Hirimyas 10:15 - Hanunuu

¹⁵ Unman sida may pulus ag kailangan kadat-an sida. Rumas-ug ti sirang dautun tunda tanan.

Hirimyas 10:15 Iomraidhean Croise

Kanta 115:9

Kamu pag nasakupan Israil, hanggan yi kamu pag manga lahi ni Aarun, pagsarig kamu sa Panginuun. Siya ti kanyu manug-awat ag manug-alaga.

Isayas 41:24

Dapat kay tutuu, unman kamu may pulus ag unman kamu may mabuwat. Mayagting pag manga tawu ti nagpili sa kanyu hampay kamu sambahun.

Isayas 41:29

Tanan manga diyus-diyusan unman may pulus, ag unman gid may mabwat una hintay. Parihu sida sa sukadan pasay durus kay sukad.”

Isayas 57:12

Kanyu hantup matadlung kanyu pagbuwatun, dapat ipakakit niku nu hintay pag kalasi tawu kamu.

Hirimyas 10:11

Sabihun niyu sa manga magsamba sa tuhay pag diyus, “Kanyu manga diyus balaw naglalang langit ag daga pihu madura di sa kalibutan.”

Hirimyas 10:8

Tanan sida maraganit kay ulu ag manga busal. Unman duy may pulus ti manga tudlu tungkul sa kanda manga diyus-diyusan binwat sa kayu.

Hirimyas 14:22

Unman una di usa ka diyus-diyusan manga nasyun ti makapauran ngatay makapaanitay. Una ti langit ngapu unman diman makapauran. Kawu lang, Panginuun kanmi Diyus ti lubus makabuwat inda, nakan sa kanmu duy kami pag magsarig.

Hirimyas 18:15

Dapat kang manga nasakupan magkalimut yi sa kangku. Magsunug sida kamangyan sa manga diyus-diyusan unman may pulus. Nagpatlikud sida sa insaktu ag daan pag dalan, linmakaw sida sa balaw mayad pag dalan nu naan nitalakpa sida.

Hirimyas 43:12

Irubun niya ti manga balay diyus manga diyus-diyusan sa Ihiptu. Ti iba pag manga diyus-diyusan ay mairub diman, bag-u ti iba darahun niya bihag. Lumpiyuhun niya ti daga sa Ihiptu parihu sa paglumpiyu manug-alaga sa kay rutay hampay mab-ul ti manga hanup. Bag-u umighit si Nabukudunusur ribri sa una hintay pag kadautan.

Hirimyas 50:2

“Ipadakit sa manga nasyun ti barita sa unman may pag-ilihim! Ag paabwatan ti bandira tanda pagkawasak Babilunya! Marunut ag mangay-a ti manga diyus-diyusan niya hanggan kay diyus-diyusan si Bil ag si Marduk.

Hirimyas 51:18

Unman inda may pulus ag mayagting. Rumas-ug ti sirang midamhak sida tanan.

Hirimyas 8:12

Pag-ikay-a aw lugud nida kanda manga ugali mayagting? Unman! Dahil unman yi sida may kauyaan! Unman ngani magkalayhum kanda uyahun. Nakan midamhak sida parihu sa iba. Maruris sida sa udas parusahan niku sida. Aku, ti Panginuun, ti magsabi inda.

Hirimyas 8:19

Patingihi niyu ti lulumian manga kasimanwa niku kuntay mag-adnugan inda sa buu daga. Magkun sida, “Unman yi aw lugud ti Panginuun sa Hirusalim? Unman yi aw lugud ati ti Diyus, ti Hari sa Hirusalim?” Sinmagut ti Panginuun, “Hayga niyu aku ginalit sa panab-anan niyu pagsamba sa manga diyus-diyusan unman may pulus?”

Husyas 9:7

“Manga taga Israil, rinmas-ug yi ti sirang parusahan kamu, sirang pagbalus sa kanyu manga binwat. Ag maalaman gid niyu rinmas-ug yi ngani inda. Sumabi kamu tungkul sa kangku, ‘Tunda pag purupita buang-buang! Paggiyahan siya ispiritu daut!’ Imaw inda kanyu pagsabihun sa kangku dahil mayamu yi kanyu kasalanan ag magkagalit gid kamu sa kangku.

Hunas 2:8

Ti manga tawu magsamba sa unman may pulus pag manga diyus-diyusan balaw matinupadun sa kanmu.

Binwat 14:15

magkun, “Danga duy buwatun niyu tunda. Kami manga tawu lang waydi parihu ga kanyu. Pag-itudlu nimi sa kanyu ti Mayad pag Barita tungkul sa kan Hisus hampay ipatlikud nimi kamu sa tunda pag manga buwat unman may kabuluhan ag hampay tudluan nimi kamu magsamba sa Diyus buhi. Siya ti naglalang sa langit, daga, dagat hanggan sa tanan-tanan bagay.

Diyuturunumiyu 32:21

Pinaimun nida aku sa bukun tutuu pag diyus, ag ginalit nida aku sa kanda unman may pulus pag manga diyus-diyusan. Nakan paimunun waydi niku sida sa iba pag manga tawu. Galitun niku sida sa panab-anan pagpapalad sa luku-luku pag nasyun.

1 Samwil 12:21

Danga yi kamu magsunud sa manga diyus-diyusan unman makaawat, unman diman makaparibri sa kanyu dahil unman ngani may pulus.

1 Samwil 5:4

Dapat pagka nasurip maan, nakitan nida naplid yi maan si Dagun, masubsuban sa atubangan Kaban Kasunduan Panginuun. Kay ulu hanggan duwa ka kamang naplud yi, mawayakan sa may arani sabian; kay bilug wadi ti nasawad buu.