Hirimyas 10:3 - Hanunuu

³ Unman may pulus kanda pag-ugaliun. Magpukan sida manga puun kayu sa puru bag-u pagpalahaban nida sa antigu pag manuglahab.

Hirimyas 10:3 Iomraidhean Croise

Kanta 115:4

Dapat kanda manga diyus-diyusan binwat lang waydi tawu ginan sa pilak ag gintu.

Isayas 45:20

Magkun waya ti Panginuun, “Pagtipun kamu tanan pagpakarani sa kangku, kamu ti manga naglayas ginan sa manga nasyun. Unman gid may alam ti manga magdara manga diyus-diyusan kayu. Magdarangin sida sa tunda pag manga diyus-diyusan, balaw diman waydi makaribri sa kanda.

Hirimyas 1:16

Parusahan niku kang manga nasakupan dahil sa kanda kadautan. Binugyahan nida aku, nagtuub sida kamangyan sa manga diyus-diyusan. Sinamba nida kanda binwat pag manga diyus-diyusan.

Hirimyas 10:8

Tanan sida maraganit kay ulu ag manga busal. Unman duy may pulus ti manga tudlu tungkul sa kanda manga diyus-diyusan binwat sa kayu.

Hirimyas 14:22

Unman una di usa ka diyus-diyusan manga nasyun ti makapauran ngatay makapaanitay. Una ti langit ngapu unman diman makapauran. Kawu lang, Panginuun kanmi Diyus ti lubus makabuwat inda, nakan sa kanmu duy kami pag magsarig.

Hirimyas 16:19

Magkun aku, “Panginuun, kawu duy ti kabisugan niku ag manug-alaga sa udas may karukuan. Pumakarani duy sa kanmu ti manga nasyun ginan sa buu kalibutan bag-u sumabi sida, ‘Unman may pulus ti manga diyus-diyusan nimi manga ginurang. Unman sida may nabwat una hintay pag kaayadan.

Hirimyas 2:5

Inda kay pagsabihun: “Hintay pag kasalanan ti nakitan niyu manga ginurang sa kangku nakan aku kanda binugyahan? Sinunud nida ti manga diyus-diyusan unman may pulus, nakan sida hanggan nagbaliw diman unman may pulus.

Libitiku 18:30

Nakan tupada niyu ti pag-isugu niku sa kanyu ag danga niyu paghuwada ti manga mayagting pag manga buruwatun manga tawu un-an man sa kanyu, hampay balaw niyu mayagtingan kanyu sadili dahil siyun. Aku ti Panginuun kanyu Diyus.

Matiyu 6:7

“Nu magdarangin kamu danga kayamu pag bagaw unman may pulus, danga parihu sa ugali manga unman magsarig sa Diyus. Kanda isip barang patingihan sida Diyus dahil sa kayamuan nida pagbagawun imaw-imaw diman.

Binwat 19:26

Taynguna tandai niyu ti kanyu nakitan ag nadnugan. Dahil tunda ngani pag tawu si Pablu magtudlu sa manga tawu magkun, ‘Ti manga diyus-diyusan binwat tawu kamang balaw ungud manga diyus, unman may kapangyarihan.’ Masyadu mayamu yi tawu ginarya yi ni Pablu, naniwala sida sa kay pagsabihun, una sitay sa banwa Ipisu una sa harus tanan rugar sa buu daga Asya.

Ruma 1:21

Madi alam nida may imaw Diyus, unman nida pagdayawun ngatay pagpasalamatan. Bagkus ngap pinamintuhu nida ti manga bagay unman may kabuluhan, nadluman yi lang kanda naisipan unman makaintindi sa katutuuhanan.

1 Pidru 1:18

Dahil naalaman niyu nu hintay ti ilinukat sa kanyu ginan sa unman may kabuluhan pag ugali kanyu minana ginan sa kanyu ginurang. Ti ilinukat sa kanyu balaw manga bagay magkadaut, parihu sa manga pilak, manga gintu.