Hirimyas 10:12 - Hanunuu

¹² Dapat Diyus ti naglalang langit ag daga sa panab-anan niya kamaskihan ag kadunungan.

Hirimyas 10:12 Iomraidhean Croise

Gimpuunan 1:1

Sa kabag-u linalang Diyus ti langit hanggan ti kalibutan.

Gimpuunan 2:5

udwaya sa daga ti tanan pag kalasi tanum magkabuhi sa padang, dahil udwaya niya pagpauranan ag unman waya may tawu man-asikasu sa daga.

1 Krunika 16:26

dahil ti tanan pag diyus sa iba pag manga nasyun binwat lang waydi nida hampay kanda dayawun, dapat ti Panginuun imaw ti naglalang sa kalangitan.

Hub 26:7

Pagladladun Diyus ti kanaway pag kalangitan sa marayaw pag rugar, ag ipinauli niya ti kalibutan sa kapawaan langit.

Hub 37:18

makaawat aw lugud kawu sa Diyus sa pagladlad langit ag paganitun inda ga salamin pag galang?

Hub 9:8

Siya lang ti makabuklad sa langit hanggan ti makapapat-ung sa humbak dagat.

Kanta 104:2

Magkatabunan kawu rayaw ga kanmu rutay ag linadlad nimu ti langit ga turda.

Kanta 104:24

Panginuun, kay kayamu kanmu manga binwat. Linalang nimu sida tanan angay sa kanmu kadunungan. Ti kalibutan punu nimu linalang.

Kanta 119:90

Kanmu katapatan ud may katapusan hanggan waya aban. Ibinugtang nimu marig-un ti kalibutan, nakan matayak di inda.

Kanta 24:2

Dahil siya ti nagpauli pundasyun kalibutan sa kaabasad-basadan danum.

Kanta 33:6

Sa panab-anan bagaw Panginuun, nalalang ti kalangitan; ginan sa kay arup ti init, ti bulan, hanggan ti manga pamgasan.

Kanta 65:7

Pagpakalmahun nimu ti paywas manga humbak sa dagat hanggan ti kaguluhan manga tawu.

Kanta 78:69

Ati niya pag-ibinungsud kay Balay Diyus marig-un tugka aban, parihu sa langit ag daga.

Kanta 93:1

Hari kawu, Panginuun; kanmu kamaskihan ag kadayawan imaw ti kanmu makahari pag rutay. Ibinugtang nimu marig-un ti kalibutan ag balaw inda magkatandug.

Kabagawan 3:19

Sa panab-anan kadunungan hanggan kaalaman, linalang Panginuun ti kalibutan hanggan ti kalangitan, bag-u nagkarabukasan ti manga bulbugan, ti manga rurum nagpakaun uran.

Kabagawan 30:4

May tawu aw lugud nakadayik sa langit ag nakadugsun sa kalibutan? May tawu aw lugud nakadakup durus ngatay nakasaput danum sa kay rutay? May tawu aw lugud nakapauli manga katugkaan kalibutan? Nu may kilala kawu, tultuli aku kay ngaran hanggan kay ngaran niya manga anak.

Isayas 37:16

“Panginuun, Diyus Israil matukawan sa turukawan sa tab-anan manga kirubin, kawu lang duy ti Diyus magdumara sa tanan kaharian sitay sa kalibutan. Linalang nimu ti kalangitan ag ti kalibutan.

Isayas 40:22

Linalang inda Diyus matukawan siya sa kay tukawan hari sa tungud kalibutan. Sa pamantay niya, ti manga tawu sa sirung ga manga liyung lang. Ilinadlad niya ti langit ga limbun rutay, ngatay ga usa ka turda hampay ulianan.

Isayas 42:5

Inda ti pagsabihun Diyus, ti Panginuun naglalang langit ga kay linadlad inda ga rutay. Linalang niya ti kalibutan hanggan ti tanan asan. Siya diman ti magpakaun buhi sa manga tawu ag sa tanan linalang magkabuhi sa kalibutan.

Isayas 44:24

Inda ti pagsabihun Panginuun kanyu Manugribri ti naglalang sa kanyu: Aku ti Panginuun ti naglalang tanan bagay. Aku lang usa ti nagladlad sa langit ag aku diman ti naglalang sa kalibutan.

Isayas 45:12

Aku ti nagbuwat kalibutan hanggan ti tanan magpangulian siyun. Kang manga kamang ti nagbuklad sa langit, aku ti nagsugu sa init, sa bulan hanggan sa manga pamgasan kuntay pagluwang.

Isayas 45:18

Kawu, Panginuun, ti Diyus. Kawu ti naglalang langit hanggan kalibutan. Balaw nimu binuwat ti kalibutan ud may magkabuhi. Binuwat nimu inda hampay ulianan. Magkun kawu, “Aku ti Panginuun, udyi may iba waya.

Isayas 48:13

Aku ti nagpauli paratukawan kalibutan hanggan aku diman ti nagbuklad kalangitan. Nu magsugu aku sa kanda, pagsundun nida.

Isayas 49:8

Inda ti pagsabihun Panginuun, “Sa kang-ud pag kaudasan iribri niku kawu, dungugun ag awatan. Alagaan niku kawu, sa panab-anan nimu, bumuwat aku kasunduan sa manga tawu. Utru nimu ipatindug ti daga Israil nawayak, bag-u ipakaun nimu inda sa kang manga nasakupan.

Hirimyas 10:13

Sa kay sugu magpaywas ti danum sa langit. Magpaluwang siya manga rurum hanggan manga kilat sa kalangitan ag mag-ibuhus ti mabisug pag uran. Pag-ipalwang niya ti durus ginan sa kay palaulian.

Hirimyas 10:16

Dapat kay Diyus ni Hakub balaw parihu sa kanda. Siya ti nagbuwat tanan pag manga bagay, hanggan Israil, kay sadili pag nasakupan. Panginuun Makamaskihan kay ngaran.

Hirimyas 14:22

Unman una di usa ka diyus-diyusan manga nasyun ti makapauran ngatay makapaanitay. Una ti langit ngapu unman diman makapauran. Kawu lang, Panginuun kanmi Diyus ti lubus makabuwat inda, nakan sa kanmu duy kami pag magsarig.

Hirimyas 27:5

Sa panab-anan niku kamaskihan linalang niku ti kalibutan, ti manga tawu hanggan ti manga hayup. Aku ti may karampatan nu si unu kang piyaran inda.

Hirimyas 32:17

“Panginuun Diyus, linalang nimu ti langit ag ti daga sa panab-anan nimu kamaskihan. Unman may una hintay pag bagay ti unman nimu mabwat.

Sakaryas 12:1

Inda ti sinabi Panginuun tungkul sa Israil: “Aku ti Panginuun ti nagbuwat kalangitan ag kalibutan, ag aku ti magpakaun buhi sa tawu.

Huwan 1:3

Ginan sa kanya pag binwat Diyus ti tanan pag manga bagay. Sa tanan-tanan linalang unman may nabuwat ti Diyus nu ud ginan lang sa kanya.

Kulusas 1:16

Dahil ti tanan-tanan bagay una sa langit una sa babaw daga, ti manga mag-akitan hanggan ti unman mag-akitan, linalang Diyus sa panab-anan ni Kiristu, para diman sa kan Kiristu ti tanan tunda. Una ti manga anghil abwat kay katungkulan, ti manga magpamahala, ti manga naminunu, ti may manga kamaskihan sa langit hanggan sa babaw daga, kay diman linalang Diyus sa panab-anan ni Kiristu hampay ipasakup niya sa kan Kiristu.