Hirimyas 1:17 - Hanunuu

¹⁷ Hirimyas, ialistu nimu kanmu sadili. Pag-ati kawu, sabihun nimu sa kanda ti tanan niku pagsabihun sa kanmu. Danga kawu magkadala sa kanda. Dahil nu kawu madala, lalu kawu kang padalaun sa atubangan nida.

Hirimyas 1:17 Iomraidhean Croise

1 Hari 18:46

Pinabisug Panginuun si Ilyas. Ibinugkus niya sa awak kay rutay niya panluwas ag nalagiw, ag inmuna waya sa kan Akab atabug sa Hisriil.

2 Hari 1:15

Nagbagaw ti anghil Panginuun sa kan Ilyas, “Pagkuyug kawu sa kanya, danga kawu magkadala.” Nakan nagkuyug ngani si Ilyas sa takinan sundalu atabug sa hari.

2 Hari 4:29

Pagka nasalman ni Ilisyu may nangyari maaw sa anak, magsabi siya sa kan Gihasi, “Pag-alistu kawu sa pag-ati sa kay balay. Daran-a kang sugkud ag pagdalidali kawu. Nu may masulang kawu, danga kawu magpansin, ag nu may magbagaw sa kanmu danga kawu magsagut. Pagras-ug nimu, ibugtang rargu nimu kang sugkud sa uyahun anak.”

2 Hari 9:1

Ipinatawag ni Ilisyu ti usa ka kaibahan sa gurupu manga purupita ag sinabihan, “Pag-alistu kawu sa pag-ati sa Ramut Gilyad, ag daraha inda pag sukadan lana ulibu.

Hub 38:3

Alistuhan kanmu sadili, sagta kang manga paingana.

Pag-ighit 3:12

Magkun ti Diyus, “Ibahan niku kawu, ag inda ti puruyba aku ti nagsugu sa kanmu: Nu naipalwas yi nimu ti manga Israilita ginan sa Ihiptu, sambahun niyu aku sa inda pag bantud.”

Pag-ighit 7:2

Sabihun nimu sa kan Aarun ti tanan pagsabihun niku sa kanmu, ag sabihan nimu inda sa kanya sa hari Ihiptu. Sabihun niya sa hari Ihiptu kuntay palpasi ti manga Israilita ginan sa kay nasyun.

Hirimyas 1:18

Pagpatingi kawu! Parig-unun niku kawu taynguna parihu sa inaladan batu pag banwa ngatay baul pag tulduk ngatay alad galang. Unman tumalu sa kanmu ti manga hari, ti manga may kangaranan, ti manga manughandug, ngatay ti manga nasakupan Huda.

Hirimyas 17:18

Padalaun duy nimu ag pakay-ahun ti manga mag-unuunu sa kangku. Dapat ay danga nimu inda buwatun sa kangku. Padarahi duy nimu sida kadamhakan hampay maruris sida lubus.

Hirimyas 23:28

Pabay-ani niyu mamagaw inda pag manga purupita tungkul sa kanda manga tagin-up, dapat ti manga purupita nakadnug sa kang manga bagaw kailangan manultul inda may buu matinupadun. Dahil tuhay kanda manga tagin-up kaysa kang manga bagaw, parihu sa dayami tuhay sa tirigu.

Hirimyas 26:12

Magkun maan si Hirimyas sa tanan manga may kangaranan ag sa tanan tawu: “Sinugu aku Panginuun sa pagbagaw laban sa inda pag Balay Diyus ag sa inda pag banwa, parihu sa nadnugan niyu.

Hirimyas 36:8

Binwat ni Baruk ti pag-isugu sa kanya ni Hirimyas. Binasa ngani niya ati sa Balay Diyus ti pag-ipasabi Panginuun sa manga taga Huda.

Karukuan 3:57

Nagras-ug kawu pagka magtawag aku sa kanmu, ag magsabi kawu danga aku magkadala.

Hunas 3:2

Magkun siya, “Pag-ati kawu kainda sa Ninibi, ti daka pag banwa, bag-u sabiha nimu sa manga taga ati ti pag-ipatultul niku sa kanmu.”

Lukas 12:35

Magkun si Hisus, “Paghawuda kanyu rutay sa unman masambur sa magtarabahu, pagmasnag kanyu manga sulu.

Binwat 20:20

Alam waydi niyu unman inirangan niku una hintay pag ikaayad niyu, bagkus ngap kang itinultul ag itinudlu sa kanyu una sa tiripun una sa kang magsabang sa kanyu manga balay sa kada usa.

Binwat 20:27

Dahil tinabu gid itinudlu niku ti tanan-tanan ihinanda Diyus sa kanyu, unman gid may inirangan aku sa kanyu una di.

1 Kurintu 9:16

Una magtudlu aku Mayad pag Barita balaw kailangan aku magpadayaw-dayaw sa inda pag katungkulan kang tinanggap ginan sa Panginuun. Kaawaawa duy aku nu unman niku mitudlu inda pag Mayad pag Barita.

1 Tisalunika 2:2

Alam niyu pagka kami sa Pilipus, inunu-unu kami ag minuransa waya. Dapat una katida pinabisug di nita Diyus kanmi manga tagipusuun hampay una mayamu ti manga kakurian, ilinantag di nimi ti Mayad pag Barita Diyus sa kanyu.

1 Pidru 1:13

Nakan ngani ialistu niyu kanyu naisipan. Pagmapinigilun kamu. Ilubus niyu kanyu pagsarig sa kay itinaratu Diyus pag kaayadan kanyu patabgan nu makitan yi aban si Hisu-Kiristu.