Hirimyas 10:9 - Hanunuu

⁹ Namabuwat duy sida sa manga manugpanday hanggan sa panday-pilak diyus-diyusan pinahaklupan pilak ginan sa Tarsis ag gintu ginan sa Upas. Bag-u pinasulungan duy nida rutay malatuy bag-u kulay dungun tinahi madunung pag manga manugtahi.

Hirimyas 10:9 Iomraidhean Croise

1 Hari 10:22

May manga barku diman si Sulumun pan-ahinti, pagdaran-un manga tawuhan ni Hiram. Inda pag manga barku mag-uli usa ka bisis sa tulu ka timpu, may dara manga gintu, pilak, bangkil ilipanti, ag daraka ngatay dariit pag kalasi manga amu.

2 Krunika 9:21

May manga barku diman si Sulumun pan-ahinti, ti tagadara kay manga tawuhan ni Hiram. Inda pag manga barku usa ka bisis mag-uli sa kada ikatlu pag timpu, may karga manga gintu, pilak, bangkil ilipanti, hanggan manga daraka ngatay dariit pag kalasi manga amu.

Kanta 115:4

Dapat kanda manga diyus-diyusan binwat lang waydi tawu ginan sa pilak ag gintu.

Kanta 72:10

Mana ti manga hari sa Tarsis, sa manga puru sa dagat, sa Shiba, ag sa Siba mangayaw sa kanya manga pamakaun sa pagpakakit magpasakup sida sa kanya.

Isayas 23:6

Panlumi kamu, kamu pag manga mag-uli sa saruy dagat. Pagdipay kamu sa Tarsis.

Isayas 40:19

Maipatulad aw niyu siya sa manga diyus-diyusan binwat lang manugpanday, bag-u pinahaklupan gintu ag pinaulian pamarinu kulintas pilak?

Isikil 27:12

“ ‘Nakipagnigusyu sa kanmu ti Tarsis dahil mayamu kanmu kayamanan. Kanda ibinayad sa kanmu manga pilak, baul, lata hanggan timga.

Isikil 27:7

Kanmu layag binurdahan linu ginan sa Ihiptu, ga bandira inda nu bantayun. Kanmu turda kulay bughaw ag kulay dungun ginan sa baybay Ilisa.

Danyil 10:5

May nakitan aku ati ga tawu may rutay linu ag may huragkus lunsay gintu.

Husyas 8:6

Ti diyus-diyusan baka manga taga Samarya buwat lang waydi manga taga Israil. Balaw tida Diyus! Pihu gid inda runutun.

Hunas 1:3

Dapat linmihus si Hunas atabug sa Tarsis hampay patagu sa Panginuun. Naglus-ug siya sa Hupa bag-u ati siya pag nakakit usa ka barku kay biyahi atabug sa Tarsis. Nakan nagpakaun siya kay piliti bag-u sinmakay sa barku kaibahan manga manugpasigu sa barku hanggan iba waya manga sakay hampay patagu siya sa Panginuun.

Habakuk 2:19

Kaawaawa kamu pag manga magsabi sa diyus-diyusan kayu ngatay batu, “Pag-ipulaw kawu ag awati kami.” Unman ngani inda makatudlu sa kanyu. Una pinahaklupan inda gintu ag pilak, unman waydi may buhi.