Hibriyu 8:11 - Hanunuu

¹¹ Aban udyi may tawu manudlu waya sa kay kaparihu una sa kay patar-ari magkun, ‘Kilalan-a nimu ti Panginuun.’ Dahil kumilala yi gid sa kangku ti tanan tawu ginan sa pinakaababa hanggan sa pinagkaabwat.

Hibriyu 8:11 Iomraidhean Croise

1 Krunika 28:9

“Ag kawu, Sulumun anak niku, kilalan-a ag sirbihi ti Diyus ga kanmu ama sa buu nimu tagipusuun ag kaisipan, dahil mag-akitan Panginuun ti kada tagipusuun ag alam niya kanta gayak ag pag-isipun. Nu magdangup kawu sa kanya, awatan kawu niya; dapat nu mamugya kawu sa kanya, dayuun kawu niya tugka aban.

2 Krunika 30:22

Dinayaw ni Isikyas ti tanan Libita sa mayad pag buwat ipinakakit nida sa pagsirbi sa Panginuun. Nakan parargu ti pagdaus nida sa sulud pitu ka sirang. Kinaun nida kanda bahagi sa manga handug, ag nanagda sida manga handug para sa mayad pag pakiusa, ag nagdayaw sa Panginuun, ti Diyus nida manga ginurang.

Isra 7:25

“Kawu, Isra, angay sa ipinakaun Diyus pag kadunungan sa kanmu, pagpili kawu manga takinan hanggan manughusay may alam sa Kasuguan nimu Diyus. Manpatigayun sida sa tanan tawu sa purubinsiya isalpan Iyupratis. Ag ti manga tawu balaw nakaalam sa Kasuguan tudluan niyu.

Isayas 2:3

Sabihun nida, “Atag yi kita sa bantud Panginuun, sa Balay Diyus, Diyus ni Hakub. Tudluan niya kita ati angay sa kay kagustuhan hampay sundun nita.” Dahil ti Kasuguan Panginuun ginan sa Siun, ag ti bagaw Panginuun ginan sa banwa Hirusalim.

Isayas 54:13

Aku ti manudlu sa kanmu manga nasakupan, ag bumaliw mayad kanda kahamtangan.

Hirimyas 24:7

Pakan-an niku sida tagipusuun makakilala sa kangku kuntay aku ti Panginuun. Sida kang yi nasakupan ag aku kanda yi Diyus, dahil bumalik yi sida sa kangku sa buu nida tagipusuun.

Hirimyas 31:34

Unman yi may manabi sa kay kasimanwa ngatay sa kay patar-ari kuntay kailangan niya kilalan-a ti Panginuun. Dahil sida tanan kumilala sa kangku, ginan sa pinakapugri tugka sa pinakamaunlad. Patawadun niku sida sa kanda manga daut binuwat, balaw yi niku alalahanun kanda manga kasalanan. Aku, ti Panginuun, ti magbagaw inda.”

Hirimyas 42:1

Bag-u nagpakarani sa kan Hirimyas sida ni Huhanan kay anak ni Karya, si Asariyas kay anak ni Husaya, ag ti kaibahan nida may kangaranan pag manga sundalu, hanggan ti tanan nasakupan ginan sa pinakaababa tugka sa pinakaabwat.

Hirimyas 42:8

Nakan tinawag ni Hirimyas si Huhanan kay anak ni Karya hanggan ti tanan kaibahan niya may kangaranan pag manga sundalu, hanggan ti tanan nasakupan ginan pinakaababa tugka sa pinakaabwat.

Hirimyas 44:12

Kamu pag manga magkasawad buhi sa Huda magpilit ataytag sa Ihiptu, magkaramatay kamu tanan ginan sa pinakapugri tugka sa pagdayawun. Magkaramatay kamu sitay sa girahan aw ngatay sa lun-us. Saadan, kayagtingan, kadat-an, ag puyaan kamu.

Hirimyas 6:13

“Ginan sa pinakapugri tugka sa darayawun, pararihu lang sida manga maramuun sa kuwarta. Una ti manga purupita ag manga manughandug manga manugdaya diman.

Isikil 34:30

Bag-u maalaman nida, aku ti Panginuun Diyus, kaibahan nida, ag sida pag nasakupan Israil kang nasakupan. Aku, ti Panginuun Diyus, ti may sabi inda.

Habakuk 2:14

Dahil nu kabitay ti dagat punu danum, ti tanan tawu sa kalibutan mapnu diman kinaalman tungkul sa kamaskihan Panginuun.

Huwan 6:45

“Isinurat sa Ribru manga Purupita magkun, ‘Sida tanan-tanan tudluan Diyus.’ Una hintay pag tawu nakadnug ag nagpatudlu sa Ama, pumasakup sa kangku.

Binwat 8:10

Pinakidnugan siya tanan-tanan tawu, una may kangaranan una unman, magkun sida, “Inda pag lalaki ti pagsabihun daka kay kapangyarihan, kapangyarihan ngap Diyus.”

1 Huwan 2:27

Dapat duy, ipinakaun ni Kiristu sa kanyu ti Ispiritu Banal, imaw ti nangulian sa kanyu. Nakan balaw yi kailangan may magtudlu waya sa kanyu, dahil ti Ispiritu yi gid tigtudlu sa kanyu sa tanan bagay. Kay pag-itudlu Ispiritu balaw pudil, tunda lunsay katutuuhanan ngap. Nakan pagpaniwala kamu sa tudlu Ispiritu, dagpablag kamu ginan sa kan Kiristu.

1 Huwan 5:20

Magkaalaman diman nita nagsitay ti Anak Diyus, bag-u pinakan-an niya kita intindi hampay makilala nita ti Diyus tutuu. Kita magpakiusa sa Diyus tutuu, dahil sa kanta magpakiusa sa kay Anak, sa kan Hisu-Kiristu. Inda yi gid ti Diyus tutuu, ag ti tutuu pag buhi unman may katapusan.