Hibriyu 9:1 - Hanunuu

¹ Ti un-an pag taratu may bilin diman waydi tungkul sa pagsamba sa Diyus hanggan tungkul sa balay sambahan sitay sa babaw daga.

Hibriyu 9:1 Iomraidhean Croise

Pag-ighit 25:8

“Ipabwat nimu sa nasakupan Israil ti banal pag ulian para sa kangku nu naan aku pag umuli kaibahan nida.

Isikil 43:11

Nu mangay-a sida sa tanan nida manga binwat, mustarahan sa kanda kay pagbuwat inda, hanggan kay manga lakawan ag manga mustara. Suratan nimu ti manga surundanun sa pagbuwat habang magbantay sida hampay masunud gid nida inda mayad.

Libitiku 18:30

Nakan tupada niyu ti pag-isugu niku sa kanyu ag danga niyu paghuwada ti manga mayagting pag manga buruwatun manga tawu un-an man sa kanyu, hampay balaw niyu mayagtingan kanyu sadili dahil siyun. Aku ti Panginuun kanyu Diyus.

Libitiku 22:9

Danga niyu pagbul-i halaga kang manga pag-ipatupad sa kanyu. Kailangan gid tupadun niyu inda hampay balaw kamu magkasala ag mamatay. Aku ti Panginuun, ti nagtalaga sa kanyu para sa kangku.

Bilang 9:12

Kailangan unman sida may sawadan karan-unun kinasuripan, ag balaw diman nida bariun ti manga but-ul karanidu. Nu idaus nida ti Pista Pag-alaala sa Karibrihan, kailangan sundun ti tanan manga surundanun tungkul sitay.

Lukas 1:6

Sida mag-asawa magkabuhi matadlung sa atubangan Diyus Panginuun. Pagsundun gid nida ti tanan niya manga sugu.

Ruma 9:4

Sida manga Israilita, binwat Diyus manga anak niya. Nakitan nida ti malinaw pag tanda tigpakilala kuntay ti kadayawan Diyus ngap ti kaibahan nida. Tinalaghut Diyus kay taratu sa kanda, sa kanda diman ipinakaun niya ti Kasuguan, ti tutuu gid pag samba ati sa Balay Diyus, hanggan kay manga taratu.

Kulusas 2:8

Pag-aman kamu hampay balaw kamu madara kadunungan unman may kabuluhan pinathaw lang tawu, manga pinangawat ginurang, manga ugali kalibutan. Tunda pag kadunungan balaw ginan sa kan Kiristu.

Hibriyu 8:13

Pagka sinabi Diyus magkun, “usa ka bag-u taratu,” linuma niya ti un-an pag taratu. Ag una hintay pag bagay nu daan yi ag udyi mayad balaw madugay madura yi.

Hibriyu 8:2

Manughandug siya sa Banal pag Sulud-sulud sa tutuu pag Turda, kay ibinungsud Panginuun, balaw binwat tawu.

Hibriyu 8:7

Dahil nu abi kang-ud yi ti un-an pag taratu, udyi waydi kailangan paghanapun waya Diyus rugar para kay ikadwa.

Hibriyu 9:24

Dahil si Kiristu nagsaka sa banal pag rugar balaw binwat tawu kamang ag unman hinuwad ginan sa kay tutuu. Siyun ngap siya sa langit gid sa atubangan Diyus hampay magpamahala sa kanta.