Hibriyu 9:2 - Hanunuu

² Binwat nida ti usa ka Turda. Kay sanggaan iningarnan Banal pag Sulud-sulud. Ati kay palaulian sulu, kay lamisa, hanggan kay tinapay pag-ibugtang sa atubangan Diyus.

Hibriyu 9:2 Iomraidhean Croise

Pag-ighit 25:23

“Pagpabuwat diman kawu lamisa human sa akasya, kay sukat 2 ka luk-an siku kay aba, 1 ka luk-an siku kay lapad ag 1 ka luk-an siku may tunga kay abwat.

Pag-ighit 25:30

Kailangan pirmi paulian tinapay handug sa kang atubangan ti lamisa.

Pag-ighit 25:31

“Pagpabwat diman kawu manga palaulian sulu lunsay gintu kay lulud, kay bilug ag manga pamarinu ga histuda busang kayu, kay iba um-um di waya ag kay iba mabukladan yi. Inda pag pamarinu kaibahan yi pagka binwat ti bilug palaulian sulu.

Pag-ighit 26:1

“Pagpabuwat kawu Turda Tiripnan. Ti gamitun sa pagpabuwat sampulu ka pulud pisahan linu may burda dilana malatuy, dungun, ag marara. Ag paburdahi inda kirubin sa madunung pag manugburda.

Pag-ighit 26:33

Nu nisad-ang yi ti limbun sa manga kaw-it, ipauli sa kay dayu ti Kaban Kasunduan. Ti limbun ti magbulag sa Banal pag Sulud-sulud ag sa Pinakabanal pag Sulud-sulud.

Pag-ighit 26:35

Ipauli ti lamisa sa luwas limbun Pinakabanal pag Sulud-sulud, sa kanaway baliwa Turda Tiripnan, ag ipauli sa tupad lamisa ti palaulian sulu sa salatan baliwa.

Pag-ighit 29:1

“Inda ti buwatun nimu sa pagtalaga sa kan Aarun hanggan sa kay manga anak lalaki hampay makasirbi sida sa kangku bilang manga manughandug. Pagbuul kawu usa ka turiti baka ag duwa ka lalaki karanidu unman may alangan.

Pag-ighit 29:35

“Sunda nimu inda kang pag-isugu sa kanmu tungkul sa pag-intirga sa kan Aarun hanggan sa kay manga anak lalaki. Buwata nimu ti pag-intirga sa kanda sa sulud pitu ka sirang.

Pag-ighit 40:2

“Ipatindug nimu ti Turda Tiripnan pag-ingarnan diman Turda Taragbuan sa un-an sirang sa un-an pag bulan.

Pag-ighit 40:4

Ipaslud diman nimu ati ti lamisa ag paulian ti manga kagamitan siyun. Ipaslud diman nimu ati ti palaulian sulu ag paulian kay manga sulu.

Matiyu 12:4

Nagsaka siya sa Balay Diyus nagkaun siya hanggan kay manga kaibahan tunda pag tinapay ti ibinugtang ipinakaun sa atubangan Diyus. Bawal sa Kasuguan nu dapat unman sida nagsalan kan-un nida tunda pag tinapay dahil ti manga manughandug lang ti mahimu kumaun tunda.

Matiyu 5:15

Unman may nagsulu sulul-an bag-u ipauli sa sirung salupan, nu unman sa kay gid palaulian sulul-an hampay marayawan ti tanan tawu sa sulud balay.

Hibriyu 9:25

Ti pangulu manughandug sa Balay Diyus magsaka timpu-timpu sa Pinakabanal pag Sulud-sulud may dara dugu manga hayup. Dapat si Kiristu kas-a lang sinmaka hampay kay ipakaun niya kay sadili kang-ud yi gid, udyi ulitun.