panginuun.