Hirimyas 1:16 - Hanunuu

¹⁶ Parusahan niku kang manga nasakupan dahil sa kanda kadautan. Binugyahan nida aku, nagtuub sida kamangyan sa manga diyus-diyusan. Sinamba nida kanda binwat pag manga diyus-diyusan.

Hirimyas 1:16 Iomraidhean Croise

2 Hari 22:17

Ipakakit gid niku kang pangagalit sa inda pag rugar ag balaw inda umapas, dahil binugyahan aku nasakupan ag nagsunug sida kamangyan sa pagsamba sa tuhay pag diyus. Ginalit gid nida aku sa kanda manga binuwat.’

2 Krunika 15:2

Napasampak siya kan Asa ag magkun, “Patingihi niyu aku Hari Asa, hanggan kamu tanan pag taga Huda ag taga Binhamin. Pumirmaminti ti Panginuun sa kanyu habang pirmaminti kamu sa kanya. Nu mandangup kamu sa kanya, awatan niya kamu. Dapat nu patlikudan niyu siya, patlikudan waydi niya kamu.

2 Krunika 28:2

Sinmunud siya sa manga pag-ugaliun manga hari Israil, ag nagbuwat baul pag manga histuda ni Baal.

2 Krunika 34:25

Ipakakit gid niku kang pangagalit sa inda pag rugar ag balaw inda maparaw, dahil dinayu aku niku manga nasakupan ag nagsamba sida sa tuhay pag manga diyus. Pinagalit gid nida aku sa kanda manga binwat.

2 Krunika 7:19

Dapat nu patlikud kamu ag balaw sumunud sa kang manga sugu hanggan manga surundanun ipinakaun niku sa kanyu, ag nu manirbi kamu ag mansamba sa tuhay pag manga diyus,

Isayas 2:8

Mayamu sida diyus-diyusan, pagsambahun nida inda madi sida diman waydi ti nagbuwat.

Isayas 37:19

ag pinan-sunug ti manga diyus-diyusan nida. Dahil balaw duy tutuu tunda pag manga diyus nu unman manga batu ag kayu lang binwat tawu.

Isayas 44:15

Ti iba ka pulud kayu paggamitun niya pamagba, agud makapanarang siya ag makagatung karan-unun. Ti iba ka pulud kayu pagbuwatun niya tawu-tawu, pagluhudan niya ag pagsambahun.

Isayas 65:3

Paggalitun nida aku. Pag-ipakakit nida sa kangku ti parargu nida pagsamba sa kanda diyus-diyusan sa panab-anan pagsagda sa manga tanum ag pagsunug manga kamangyan sa harandugan buwat sa daga pinaganit.

Hirimyas 10:15

Unman sida may pulus ag kailangan kadat-an sida. Rumas-ug ti sirang dautun tunda tanan.

Hirimyas 10:3

Unman may pulus kanda pag-ugaliun. Magpukan sida manga puun kayu sa puru bag-u pagpalahaban nida sa antigu pag manuglahab.

Hirimyas 11:12

Nakan manhagad yi lang sida awat sa manga diyus-diyusan kanda pagsagdahan kamangyan, dapat unman diman sida maawatan tunda pag manga diyus-diyusan nu rumas-ug yi ti parusa.

Hirimyas 11:17

Ti Panginuun Makamaskihan ti nagpatindug sa Huda hanggan sa Israil, dapat ay taynguna pag-isugu niya wasakun inda, dahil daut ti pagbuwatun nida. Ginalit nida ti Panginuun sa panab-anan pagsagda kamangyan sa kan Baal.

Hirimyas 15:6

Dinayu niyu aku; pirmi niyu aku pagpatlikudan. Nakan aku, ti Panginuun, magkun ihunat yi niku kang manga kamang hampay rurisun kamu. Pagsawaan yi aku kaawaan kamu.

Hirimyas 16:11

Sabihun nimu sa kanda inda kang sagut: ‘Binwat niku inda dahil dinayu aku niyu manga kaumputan. Nagsirbi ag nagsamba sida sa manga diyus-diyusan. Dinayu nida aku balaw nida sinunud kang bilin.

Hirimyas 17:13

Kawu duy Panginuun, ti pagsarigan Israil. Mangay-a gid ti tanan magdayu sa kanmu. Milbung gid sida sa sirung daga dahil dinayu nida kawu, ti bulbugan magpakaun buhi.

Hirimyas 18:15

Dapat kang manga nasakupan magkalimut yi sa kangku. Magsunug sida kamangyan sa manga diyus-diyusan unman may pulus. Nagpatlikud sida sa insaktu ag daan pag dalan, linmakaw sida sa balaw mayad pag dalan nu naan nitalakpa sida.

Hirimyas 19:4

Buwatun niku inda, dahil dinayu aku niku nasakupan. Inda pag luung binwat nida harandugan manga handug pagsunugun para sa iba manga diyus. Inda pag manga diyus balaw nida magkakilala, unman diman kilala nida manga ginurang, ngatay nida manga hari sa Huda. Magmatay waya sida siyun pag rugar manga ud may namuangan.

Hirimyas 2:13

“Nagbuwat ti manga nasakupan niku duwa ka kasalanan: Dinayu nida aku, ti bulbugan magpakaun buhi, ag nagsamba sida sa tuhay pag manga diyus, bilang ga magkali sida bubun magkak-at.

Hirimyas 2:17

“Kamu di waydi manga Israilita ti nagdara inda pag kadamhakan sa kanyu sadili. Dahil dinayu niyu aku, ti Panginuun niyu Diyus, ti naggiya sa kanyu maglakaw.

Hirimyas 2:19

Parusahan niku kamu dahil sa kadautan ag pagdayu niyu sa kangku. Isipun niyu nu kabitay ka daut ag kapait ti binuwat niyu pagdayu ag paglapastangan sa kangku, sa Panginuun niyu Diyus. Aku, ti Panginuun Diyus, ti magsabi inda.

Hirimyas 2:28

Hayga? Naan yi ti manga diyus binuwat niyu para sa kanyu sadili? Tawagun niyu sida nu kaya nida kamu iribri sa kakurian niyu. Pagkayamu kanyu manga diyus, parihu kay kayamu sa manga banwa sa Huda.

Hirimyas 4:12

Ti mabisug inda pag durus ginan sa kangku. Sabihun niku taynguna ti parusa niku sa kanda.”

Hirimyas 4:28

Manlulumian ti kalibutan ag mandulum ti langit, dahil sinabi yi niku ti parusa ag balaw yi niku inda bag-uhun. Nakadisisyun yi aku udyi mabag-u kang isip.”

Hirimyas 44:17

Buwatun gid nimi ti tanan nimi pagkaibgan buwatun: Mansunug kami manga kamangyan sa kanmi diyusa, Rayna sa Langit, ag manhandug kami sa kanya manga handug irinmun parihu sa binwat nimi sa manga banwa sa Huda ag baklayan Hirusalim. Inda diman ti binwat nimi manga kaumputan hanggan nimi manga hari ag manga takinan nimi. Mayad ti kahamtangan nimi kaybi; mayamu kami karan-unun, ag unman may daut nangyari sa kanmi.

Hirimyas 5:29

Aku, ti Panginuun magsabi: Unman aw dapat niku sida parusahan dahil sitay? Unman aw dapat niku balusan ti manga kainda pag nasyun?

Hirimyas 5:9

Aku, ti Panginuun magsabi: Unman aw dapat niku sida parusahan dahil siyun? Unman aw dapat niku balusan ti manga katunda pag nasyun?

Hirimyas 51:17

Ti manga magsamba sa manga diyus-diyusan manga yangag ag unman may naalaman. Mangay-a ti manga panday-pilak sa binwat nida diyus-diyusan dahil balaw inda Diyus. Unman may buhi.

Hirimyas 7:17

Unman aw lugud nimu mag-akitan ti pagbuwatun nida sa manga banwa Huda hanggan sa manga baklayan Hirusalim?

Hirimyas 7:18

Ti manga anak magkayu, ti manga ama magpamakut apuy, ti manga babayi magkamas arina hampay buwatun tinapay para sa Rayna Langit. Magsagda diman sida manga irinmun sa iba diyus hampay galitun aku.

Hirimyas 7:9

Kamu mananakaw, manugmatay, magpanguragin, magkastigus sa kapudilan, magtuub kamangyan sa kan Baal, bag-u magsamba sa iba manga diyus balaw niyu magkakilala.

Isikil 16:18

Pinarutayan nimu inda pag manga diyus-diyusan nimu manga rutay binurdahan, ag ihinandug nimu sa kanda kang lana ag kamangyan.

Isikil 24:14

Aku, ti Panginuun, magkun rinmas-ug yi ti kaudasan pagparusa niku ag unman may makaampara sa kangku. Balaw gid niku kamu kaawaan ag balaw yi mabag-u kang isip. Pihuun niku kamu angay sa kanyu pangabuhi ag binwat. Aku, ti Panginuun Diyus, ti magbagaw inda.”

Husyas 11:2

Dapat taynguna, una sigi kang tawag sa kanda pag manga taga Israil, lalu di gid sida magpakarayu sa kangku. Magsagda sida ag magtuub manga kamangyan sa manga diyus-diyusan Baal.

Husyas 8:6

Ti diyus-diyusan baka manga taga Samarya buwat lang waydi manga taga Israil. Balaw tida Diyus! Pihu gid inda runutun.

Huwil 2:11

Pagsuguun Panginuun kay manga sundalu, ti kagadhan ag makapangyarihan pag manga apan magsunud sida sa kay sugu. Madala ti sirang pagparusa Panginuun. Unman gid may umagwanta inda!

Binwat 7:41

Ati katpung binwat ngani nida kanda diyus-diyusan ga histuda ibun baka bag-u kanda ngani sinagdahan. May manga kapistahan sida hampay sambahun nida tunda pag diyus-diyusan imaw yi ngani kanda binwat.

Diyuturunumiyu 28:20

Saadan kamu Panginuun, malitu kamu ag maarimputu sa tanan niyu pagbuwatun tugka sa midamhak kamu ag magkaradura dahil sa daut niyu pag buruwatun sa panab-an paglabag sa kanya.

Diyuturunumiyu 31:16

Nagbagaw ti Panginuun sa kan Muysis, “Arani yi kawu mamatay ag miminsan sa kanmu manga ginurang. Nu udyi kawu, inda pag manga tawu mansamba sa iba pag manga diyus imaw ti pagsambahun manga tawu ati sa atagan nida pag daga. Bugyahan nida aku ag lapastanganun kang binwat kasunduan sa kanda.

Huswi 24:20

Nu dayuun niyu ti Panginuun ag sumirbi kamu sa tuhay pag manga diyus, mangisug siya sa kanyu ag parusahan niya kamu. Ipadamhak niya kamu una kaybi sa kabag-u mayad siya sa kanyu.”

Ipinakakit 9:20

Ti nasawad pag manga tawu, tunda manga unman namatay sa siyun pag manga kahigpitan unman nida ainampu kanda kasalanan. Unman kanda tinayakan, unman waydi inapasan nida kanda pagsamba sa manga labang hanggan sa manga diyus-diyusan, sa binwat lang nida manga kamang, manga tawu-tawu gintu, pilak, galang, batu hanggan kayu, unman waydi makahiling, unman makadungug, unman diman makalakaw.