Hirimyas 10:10 - Hanunuu

¹⁰ Dapat ti Panginuun imaw ti tutuu pag Diyus. Siya ti buhi pag Diyus ag Hari unman may katapusan. Nu magkagalit siya magkatandug ti kalibutan, unman may nasyun makapadugay sa masyadu gid pag galit niya.

Hirimyas 10:10 Iomraidhean Croise

Gimpuunan 21:33

Nantanum si Abraham usa ka puun kayu tamarisku ati sa may Biirsiba ag sinamba niya ati ti Panginuun, ti Diyus hanggan aban.

1 Hari 18:39

Pagka nakitan inda tanan tawu, linmuhud sida ag magkun, “Ti Panginuun imaw ti Diyus! Ti Panginuun imaw ti Diyus!”

1 Hari 8:60

hampay maalaman tanan nasakupan sa buu kalibutan ti Panginuun imaw ti Diyus ag unman yi may iba waya.

1 Krunika 29:11

Makamaskihan gid kawu, paggalangun, kilala, ag pagdayawun. Dahil kanmu ti tanan pag bagay sa langit ag sa daga. Kawu ti hari, Panginuun, ag abwat kawu sa tanan.

2 Krunika 15:3

Sa kadugayun pag panahun nangabuhi ti manga taga Israil unman may tutuu pag Diyus, unman may manga manughandug magtudlu sa kanda, ag unman may kasuguan.

Hub 9:6

Pagtandugun niya ti daga hanggan kay patakinan inda magkahalu.

Kanta 10:16

Panginuun, kawu ti hari unman may katapusan. Madura ti daut pag manga nasyun sa kalibutan kanmu linalang.

Kanta 100:3

Kilalan-un niyu ti Panginuun imaw ti Diyus! Siya ti naglalang sa kanta ag kanya kita. Nasakupan niya kita kay pag-alagaan parihu sa manga karanidu.

Kanta 100:5

dahil mayad ti Panginuun. Kay pagmahal balaw may katugkaan, matinupadun siya hanggan aban.

Kanta 104:32

Nu bantayun nimu ti kalibutan, magkatandug inda. Nu tandugun nimu ti manga bantud, mag-anus inda.

Kanta 114:7

Magkatandug ti kalibutan sa atubangan Panginuun, ti Diyus ni Hakub,

Kanta 145:13

Kanmu maghari hanggan aban. Panginuun, matinupadun gid kawu sa kanmu manga taratu, ag mapagmahal kawu sa tanan nimu linalang.

Kanta 146:6

imaw ti naglalang sa kalangitan ag sa kalibutan, sa dagat ag sa tanan atay. Masarigan gid ti Panginuun hanggan aban.

Kanta 18:7

Bag-u naglinug, hanggan ti manga patakinan manga bantud nahalu, dahil nagalit kawu, Panginuun.

Kanta 29:10

Ti Panginuun ti may kamaskihan sa manga baha. Maghari siya sa unman may katapusan.

Kanta 31:5

Pag-iintirga niku sa kanmu kang buhi. Ribrihan aku, Panginuun, Diyus masarigan.

Kanta 42:2

Buhi pag Diyus, magkauwaw aku sa kanmu. Kapira waya aku makaatag sa kanmu Balay hampay makapakarani sa kanmu atubangan?

Kanta 68:11

Panginuun, nagpadara kawu tultulanun, ag ibinarita tunda kayamuan babayi:

Kanta 68:8

natandug ti daga ag nag-uran dahil nagras-ug kawu, Diyus sa Israil, kawu nagpahayag kanmu sadili sa Sinai.

Kanta 74:12

Kawu, Diyus, ti kanmi hari ginan waya sa kabag-u, ag mayamu yi bisis irinibri nimu ti manga tawu sa kalibutan.

Kanta 76:7

Diyus, pagkadalaan kawu. Si unu nguna ti makaagwanta sa kanmu nu magalit kawu?

Kanta 76:8

Ginan sa langit magsintinsiya kawu. Nadala sa kanmu ti manga tawu sa kalibutan ag nanahimik sida

Kanta 77:18

Nasaydan ti linti sa manga bagyu; ti manga kilat nanrayaw sa kalibutan; ag natandug ti kalibutan.

Kanta 84:2

Gustu gid niku umati! Mag-ayup aku makasaka sa kanmu Balay, Panginuun. Kang buu buhi manganta may kabayaan sa kanmu, buhi pag Diyus.

Kanta 9:8

Panguluhan nimu may katadlungan ti manga tawu sa kalibutan, sa unman may pagkampihan.

Kanta 90:11

Balaw may nakalakaw kanmu lubus pangagalit. Ag habang magdugang kanmi naalaman sa kanmu pangagalit magdugang diman kanmi paggalang sa kanmu.

Kanta 90:2

Sa udwaya nimu linalang ti manga bantud hanggan ti kalibutan, kawu yi ti Diyus, ag kawu diman ti Diyus sa unman may katapusan.

Kanta 93:2

Hari yi kawu ginan waya sa kabag-u, dahil asan yi kawu kaybi waya.

Kanta 97:4

Kay kilat magrayaw sa kalibutan. Pagka nakitan inda manga tawu pagtakigan sida sa dala.

Isayas 37:17

Panginuun, patingihi duy nimu aku, ag bantayi ti manga nangyari. Buhi pag Diyus, patingihi nimu ti manga binagaw ni Sinikarib maglabag sa kanmu.

Isayas 37:4

Ipinadara hari Asirya kay kumandir manga sundalu hampay puyaan ti Diyus buhi. Barang abi nadnugan Panginuun nimu Diyus ti sinabi kumandir ag parusahan siya sa kay sinabi. Nakan idarangin nimu ti manga nasawad sa kanta.”

Isayas 40:15

Para sa Panginuun, ti manga nasyun parihu lang sa usa ka tiktik danum sa timba ngatay taypuk sa kiluhan. Sa Diyus, ti manga puru ga taypuk lang kay kagaan.

Isayas 40:28

Unman aw niyu alam ngatay unman aw niyu nadnugan ti Panginuun imaw ti unman may katapusan pag Diyus ti naglalang buu kalibutan? Balaw siya magkagasa ngatay magpanlumuy, ag unman may makasalum sa kay isip.

Isayas 57:15

Inda waya ti pagsabihun Kaabwat-abwatan pag Diyus, ti Banal pag Diyus buhi hanggan aban: “Mag-uli aku sa abwat ag banal pag rugar, dapat mag-uli diman aku kaibahan manga tawu mapinakumbabaun ag mapinatawadun, hampay sida kang pabisugun.

Isayas 65:16

Una si unu sa daga Israil ti mamagaw papalad ngatay saad mabuwat inda sa kang ngaran — ti Diyus matinupadun. Dahil kalimtan yi niku ti manga nalawyan pag kakurian, bul-un yi niku sa kang naisipan.

Hirimyas 23:36

kaysa sabihun niya, ‘May tultulanun aku ginan sa Panginuun.’ Dahil paggamitun lang inda iba hampay mapaangay nida kanda kaparihu, nakan paglikuun nida ti pagsabihun buhi pag Diyus, ti Panginuun Makamaskihan.

Hirimyas 4:2

ag nu manumpa kawu sa pangaran lang niku mangabuhi kawu matinupadun, matadlung ag kang-ud, bumaliw papalad kawu sa manga nasyun bag-u dayawun nida aku.”

Hirimyas 4:24

Nakitan niku ti manga bantud hanggan ti manga tagudtud pagtandugun.

Hirimyas 50:46

Sa pagkaplid Babilunya, matandug ti daga ag masaydan sa iba nasyun kanda lulumian.”

Hirimyas 51:29

Ga tawu pagtakigan ag magpabaring-baring sa sakit ti Babilunya, dahil buwatun Panginuun kay gayak laban siyun, unman yi may mangulian ag bumaliw mapung-aw tunda pag rugar.

Danyil 4:3

Lilingutan kay kamaskihan ag makadululaw ti ipinakakit Diyus! Maghari siya unman may katapusan.

Danyil 4:34

“Pagkalawuy pitu ka timpu, aku, si Nabukudunusur, nagdangup sa Diyus, ag nagbalik kang daan pagkaisipan. Nakan dinayaw niku ag kinilala ti Kaabwat-abwatan pag Diyus buhi sa unman may katapusan. Nagkumun aku, ‘Kay paghari unman may katapusan.

Danyil 6:26

“Pag-isugu niku sa tanan manga tawu sakup niku kaharian pagkadala ag paggalang sa Diyus ni Danyil. Dahil siya ti buhi pag Diyus ag magkabuhi unman may katapusan. Parargu kay paghari hanggan aban, ag unman may makadaug sa kay kaharian.

Danyil 6:27

Magribri siya ag magbuwat makadululaw ag lilingutan pag manga tanda sa langit hanggan sitay sa babaw daga. Irinibri niya si Danyil sa manga liyun.”

Danyil 7:14

Kinilala siya ag pinakan-an karampatan maghari, ag sumirbi sa kanya ti tanan tawu sa tuhay-tuhay pag nasyun hanggan linahi, ag pamagaw. Parargu kay paghari sa unman may katapusan ag unman may makadaug sa kay kaharian.

Huwil 2:11

Pagsuguun Panginuun kay manga sundalu, ti kagadhan ag makapangyarihan pag manga apan magsunud sida sa kay sugu. Madala ti sirang pagparusa Panginuun. Unman gid may umagwanta inda!

Mikas 1:4

Ti malakawan niya pag manga bantud matunaw ga kandila nid-ut sa apuy. Ti malakawan niya pag manga ratag mangunha-kunha ga linakawan danum binmulus ginan sa madirig pag rugar.

Nahum 1:5

Sa kay atubangan magkahalu ti kalibutan, hanggan ti manga bantud, una ti manga tawu sa kalibutan pagtakigan.

Nahum 1:6

Hintay waydi ti umagwanta sa kay masyadu pag pangagalit? Nu magkagalit siya ga magbuga siya apuy, una manga batu magkarapugdak sa kay atubangan.

Habakuk 3:10

Ti manga bantud parihu sa manga tawu nangirkirug pagka nakakit sa kanmu. Inmuran mabaskug; magpaywas ti danum sa dagat ag dinmaraka ti manga humbak.

Habakuk 3:6

Nu magtindug kawu magkahalu ti kalibutan, ag nu magbantay kawu pagtakigan sa dala ti manga nasakupan ag magkarup-ag ti dugay yi pag manga bantud. Kanmu manga palakaw pumarargu sa ud may katapusan.

Malakyas 3:2

Dapat si unu lugud ti umagwanta sa sirang niya pagras-ug? Si unu lugud ti umagwanta nu manpakakit yi siya? Dahil parihu siya sa apuy magtunaw sa baul ngatay parihu sa sabun magpalagti. Lumpiyuhun niya ti manga manughandug manga lahi ni Libi parihu sa magtunaw pilak ag gintu, hampay bumaliw matadlung kanda buhi sa kanda maghandug sa Panginuun.

Matiyu 16:16

Sinmagut si Simun Pidru magkun, “Kawu duy ti Kiristu, ti Pinili Diyus Manugribri pag Hari, ti Anak Diyus buhi.”

Matiyu 26:63

Dapat unman nag-ingay si Hisus. Bag-u magkun ti pangulu manughandug sa kan Hisus, “Sa ngaran Diyus buhi, kang pag-ibilin sa kanmu, sabiha nimu sa kanmi, nu tutuu kawu ti Pinili Diyus Manugribri pag Hari, ti Anak Diyus.”

Huwan 17:3

Inda yi ngani ti ibug sabihun buhi unman may katapusan nu kilalan-un tawu kawu lang ti tutuu gid pag Diyus ag nu kilalan-un niya si Hisu-Kiristu, ti sinugu nimu.

Binwat 14:15

magkun, “Danga duy buwatun niyu tunda. Kami manga tawu lang waydi parihu ga kanyu. Pag-itudlu nimi sa kanyu ti Mayad pag Barita tungkul sa kan Hisus hampay ipatlikud nimi kamu sa tunda pag manga buwat unman may kabuluhan ag hampay tudluan nimi kamu magsamba sa Diyus buhi. Siya ti naglalang sa langit, daga, dagat hanggan sa tanan-tanan bagay.

Diyuturunumiyu 32:4

Siya kang palalan-iban pag batu; kang-ud gid kay manga binuwat, ag matadlung ti tanan niya manga palakaw. Matinupadun siya pag Diyus ag balaw magsalan; matadlung siya ag hustu kay manga pagbuwatun.

Diyuturunumiyu 5:26

May imaw aw waya tawu buhi ti nakadnug sa busis Diyus ginan sa apuy parihu sa kanta nadnugan?

1 Tisalunika 1:9

Sida yi ngani ti mamarita nu kabitay kami kanyu tinanggap. Sida diman tigsabi pinatlikudan niyu ti pagsamba sa diyus-diyusan hampay magsirbi kamu sa tutuu Diyus buhi,

1 Timutiyu 1:17

Taynguna ti kadayawan hanggan kapangyarihan pagsa kanya, sa usa-usa ka Diyus, sa Hari ud may pinag-umpisahan, unman may katapusan, unman may kamatayan ag unman mag-akitan sa mata. Amin.

1 Timutiyu 6:17

Sabihi nimu ti manga mayaman, danga magpalabaw-labaw. Danga sida magsarig sa kanda kayamanan dahil tunda magkadura di. Bagkus ngap pagsarig sida sa Diyus, imaw ti abunda pag manugpakaun tanan bagay sa ikabaya nita.

Hibriyu 10:31

Madala gid ti malagpak tag sa kamang Diyus buhi.

Huswi 3:10

Taynguna maalaman niyu mag-iba sa kanyu ti buhi pag Diyus, dahil ipatabug gid niya sa kanyu ti manga Kananiyu, Hitiyu, Hibiyu, Pirisiyu, Girgisiyu, Amuriyu ag manga Hibusiyu.

1 Huwan 5:20

Magkaalaman diman nita nagsitay ti Anak Diyus, bag-u pinakan-an niya kita intindi hampay makilala nita ti Diyus tutuu. Kita magpakiusa sa Diyus tutuu, dahil sa kanta magpakiusa sa kay Anak, sa kan Hisu-Kiristu. Inda yi gid ti Diyus tutuu, ag ti tutuu pag buhi unman may katapusan.

Ipinakakit 20:11

Bag-u nakitan niku ti laun pag malagti pag tukawan hari hanggan ti matukawan siti. Naparaw sa kay atubangan ti daga hanggan langit, udyi maan nakitan uman.

Talaghusay 5:4

Panginuun, pagka inmighit kawu sa Bantud Siir, pagka linmuwas kawu sa daga Idum, natandug ti kalibutan ag inmuran mabaskug.

1 Samwil 17:26

Namaingana si Dabid sa manga tawu matindugan sa kay arani, “Si unu pag Pilistiyu tida, unman magsarig sa Diyus, mag-akat sa manga sundalu buhi pag Diyus? Unu ti matanggap tawu makamatay sa kanya para mapigil kay magpakay-a niya sa Israil?”

1 Samwil 17:36

Imaw tunda kang pagbuwatun sa liyun ag usu, katunda diman kang buwatun sa tunda pag Pilistiyu unman magsarig sa Diyus, dahil kay pag akatun ti manga sundalu buhi pag Diyus.