Hibriyu 8:5 - Hanunuu

⁵ Sida magsirbi ga sa anyu aninu Balay Diyus sa langit. Dahil pagka buwatun yi ni Muysis ti Turda, binilinan siya Diyus magkun, “Pag-ingat kawu, buwata nimu ti tanan manga bagay angay gid sa kay tutuu pag mustara ga kang ipinakakit sa kanmu sa bantud.”

Hibriyu 8:5 Iomraidhean Croise

1 Krunika 28:12

Ipinakaun ni Dabid inda tanan pag mustara ti itinudlu sa kanya Ispiritu para sa pagpatindug sa manga sugkadan Balay Diyus Panginuun, sa tanan pag sulud-sulud sa sangput, ag sa manga haramnuan sa Balay Diyus, kaibahan yi ti manga haramnuan para sa manga bagay ihinandug.

1 Krunika 28:19

Magkun si Hari Dabid, “Inda pag manga gayak isinurat angay sa paggiya Panginuun, ag pagtudluan niya aku nu kabitay inda tanan buwatun.”

Pag-ighit 25:40

Pihuun nimu ipabuwat inda tanan angay sa ipinakakit niku pag gayak sa kanmu atay sa bantud.

Pag-ighit 25:9

Ipabwat ngani nimu inda ti banal pag ulian hanggan ti tanan garamitun angay sa pag-ipakakit niku pag gayak sa kanmu.” (Inda ti banal pag ulian pag-ingarnan diman Turda Tiripnan).

Pag-ighit 26:30

“Kailangan ipatindug nimu ti Turda Tiripnan angay sa gayak kang binagaw sa kanmu atay sa bantud.

Pag-ighit 27:8

Ti ipabwat nimu pag harandugan kailangan human sa tabla bag-u may ukang sa sulud. Pabwatan inda angay sa ipinakakit niku pag gayak sa kanmu sa bantud.”

Bilang 8:4

Ti kabuuhan palaulian sulu, ginan sa sirung tugka sa tungud buwat sa gintu angay sa mustara ipinakakit Panginuun sa kan Muysis.

Matiyu 2:12

Sinabihan sida Diyus sa tagin-up, danga mag-ati lakaw sa kan Hirudis. Nakan sa kanda nuli sa kanda ulian lakaw yi sa usa ka dalan.

Binwat 7:44

“Kanda sa pangawakaan waya, siyun diman ti Balay Turda Panginuun sa kanta manga ginurang. Tunda pag Balay Turda binwat angay gid sa kay bilin Diyus ag angay sa mustara ipinakakit Diyus sa kan Muysis.

Kulusas 2:17

Inda ga manga aninu lang tungkul sa manga bagay rumas-ug aban dapat si Kiristu ngani ti tutuu.

Hibriyu 10:1

Ti Kasuguan ga aninu lang tungkul sa manga kaayadan aban ag unman mag-akitan nita malinaw nu kabitay aban ti tutuu. Nu angay sa Kasuguan una pag-isagda tawu timpu-timpu kay hayup sa Diyus kay pagmatyun, unman diman waydi lubus mab-ul kay kasalanan.

Hibriyu 11:7

Dahil sa kay pagsarig ni Nuwi, nakan naniwala siya sa kay ipinasandam Diyus tungkul sa manga bagay udwaya mag-akitan. Nag-alistu si Nuwi usa ka sakayan hampay makaribri kay buu magtal-anakan. Dahil sa kay sarig ipinurya ni Nuwi ti manga taga kalibutan, ag kinilala Diyus siya matadlung dahil sa kay sarig.

Hibriyu 12:25

Nakan pagpatingi kamu kaayad-ayad sa kan Hisus magbagaw sa kanyu. Ti manga tawu kaybi unman nakaiwas sa kaparusahan nu sida nagbugya mamatingi sa kan Muysis namadakit sa kanda sitay sa babaw daga sa kay manga pagsabihun Diyus. Mas lalu kita dayu makaribri nu patlikudan nita ti magbagaw ginan sa langit.

Hibriyu 13:10

Kita may tuhay pag surunugan tungkul sa handug sa Diyus. Ag ti manga manughandug magsirbi sa tiripnan unman may karampatan magsaru sa kanta.

Hibriyu 9:9

Usa ka pahalimbawa tunda sa taynguna pag udas. Kay gustu sabihun ti manga kaluub hanggan manga hayup pagmatyun pag-isagda sa Diyus balaw lubus makalumpiyu sa tagipusuun hanggan sa naisipan manga tawu magsamba sa Diyus.

Huswi 22:28

Ag nu mangyari gid waydi inda kanda sabihun sa kanmi manga lahi, sumabi diman waydi sida, ‘Malu bantayi! Namatindug harandugan kanmi manga ginurang parihu sa harandugan Panginuun, balaw para sa manga handug pagsunugun ag sa iba waya pag manga handug, nu unman bilang palatandaan sa kanmi ag sa kanyu kuntay usa lang ka Diyus kanta pagsambahun.’

Ipinakakit 15:5

Bag-u nakitan niku mabukasan yi ti Balay Diyus sa langit, ti Turda Tiripnan nu naan pag maulian ti Kasuguan.