Hirimyas 10:25 - Hanunuu

²⁵ Ipasamit duy nimu kanmu pangagalit sa manga nasyun balaw magkilala sa kanmu hanggan sa manga tawu balaw magdulud sa kanmu. Dahil tinabu duy nida ti linahi ni Hakub, ag pinandaut kay manga ulian nida.

Hirimyas 10:25 Iomraidhean Croise

Hub 18:21

Tutuu gid ungud inda ti ras-ugan daut pag tawu, unman nakakilala sa Diyus.”

Kanta 14:4

Unman aw lugud alam inda pag daut manga tawu sa kanda pagbuwatun? Magkabuhi sida sa panab-anan pagpanguwarta sa kang manga kasimanwa, ag unman sida magdarangin sa Panginuun.

Kanta 147:20

Unman niya inda binwat sa iba pag manga nasyun; unman nida alam kay manga sugu. Dayawun ti Panginuun!

Kanta 27:2

Nu girahun aku niku daut pag manga kalaban agud matyun, sida ngap ti matalu ag balaw aku.

Kanta 69:24

Panginuun, pakakitan kanmu pangagalit sa kanda. Iparanas nimu sa kanda kanmu masyadu pag pangagalit.

Isayas 43:22

“Dapat unman kawu naghagad awat sa kangku, Israil, nagbugya yi ngap kawu sa kangku.

Isayas 64:7

Unman una di usa sa kanmi ti maghagad ag maghingbut makahiyaput sa kanmu. Dahil napakarayu kawu sa kanmi, ag pinabay-anan nimu kami sa kanmi manga kasalanan.

Isayas 9:12

Ti Israil wayakun manga taga Aram baliwa sa butlakan, hanggan manga Pilistiyu baliwa sa isalpan, parihu sa maisug pag hayup ti mankub sa kanda. Dapat balaw waya madura ti pangagalit Panginuun, nakan alistu di siya pumarusa sa kanda.

Hirimyas 11:1

Magkun ti Panginuun sa kan Hirimyas,

Hirimyas 30:16

“Dapat ipadamhak diman niku ti tanan pumadamhak sa kanyu, bag-u ti tanan kalaban niyu bihagun. Girahun diman ti tanan maggira ag mag-agaw kanyu manga kasiyunan, bag-u agawan diman manga kasiyunan sida.

Hirimyas 50:17

“Ti manga Israilita ga manga karanidu namululagan pagbukadun manga liyun. Kabag-u, siniba hari sa Asirya, rargu ti pinaka-uryan nag-arit-it kanda manga but-ul si Hari Nabukudunusur sa Babilunya.

Hirimyas 50:7

Siniba sida manga nakakit sa kanda. Magkun ti manga kalaban nida, ‘Nagsalan sida sa Panginuun imaw ti tutuu nida paraharyan ag pagsarigan manga kaumputan nida nakan unman kita may kasalanan sa kanta paggira sa kanda.’

Hirimyas 8:16

Ti ham-us kabayu manga kalaban mag-adnugan ginan sa Dan. Sa harihi di waya kabayu nida, pagtakigan yi ti buu daga. Rinmas-ug sida hampay wayakun inda pag daga hanggan ti tanan atay — ti manga banwa ag ti tanan manga mag-uli sitay.’ ”

Karukuan 2:22

Binan-awan nimu ti kalaban sa pagsalakay sa kang sangput bilang nagban-aw lang karan-an. Sa sirang ipinakakit nimu kanmu pangagalit, unman gid may nakapalagiw ngatay nabuhi. Pinanmatay niku kalaban kang manga anak pag-alagaan ag pinadaka.

Sipanyas 1:6

Papasun niku ti manga magpatlikud ag unman magdangup sa kangku.

Sipanyas 3:8

“ ‘Nakan kamu pag manga matinupadun pag taga Hirusalim, alagda niyu ti sirang unu-unuhun niku ti manga nasyun. Dahil nagpasya yi aku tipunun ti manga nasyun hanggan ti manga kaharian hampay ibuhus niku sa kanda ti mahigpit niku pag pangagalit parihu sa apuy mag-irub sa buu kalibutan.

Sakaryas 1:15

dapat galit gid aku sa manga nasyun masalimpayaan lang. Kaybi balaw masyadu kang pangagalit sa kanda, dapat dinugangan waya gid nida kang pangagalit sa kanda.

Huwan 17:25

Amang, kawu ti matadlung. Unman kawu nakilala manga taga kalibutan. Dapat aku magkilala di sa kanmu. Ag inda pag manga iinintirga nimu sa kangku nakakilala waydi kuntay kawu ti nagsugu sa kangku.

Binwat 17:23

Sa kang maglakaw sa banwa, binantayan niku kanyu manga simbahan. Bag-u may nakitan aku usa ka bugtangan handug may surat magkun, ‘Sa unman magkakilala pag diyus.’ Tunda yi pag Diyus ti kanyu pagsambahan madi unman kilala niyu siya, imaw yi ngani pag Diyus kang pag-itudlu sa kanyu.

1 Kurintu 15:34

Pagbalik kamu sa mayad pag naisipan ag danga magkasala. Dahil ti iba unman magkilala sa Diyus. Kang pagkumnun inda sa kanyu sa ikakay-a niyu.

1 Tisalunika 4:5

Danga kay sadili daut pag kagustuhan ti pagtupada, danga parihu sa ugali manga unman magsarig sa Diyus.

2 Tisalunika 1:8

Rumas-ug siya sa karaw-an maglalabdaban pag apuy. Bag-u parusahan niya ti tanan tawu dayu magpaniwala sa Diyus ag ti manga dayu magsunud sa Mayad pag Barita tungkul sa kanta Panginuun Hisus.

Ipinakakit 16:1

Nadnugan niku ti daka pag bagaw ginan sa sulud Balay Diyus magsugu sa pitu ka anghil magkun, “Pag-ati yi kamu, buhusan niyu sa daga ti pangagalit Diyus ginan sa basad pitu ka pinggan malukung.”