Hibriyu 9:7 - Hanunuu

⁷ Dapat nu sa kay Pinakabanal pag Sulud-sulud ti pangulu lang manughandug sa Balay Diyus tigsaka kas-a lang sulud usa ka timpu. Kailangan siya may dara dugu hampay kay pag-isagda sa Diyus, panlukat sa kay sadili manga kasalanan hanggan sa manga iba kanda binwat balaw tikis pag kasalanan.

Hibriyu 9:7 Iomraidhean Croise

Libitiku 16:34

Kailangan tupadun nida inda pag surundanun hanggan aban. Bag-u malukat ti manga Israilita sa kanda kasalanan usa ka ulit kada timpu. Natupad ngani inda angay sa isinugu Panginuun sa kan Muysis.

Libitiku 5:18

Nu alam yi niya nagkasala siya, kailangan mandara siya atag sa manughandug usa ka karanidu lalaki unman may alangan, ihandug niya inda bilang bayad sa kay kasalanan. Mahimu diman bayadan niya pilak katumbas halaga lalaki karanidu angay sa kilu pilak sa kiluhan paggamitun manga manughandug. Sa panab-anan inda pag buwat manughandug, malukat ti tawu ginan sa kay kasalanan balaw tikis ag patawadun siya Panginuun.

Hibriyu 7:27

Balaw siya parihu sa iba pangulu manughandug kailangan maghandug sirang-sirang, un-an para sa kanda sadili kasalanan, bag-u di sa kasalanan manga tawu. Kas-a lang ihinandug siya sa Diyus, pagka ipinakaun niya kay sadili bilug hampay mamatay. Balaw yi niya binwat waya uman.

Pag-ighit 30:10

Usa ka bisis kada timpu, kailangan lumpiyuhun ni Aarun ti harandugan sa panab-anan pagpayid dugu sa ga manga sungay sa suuk. Ti ipayid pag dugu ginan sa handug panlumpiyu. Kailangan inda buwatun kada timpu tugka sa sunud pag manga sinulput tawu, dahil inda pag harandugan pinakabanal gid para sa kangku.”

Husyas 4:12

Maghagad kamu paanyu sa kanyu diyus-diyusan kayu. Ag angay sa kanyu, magsagut inda. Pag-ipatalang kamu ispiritu magganyat sa kanyu hampay sumamba sa manga diyus-diyusan, nakan pinatlikudan niyu aku ga babayi nanguragin.

Isayas 28:7

Dapat kainda, pasuray-suray ti manga manughandug hanggan ti manga purupita dahil sa kanda kalanguhan, balaw yi sa kang-ud kanda naisipan. Salan yi ti pagkaintindi manga purupita sa pangakakitun, balaw kang-ud ti manga pasya manga manughandug.

Isayas 9:16

Ti manga magtakinan sa nasakupan Israil ti manga manugdaya sa kanda, nakan magtalang ti manga nasakupan.

Isayas 3:12

Magkun ti Panginuun, “Pag-ihidun manga kalay-awan kang manga nasakupan. Manga babayi ti magdumara. “Manga nasakupan niku, pagdayaun kamu niyu manga takinan. Pag-abatun nida kamu sa salan pag dalan.”

Hibriyu 10:3

Dapat ay tunda pag manga hayup kanda pag-isagda pagmatyun sa Diyus timpu-timpu imaw ngap tigpaalaala sa kanda manga kasalanan.

Amus 2:14

Nakan una ti mabisug magpalagiw sa kanyu unman makapalagiw, ti mabisug manlumuy, bag-u balaw miribri manga sundalu kanda sadili.

Isayas 29:14

Nakan utru aku bumuwat dasun-dasun pag makadululaw sa inda pag manga tawu. Ag madura ti kadunungan manga madunung hanggan ti pan-intindi manga may intindi.”

Kanta 95:10

Sa sulud 40 ka timpu nagalit gid aku sa tunda pag sinulput. Bag-u magkun aku manga tawu sida nagtalang ag balaw magsunud sa kang manga pag-itudlu sa kanda.

Kanta 19:12

Nu kas-a unman magkaalaman tawu kuntay nagsalan siya. Nakan Panginuun, lumpiyuha aku sa manga kasalanan balaw niku magkaalaman!

2 Krunika 33:9

Dapat ginarya ni Manasis ti manga nasakupan Huda ag Hirusalim sa pagbuwat daut, ag ti binwat nida mas subra waya sa binwat manga nasyun ipinaruris Panginuun sa manga Israilita.

2 Samwil 6:7

Nangisug gid ti Panginuun sa kan Usa dahil sa kay binwat. Nakan minatay siya Diyus ati sa saruy Kaban.

Bilang 15:25

Ihandug inda manughandug hampay malukat ti buu nasakupan sa kanda kasalanan. Patawadun di niku sida dahil balaw waydi inda tikis, ag manhandug diman sida sa kangku manga handug sa panab-anan apuy hanggan handug panlumpiyu.

Ipisu 4:18

Unman sida madunung mag-intindi dahil sa kanda ga ud may namuangan ag maganit waya kanda ulu. Nakan ud sida may kaparti sa buhi kay pag-ipakaun Diyus.

Hibriyu 6:19

Nu may paghingabtun kita, ga pinunduhan marig-un kanta naisipan ag balaw magkaanggihut, makalawuy di sa limbun rutay Balay Diyus makasulud sa Pinakabanal pag Sulud-sulud.

Hibriyu 9:3

Ti ikadwa pag sulud limbun iningarnan Pinakabanal pag Sulud-sulud.