Hibriyu 8:9 - Hanunuu

⁹ Ti bag-u taratu balaw miparihu sa daan taratu ga kang binwat kaybi sa kanda manga ginurang, sa ati katpung kang naggiya sa kanda hampay ipalwas sida ginan sa daga Ihiptu.” Magkun ti Panginuun, “Unman nagtupad sida sa kang taratu, nakan pinabay-anan niku sida.”

Hibriyu 8:9 Iomraidhean Croise

Gimpuunan 19:16

Dayu waya mana man-ginan si Lut, dapat dahil sa pangaawa Panginuun sa kanda, inabat sida manga anghil ag dinara atag sa luwas banwa.

Hub 8:20

“Sa kay tutuu, balaw pagbugyahan Diyus ti tawu matadlung ag balaw niya pag-awatan ti daut pag tawu.

Kanta 105:43

Ipinalwas niya ginan sa Ihiptu ti nasakupan kay pinili, masulung ag maghuruyawan sa kabayaan.

Kanta 77:20

Sa panab-anan ni Muysis ag ni Aarun giniyahan nimu kanmu nasakupan parihu sa manga karanidu.

Kanta 78:57

Nagpakarayu sida ag nagpudil sa Diyus parihu sa kanda manga ginurang. Balaw sida masarigan parihu sa daut pag ugyung.

Pag-ighit 32:8

Madali sida magpatlikud sa kang pag-isugu sa kanda. Namuwat sida diyus-diyusan baka ag kanda sinamba. Nanagda ti manga Israilita sa inda pag diyus-diyusan magkun, ‘Inda kanta diyus ti nagpalwas sa kanta sa Ihiptu.’ ”

Pag-ighit 34:10

Magkun ti Panginuun, “Pagpatingi! Mamuwat aku kasunduan sa kanmu. Sa atubangan tanan kasimanwa nimu, mamuwat aku makadululaw pag manga bagay balaw waya niku nabuwat una naan pag nasyun sa buu kalibutan. Ti tanan nasyun sa kanmu palibut makakit nu aku, ti Panginuun bumuwat makadululaw para sa kanmu.

Kanta ni Sulumun 8:5

Si unu lugud inda ti magras-ug ginan sa pangawakawaan maslandigan sa kay aguman lalaki? Pinulaw niku kanmu tagipusuun sa sirung puun kayu mansanas, nu naan kawu pag-iinanak.

Isayas 40:11

Alagaan niya kay manga nasakupan ga pastur mag-alaga sa kay manga karanidu. Pagsalilihun niya ti dariit pag karanidu madahan niya pag giyahan ti manga inaan karanidu.

Isayas 41:13

Dahil aku, ti Panginuun kanmu Diyus, imaw ti magpabisug sa kanmu ag ti magsabi danga kawu magkadala dahil awatan niku kawu.

Isayas 51:18

Unman una di usa sa kanmu tawuhan ti nanagabay sa kanmu; unman una di usa sa kanda ti nangawat sa kanmu.

Isayas 63:9

Sa tanan nida karukuan, magkaruku diman siya, ag irinibri niya sida sa panab-anan anghil nagpaburayhaw sa kay uyahun. Dahil sa kay pagmahal ag pangaawa irinibri niya sida. Kaybi di waya ginan, inalagaan niya sida sa tanan pag sirang.

Hirimyas 31:32

Balaw inda parihu sa un-an pag kasunduan kang binuwat sa kanda manga ginurang katpung giniyahan niku sida sa pagluwas sa Ihiptu. Una aku ga kanda asawa, balaw nida tinupad ti un-an nimi pag kasunduan. Aku, ti Panginuun, ti magsabi inda.”

Karukuan 4:16

Ti Panginuun ti nagwayak sa kanda, unman yi sida labutun Panginuun. Unman yi paggalangun ti manga manughandug ag takinan.

Isikil 16:59

Inda waya gid ti pagsabihun Panginuun Diyus: “Parusahan niku kawu nu hintay ti dapat sa kanmu, dahil binul-an nimu halaga kang taratu sa panab-anan paglabag sa kanta kasunduan.

Isikil 16:8

“ ‘Pagka nalakawan maan niku kawu, nakitan niku mahimu yi kawu asawan-un. Nakan itinabun niku kang kulimpay sa kanmu bilug uba, ag nagtaratu aku sa kanmu mahalun kawu niku. Nagbuwat aku kasunduan sa kanmu, ag nagbaliw kangku kawu. Aku, ti Panginuun Diyus, ti magbagaw inda.

Amus 5:22

Nakan una waya daran-an niyu aku tuhay-tuhay pag manga handug, una ti pinakamayad waya pag handug, balaw niku inda tanggapun.

Malakyas 2:13

“Inda waya gid kanyu pagbuwatun: Magpakalumi kamu mabaskug sa harandugan Panginuun dahil balaw yi niya pagpansinun ngatay pagbayaun kanyu manga handug.

Markus 8:23

Inabat ni Hisus ti buta sa kamang atag sa luwas banwa. Binug-anan niya kay manga mata, bag-u kinup-an niya manga kamang. Kay pinaingana ni Hisus magkun, “Makakit yi aw kanmu mata?”

Binwat 13:11

Taynguna kawu parusahan yi Panginuun. Nakan mabuta yi kanmu manga mata, dugay gid bag-u kawu kumakit maan sa marayaw.” Pagka sinabi ni Pablu tunda, susun yi nasaydan ni Ilimas nagdulum kay mata, napsa yi, bag-u nan-garapgap kay kamang hampay may umabat sa kanya.

Binwat 7:36

Sa kay nagbawi sa kanda ginan sa kakurian nagbuwat siya manga makadululaw pag tanda sa Ihiptu, sa Dagat Marara hanggan sa pangawakawaan sa sulud upatpulu ka timpu.

Binwat 9:8

Nagbangun ngani si Saulu. Pagka nagmuklat kay mata, unman maghiling. Nakan inabat nida siya atag sa banwa Damasku.

Galasya 4:24

Sa inda pag manga nangyari kaybi mag-akitan ti usa ka mahalaga pag katutuuhanan. Ti duwa ka babayi bilang ga halimbawa sa duwa ka taratu. Ti usa ka taratu, ti namhan ngani sa Bantud Sinai, ipinahalimbawa sa kan Hagar hanggan sa kay manga anak lunsay manga panawuhun.

Diyuturunumiyu 29:1

Inda ti manga tultulanun sa pagsunud sa taratu pag-isugu Panginuun sa kan Muysis tabug sa manga Israilita sa Muab. Dugang inda sa taratu kay binuwat sa kanda sa Hurib.

Diyuturunumiyu 29:12

Tinmindug kamu sitaay hampay manupad kasunduan sa Panginuun niyu Diyus. Nagsumpa ti Panginuun sa inda pag kasunduan kay binuwat sa kanyu taynguna pag sirang,

Diyuturunumiyu 29:25

“Ag kay sagut kaindaay: ‘Dahil naglabag inda pag manga tawu sa kasunduan binuwat sa kanda Panginuun, ti Diyus nida manga ginurang, pagka ipinaluwas niya sida sa Ihiptu.