Hibriyu 9:10 - Hanunuu

¹⁰ Dahil tunda pag manga bilin tungkul lang sa manga karan-unun tawu, sa kanda pag-inmun hanggan sa kanda tun-anun sa mag-ugas. Nakan may kahulugan lang pag manga bilin hanggan sa udwaya binag-u Diyus ti tanan pag manga bagay.

Hibriyu 9:10 Iomraidhean Croise

Kulusas 2:16

Nakan ngani danga yi gid magpasakup kamu sa kanda manga tun-anun tungkul sa manga karan-unun hanggan irinmun, tungkul sa manga kapistahan, tungkul sa manga lapus lati hanggan Sirang Pamahari.

Ipisu 2:15

Ti dinaut niya pag alad batu imaw ti Kasuguan, kaibahan ti manga sugu hanggan manga surundanun. Binwat niya inda hampay pag-usahun ti manga Hudiyu ag balaw Hudiyu, hampay magkarasundu yi ti duwa.

Hibriyu 7:16

Kay karampatan sa manughandug balaw minana niya sa kay linahi ga isinurat sa Kasuratan. Nakan may karampatan siya dahil siya may buhi gid unman may katapusan.

Isikil 4:14

Dapat magkun aku, “Panginuun Diyus, unman gid niku inuringan kang sadili ginan sa kang anak waya aku tugka kainda. Unman gid aku nakakaun hayup namatay ngatay minatay iba hayup. Unman diman aku nakakaun hayup pagbaliwun mauring.”

Diyuturunumiyu 23:11

Igu malambung, marigus siya, bag-u pag-isangday init mahimu yi siya makabalik sa kampu.

Libitiku 16:24

Marigus siya sa usa ka banal pag rugar ati sa Turda bag-u isulung niya kay panulungun pag rutay. Siyun ginan, lumuwas siya ag ihandug niya ti handug pagsunugun para sa kay sadili hanggan ti handug para sa manga Israilita hampay malumpiyu sida ginan sa kanda manga kasalanan.

Hibriyu 10:22

Nakan ngani pagpakarani kita sa Diyus may buu pag kagustuhan hanggan marig-un pag sarig sa kanya. Danga yi may mag-asaydan daut kanta naisipan, dahil ngani linumpiyu yi kanta tagipusuun sa manga buwat unman may kabuluhan, ag inugasan kanta manga bilug sa malinis pag danum.

Hibriyu 9:1

Ti un-an pag taratu may bilin diman waydi tungkul sa pagsamba sa Diyus hanggan tungkul sa balay sambahan sitay sa babaw daga.

Hibriyu 6:5

Nasamitan yi nida ti kaayadan Bagaw Diyus hanggan ti manga kapangyarihan lubus mihayag pagka sa kaudasan aban.

Hibriyu 2:5

Ti bag-u aban pag daga ti kanmi ipagbarita, unman diman ipinabahala Diyus sa manga anghil.

Diyuturunumiyu 21:6

Bag-u ti tanan manugpamahala sa pinakaarani pag banwa nu naan pag nakitan ti bangkay pag ugas kanda manga kamang sa tungud tarnida baka binarian liug.

Libitiku 16:4

Kailangan marigus dap siya bag-u isulung niya kay rutay panmanughandug lunsay linu: kay pansirung pag rutay imaw ti magtakip sa kay kinatawu, kay huragkus, kay pantaung linu, hanggan kay rutay panluwas.

Pag-ighit 40:12

“Daran-a nimu si Aarun hanggan kay manga anak lalaki sa sabian Turda Taragbuan ag parigsun nimu sida ati.

Hibriyu 13:9

Danga ngani kamu magpadara sa manga tuhay-tuhay pag manga adal tawu nu balaw angay sa kanta pagsarig sa kan Kiristu. Mayad ngani nu parig-unun nita kanta naisipan sa karibrihan kay pag-ipakaun Diyus sa kay mayad nabubut-un kaysa kanta pagtupad sa manga bilin tungkul sa karan-unun. Ti manga tawu nu magtupad sa tunda pag manga bilin, unman diman nida mapakinabangan tunda.

Hibriyu 6:2

tungkul sa tudlu sa manga tulbaw, sa pagkupa manga kamang, ag sa pagkabuhi uman manga namatay, ag tungkul sa pagsintinsiya unman may katapusan.

Ipisu 1:10

Inda ngani pag ginayak Diyus pihu tupadun niya sa panab-anan ni Kiristu, nu rumas-ug ti taning pag kaudasan. Inda ngani kay gayak, usahun niya aban sa kan Kiristu ti tanan linalang sa langit una sa babaw daga.

Galasya 4:9

Dapat taynguna kanyu yi nakilala ti Diyus, aw mayad man nu sabihun taynguna kamu nakilala yi Diyus. Hayga lugud kamu magbalik magsirbi maan sa manga kapangyarihan maghari sa kalibutan balaw may pulus ag unman waydi may kabuluhan. Hayga lugud kamu magkaibug maan magpasakup sa siyun pag manga kapangyarihan?

Markus 7:4

Unman diman sida mangaun una hintay pag karan-unun kanda binili sa palingki nu unman waya maugasan kanda kamang. Aduk waya pag manga turun-anun kanda minana sa kanda manga ginurang, halimbawa tungkul nu kabitay kailangan lumpiyuhun nida kanda manga irinman, manga garapun hanggan kanda kardiru galang.

Pag-ighit 29:4

“Daran-a nimu sa may sabian Turda Taragbuan si Aarun hanggan kay manga anak lalaki, ag parigsa nimu sida.

Bilang 6:3

kailangan balaw siya manginum intus ubas ngatay una hintay pag irinmun makalangu. Balaw diman siya mahimu gumamit langgaw ginan sa una hintay pag irinmun makalangu. Balaw diman siya manginum pin-ga ubas ngatay mangaun ubas una pinauga.

Hibriyu 7:12

Dahil nu bag-uhun ti pagkamanugsagda sa Balay Diyus, kailangan umanun waydi ti Kasuguan.

Libitiku 13:58

Nu nadura yi ti kalmu pagka napipian ti rutay ngatay ti paknul, pipian maan inda uman ag bumaliw yi inda malumpiyu.