Hibriyu 9:4 - Hanunuu

⁴ May gintu pag harandugan turuuban kamangyan hanggan Kaban Kasunduan, pinababawan gintu sa sulud hanggan sa luwas. Tunda pag Kaban palaulian gintu pag sukadan mana pag karan-unun hanggan kan Aarun sugkud imaw ti namsang. Siyun diman sa Kaban ti manga tinabla batu sinuratan taratu.

Hibriyu 9:4 Iomraidhean Croise

1 Hari 7:50

ti lunsay gintu pag manga tasa, manga pamulud sa mitsa, manga malukung paggamitun sa panwidwisik, manga sanduk, hanggan manga sukadan kamangyan; ti gintu pag manga bisagra para sa manga sabian Pinakabanal pag Sulud-sulud hanggan sa Balay Diyus gid ngap.

1 Hari 8:21

Nagpabuwat aku rugar ati sa Balay Diyus para sa Kaban nu naan pagmaulian ti Kasunduan Panginuun kay binwat sa kanta manga ginurang katpung ipinalwas niya sida sa Ihiptu.”

1 Hari 8:9

Unman may iba sukad ti Kaban purya sa duwa ka malapad pag manga batu ipinauli ni Muysis katpung ati siya sa Hurib, nu naan ti Panginuun nagbuwat kasunduan sa manga Israilita katpung linmuwas sida sa Ihiptu.

2 Krunika 5:10

Unman may iba sukad ti Kaban purya sa duwa ka malapad pag batu kay ipinauli ni Muysis katpung ati siya sa Hurib, nu naan nagbuwat kasunduan ti Panginuun sa manga Israilita pagkalawuy nida linmuwas sa Ihiptu.

Pag-ighit 26:33

Nu nisad-ang yi ti limbun sa manga kaw-it, ipauli sa kay dayu ti Kaban Kasunduan. Ti limbun ti magbulag sa Banal pag Sulud-sulud ag sa Pinakabanal pag Sulud-sulud.

Pag-ighit 31:18

Pagka nakatapus hampang ti Panginuun sa kan Muysis sa Bantud Sinai, ipinakaun niya sa kan Muysis ti duwa ka malapad pag batu sinuratan niya sugu, siya gid ti nagsurat.

Pag-ighit 32:15

Linmus-ug si Muysis sa bantud dara ti duwa ka malapad pag batu sinuratan sugu Diyus. Nakasurat ti manga sugu Diyus sa atubangan hanggan sa dayu sa inda pag batu.

Pag-ighit 34:29

Pagka linmus-ug si Muysis sa Bantud Sinai, dara niya ti duwa ka malapad pag batu sinuratan Kasuguan. Balaw niya alam masilaw maaw kay uyahun dahil sa kay naghampang sa Panginuun.

Pag-ighit 37:25

Namuwat diman siya harandugan akasya surunugan kamangyan. Kudradu inda, 1 ka luk-an siku kay aba, 1 ka luk-an siku kay lapad, ag 2 ka luk-an siku kay abwat. May ga sungay inda sa manga suuk kinamhan kaibahan harandugan pagka inda binuwat.

Pag-ighit 39:35

ti Kaban Kasunduan, hanggan kay yayungan ag kay taklub, imaw ti Ulian Pangaawa;

Pag-ighit 40:3

Ipaslud nimu ati sa sulud ti Kaban Kasunduan, ag patakipan nimu inda limbun.

Libitiku 16:12

Bag-u mam-ul siya burugtangan kamangyan, pun-un niya tunda baga ginan sa harandugan ati sa sulud Turda. Ag mam-ul diman siya duwa ka akup mabanglu pag kamangyan pinu, bag-u darahun niya tunda sa Pinakabanal pag Sulud-sulud.

Bilang 17:10

Magkun ti Panginuun sa kan Muysis, “Ibalik ti sugkud ni Aarun sa atubangan Kaban Kasunduan hampay bumaliw inda paandam sa manga maglaban kuntay mamatay sida nu balaw umapas sa pagriklamu laban sa kangku.”

Bilang 17:5

Ti mapili niku pag tawu manirbi sa kangku bilang manughandug manalingsing kay sugkud, sa panab-anan inda, umapas yi ti pagriklamu manga Israilita laban sa kanyu ni Aarun.”

Bilang 17:8

Pagka surip, sinmulud si Muysis sa Turda nu naan pag-ipinauli ti Kaban Kasunduan. Ag nakitan niya ati ti sugkud ni Aarun, pinagkabilug lahi ni Libi, nanalingsing, namsang, nanbukul, ag namurak waya lutu almindru.

Diyuturunumiyu 9:11

“Pagkalawuy 40 ka sirang ag upatpulu ka yabi, ipinakaun Panginuun sa kangku ti duwa ka malapad pag batu nu naan pag masuratan ti kasunduan.

Diyuturunumiyu 9:9

Katpung nagtukad aku sa bantud hampay bul-un ti manga malapad pag batu, nu naan pag isinurat ti kasunduan Panginuun kay binuwat sa kanyu, nagpatayak aku ati sa sulud upatpulu ka sirang ag 40 waydi ka yabi unman may kaun-kaun ag inum-inum.

Ipinakakit 11:19

Bag-u nabukasan yi ti Balay Diyus sa langit ag nakitan ti Kaban Hugut sa Kasunduan Panginuun. Bag-u nagbalagit ti kilat, nangurarug ti linti, nadnugan ti manga daraka pag ingay, naglinug bag-u nag-uran yilu daraka.

Ipinakakit 8:3

Usa waya ka anghil ti nagluwang may dara gintu pag sukadan kamangyan. Nagtuhung siya sa arani gintu pag harandugan turuuban kamangyan. Pinakan-an siya mayamu pag kamangyan hampay tuubun sa gintu pag turuuban sa atubangan tukawan hari, dungan ti darangin manga tawu napasakup sa Diyus.