Hirimyas 1:8 - Hanunuu

⁸ Danga kawu magkadala sa manga tawu dahil kaibahan nimu aku ag awatan niku kawu. Aku, ti Panginuun, ti magsabi inda.”

Hirimyas 1:8 Iomraidhean Croise

Pag-ighit 3:12

Magkun ti Diyus, “Ibahan niku kawu, ag inda ti puruyba aku ti nagsugu sa kanmu: Nu naipalwas yi nimu ti manga Israilita ginan sa Ihiptu, sambahun niyu aku sa inda pag bantud.”

Isayas 43:2

Nu lumakaw kawu sa danum, kaibahan nimu aku. Nu dumipay kawu sa manga sapa, balaw kawu malimus. Nu lumakaw kawu sa apuy, balaw kawu mairub; kay labdab balaw umunu sa kanmu.

Isayas 51:12

Sinmagut ti Panginuun, “Aku ti nagpabisug ag nagpasulung sa kanyu. Nakan hayga kamu madala sa kaparihu niyu tawu mamatay diman ga ilamnun?

Isayas 51:7

Pagpatingi kamu sa kangku, kamu ti manga may alam nu hintay ti kang-ud ag magsunud sa kang kasuguan! Danga kamu magkadala sa manga magpakay-a ag magpuya pag manga tawu sa kanyu.

Hirimyas 1:17

Hirimyas, ialistu nimu kanmu sadili. Pag-ati kawu, sabihun nimu sa kanda ti tanan niku pagsabihun sa kanmu. Danga kawu magkadala sa kanda. Dahil nu kawu madala, lalu kawu kang padalaun sa atubangan nida.

Hirimyas 1:19

Kalabanun nida kawu, dapat unman nida kawu matalu, dahil ibahan ag awatan niku kawu. Aku, ti Panginuun, ti magsabi inda.”

Hirimyas 20:11

Dapat kaibahan duy niku kawu, Panginuun. Kawu ga sundalu maisug ag makamaskihan, nakan matalu ti manga mag-unuunu sa kangku. Midamhak sida ag mangay-a, una kapira, unman malimtan ti kakay-ahan nida.

Hirimyas 30:11

Kaibahan niyu aku ag iribri niku kamu. Lubus gid niku wayakun ti manga nasyun kinalatan niku sa kanyu dapat balaw niku inda buwatun sa kanyu. Dapat balaw waydi inda kay ibug sabihun balaw niku kamu parusahan. Parig-anan niku kamu sa kang-ud. Aku, ti Panginuun, ti magsabi inda.”

Hirimyas 39:11

Nagsugu si Hari Nabukudunusur sa kan Nibusaradan takinan manga guwardiya tungkul sa kan Hirimyas. Magkun siya,

Hirimyas 42:11

Danga yi kamu magkadala sa hari Babilunya dahil kaibahan niyu aku, iribri niku kamu sa manga kamang niya.

Danyil 3:17

Nu imaw yi gid waydi ti mangyari, iribri di kami Diyus nimi pagsirbihan ginan sa maglabdaban pag pugun. Iribri di niya kami ginan sa kanmu kamang.

Danyil 3:25

Magkun ti hari, “Bantayi niyu! Upat ti mag-akitan niku maglakaw-lakaw sa basad apuy. Unman yi sida magapusan ag unman sida magkairub. Ag kay usa sa kanda ga usa ka diyus.”

Matiyu 10:26

Magkun si Hisus, “Nakan ngani danga magkadala sa kanda. Unman may maitagu nu unman makitan gid aban. Unman may mailihim nu unman miburayhaw aban.

Matiyu 28:20

Tudluan niyu sida hampay tumupad sa tanan manga isinugu niku sa kanyu. Danga kalimtan niyu aku pirmi kaibahan niyu hanggan waya sa katapusan panahun.”

Binwat 18:10

dahil aku sa kanmu di. Unman may umunu-unu sa kanmu, dahil mayamu kang manga sakup sa inda pag banwa.”

Binwat 26:17

Bawiun niku kawu ginan sa kamang manga taga Israil hanggan ginan sa kamang manga balaw Hudiyu. Dahil suguun niku kawu atag sa manga balaw Hudiyu.

Binwat 4:13

Pagka nadnugan manga Pinunu kanda ni Pidru ni Huwan pagbagawun matutum kanda naisipan, naglingut gid sida dahil alam diman nida unman masyadu kay inadalan nida ni Pidru nu unman kasarangan lang kay kadunungan pag manga tawu. Kilala diman manga Pinunu sida ni Pidru ni Huwan kay iribahun ni Hisus kaybi sa kay buhi di waya.

Binwat 4:29

Taynguna Panginuun, alalahana nimu nu kabitay sida nangungud ngap sa higpit sa kanmi. Pabisugun duy nimu kami kanmu manga suruguun hampay unman gid kami magkadala magtudlu kanmu Bagaw sa manga tawu.

Ipisu 6:20

Sinugu aku Diyus hampay manudlu sa inda pag Mayad pag Barita una aku sa pirisuhan taynguna. Nakan ngani daranginan yi gid niyu aku hampay ilubus niku kang katutuman sa kang magpanudlu unman may subra unman diman may kurang.

Diyuturunumiyu 31:6

Pagpakarig-un kamu ag pag matutum. Danga kamu magkadala sa kanda dahil ti Panginuun niyu Diyus mag-iba sa kanyu; balaw niya kamu tayakan ngatay pabay-anan.”

Diyuturunumiyu 31:8

Pangunahan kawu Panginuun ag giyahan niya kawu; balaw niya kawu tayakan ngatay pabay-anan. Nakan danga kawu magkadala ngatay magpanlumuy.”

Huswi 1:5

“Unman may makatalu sa kanmu habang buhi kawu, dahil ibahan niku kawu parihu sa kang nag-iba sa kan Muysis. Balaw niku kawu tayakan ag pabay-anan.

Huswi 1:9

Alalahana nimu inda kang manga bilin sa kanmu: ‘Pagpakarig-un kawu hanggan pagkatutum. Danga kawu magkadala ngatay maglumuy, dahil aku, ti Panginuun kanmu Diyus, kaibahan nimu una naan tag kawu.’ ”