Hibriyu 8:6 - Hanunuu

⁶ Lalu gid mahalaga kay natanggap ni Hisus pag katungkulan sa manughandug balaw lang ga kanda ni Aarun pag katungkulan. Dahil ti taratu kay pagpamahalaan ni Hisus lalu diman waydi mahalaga, inda pag taratu kay pinagkapuun lalu mayad pag manga itinaratu.

Hibriyu 8:6 Iomraidhean Croise

Hirimyas 50:5

Mamaingana sida sa dalan atabug sa Hirusalim ag umati sida. Mamuwat sida unman may katapusan pag kasunduan sa kangku, ag unman yi gid nida inda kalimtan.

Lukas 22:20

Pagka nakayapun yi sida, itinunghul niya ti ungut sa kanda bag-u kay sinabi, “Inda pag ungut kay kahulugan imaw ti bag-u taratu Diyus. Kang dugu ti ibuhus dahil sa kanyu, imaw ti itinalaghut Diyus sa taratu.

Ruma 9:4

Sida manga Israilita, binwat Diyus manga anak niya. Nakitan nida ti malinaw pag tanda tigpakilala kuntay ti kadayawan Diyus ngap ti kaibahan nida. Tinalaghut Diyus kay taratu sa kanda, sa kanda diman ipinakaun niya ti Kasuguan, ti tutuu gid pag samba ati sa Balay Diyus, hanggan kay manga taratu.

Ipisu 2:12

Pagdumdumun di niyu sa kaybi pag kausadan ati katpung mablagan kamu sa kan Kiristu, balaw minsan sa nasyun Israil, balaw sakup sa taratu una sa manga itinaratu Diyus. Kaybi magkabuhi kamu sa kalibutan unman may pagsarigan ag unman may Diyus.

1 Timutiyu 2:5

Dahil usa-usa lang ti Diyus. Ag usa lang tigpamahala tag sa Diyus tag sa manga tawu, si Kiristu Hisus yi ngani pag tawu.

Titu 1:2

agud magsarig sida sa buhi unman may katapusan. Udwaya linalang ti kalibutan daan di itinaratu Diyus ti buhi unman may katapusan. Ti Diyus unman madunung magpudil.

Hibriyu 12:24

Ag kamu nagpakarani sa kan Hisus. Sa kanya pag itinalaghut ti bag-u taratu. Kay dugu ni Hisus ti magtudlu sa kanta mayad man pag manga katutuuhanan, balaw lang ga kay dugu ni Abil.

Hibriyu 7:22

Nakan ngani inda pag taratu mas lalu marig-un dahil tinalaghut Diyus sa kan Hisus.

2 Pidru 1:4

Sa katida pag paraan masyadu gid mahalaga kay manga itinaratu sa kanta hampay makaiwas kamu sa kadautan ginan sa kutub kahalayan sitay sa kalibutan, ag hampay hurayan kamu kay pagka-Diyus.