Hibriyu 8:10 - Hanunuu

¹⁰ Magkun ti Panginuun, “Pagkatapus ati, buwatun niku inda pag taratu sa nasyun Israil. Ipauli niku kang manga Kasuguan sa kanda naisipan, ag isurat sa kanda manga tagipusuun. Aku kanda yi Diyus aban, sida aban kang yi nasyun.

Hibriyu 8:10 Iomraidhean Croise

Pag-ighit 24:4

Ag isinurat ni Muysis ti tanan sinabi Panginuun. Igu surip, maaga binmangun si Muysis ag nagpatindug harandugan sa sugkad bantud, ag nagpauli siya 12 ka batu alaala mustara sa 12 ka linahi Israil.

Pag-ighit 24:7

Bin-ul diman niya ti Ribru Kasunduan ag binasa inda sa manga tawu. Bag-u sinmagut ti manga tawu, “Sundun nimi ti tanan sinabi Panginuun. Sundun nimi siya.”

Pag-ighit 34:1

Magkun ti Panginuun sa kan Muysis, “Pagbagasbas kawu duwa ka malapad pag manga batu parihu sa kabag-u, dahil suratan niku inda manga bagaw nakasurat sa un-an pag manga batu kanmu ginipak.

Pag-ighit 34:27

Magkun ti Panginuun sa kan Muysis, “Isurat nimu inda kang manga sinabi, dahil inda ti surundanun niku kasunduan sa kanmu hanggan sa Israil.”

Kanta ni Sulumun 2:16

Kang mahal kangku lang, ag aku kanya lang. Pag-ipaharab niya kay hayup sa may manga liryu.

Hirimyas 24:7

Pakan-an niku sida tagipusuun makakilala sa kangku kuntay aku ti Panginuun. Sida kang yi nasakupan ag aku kanda yi Diyus, dahil bumalik yi sida sa kangku sa buu nida tagipusuun.

Hirimyas 31:1

Magkun waya ti Panginuun, “Sa ati pag sirang, aku bumaliw Diyus buu Israil ag bumaliw pinili niku sida.

Hirimyas 31:33

Magkun waya ti Panginuun, “Inda ti bag-u pag kasunduan kang buwatun sa manga taga Israil sa aratubangun pag udas: Ipauli niku ti manga kasuguan niku sa kanda manga naisipan ag isurat niku inda sa kanda manga tagipusuun. Aku bumaliw Diyus nida ag sida bumaliw manga nasakupan niku.

Hirimyas 32:38

Kilalan-un niku sida kang nasakupan, ag kilalan-un waydi nida aku kanda Diyus.

Hirimyas 32:40

Mamuwat aku kasunduan unman may katugkaan sa kanda kuntay parargu aku magbuwat kaayadan sa kanda. Pakan-an niku sida maghinaum maggalang sa kangku hampay balaw yi sida pumakarayu sa kangku.

Isikil 37:27

Mangulian aku kaibahan nida. Diyus nida aku, ag sida kang nasakupan.

Isikil 39:22

Ag ginan sa tunda pag sirang, maalaman nasakupan Israil aku ti Panginuun nida Diyus.

Husyas 1:10

Dapat rumas-ug ti sirang kaawaan niku sida ag papaladan; bumaliw sida ga baras sa baybay dagat kay kayamu unman matakal ngatay mabilang. Taynguna pag-ingarnan sida, ‘Balaw kang nasakupan,’ dapat aban ingarnan sida, ‘Manga anak buhi pag Diyus.’

Husyas 2:23

Sa tunda pag panahun mangulian kamu sa kanyu daga bilang kang nasakupan. Ipakakit niku kang pangaawa sa kanyu manga pag-ingarnan Lu Ruhama. Ag kamu pag manga pag-ingarnan Lu Ami ingarnan diman niku kamu kang nasakupan, ag sumabi kamu aku kanyu Diyus.”

Sakaryas 13:9

Ag ti ikatlu pag bahagi masawad lumpiyuhun niku parihu sa pilak pag-ipalakaw sa apuy. Subukun niku sida parihu sa gintu pag-ipalakaw sa apuy nu lunsay ngatay unman. Mandarangin sida sa kangku ag sagtun niku sida. Sabihun niku, ‘Sida kang nasakupan.’ Ag sabihun diman nida, ‘Ti Panginuun kanmi Diyus.’ ”

Sakaryas 8:8

Daran-un maan niku sida pabalik sa Hirusalim ag ati sida pauliun. Ag kas-a waya bumaliw sida kang nasakupan ag aku bumaliw kanda matapat ag matadlung pag Diyus.”

Matiyu 22:32

‘Aku ngani ti Diyus ni Abraham, Diyus ni Isaak ag Diyus ni Hakub.’ Ti Diyus balaw Diyus manga namatay nu unman Diyus ngap manga tawu may buhi.”

Ruma 11:27

Inda aban kang taratu sa kanda nu bin-ul yi niku kanda manga kasalanan.”

1 Kurintu 6:16

Unman aw lugud niyu alam nu magpaamut ti tawu sa uragin, bilang ga usa yi lang sida ka bilug. Dahil magkun ti Diyus, “Ti duwa kabilug usa lang ka nayi.”

2 Kurintu 3:3

Kamu malinaw pag pinagkasurat ni Kiristu kanmi ipinadangat. Inda nisurat balaw ga kinta nu unman ginan sa Ispiritu Diyus buhi, balaw sa binagasbasan batu nu unman sa tagipusuun tawu pag isinurat.

Diyuturunumiyu 30:6

Bag-uhun Panginuun niyu Diyus kanyu manga tagipusuun hanggan ti tagipusuun niyu manga katawuhan hampay mahalun niyu siya sa buu tagipusuun ag karadwa, ag mabuhi kamu dugay.

Titu 2:14

Ipinakaun niya kay sadili hampay lukatun niya kita sa tanan nita kasalanan, agud kita kay yi nasakupan, malumpiyu ag magkaibug magbuwat mayad.

Hibriyu 11:16

Dapat taynguna paghingabtun nida ti lalu mayad pag ulian, kay ibug sabihun sa langit yi ngap pag ulian. Nakan ti Diyus unman mangay-a una pag-ingarnan nida siya kanda Diyus, dahil kay inalistuhan sida usa ka banwa.

Santiyagu 1:18

Angay sa kay kagustuhan binag-u niya kanta buhi pagka ipinakilala niya sa kanta ti bagaw katutuuhanan, hampay kita bilang ga kay yi akaan burak sa tanan niya linalang.

Santiyagu 1:21

Nakan ngani pagpatlikud kamu ginan sa kayagtingan niyu buwat; pagbul-a niyu ti daut pag ugali; pagpakumbaba kamu lubus ag tanggapa niyu ti Bagaw Diyus ti itinanum sa kanyu tagipusuun. Inda pag Bagaw Diyus ti makaparibri sa kanyu.

1 Pidru 1:23

Dahil kamu ungud gid iinanak inuman balaw sa kapangyarihan lang tawu may kamatayan, nu unman sa kapangyarihan ngap Bagaw Diyus. Ag ti Bagaw Diyus buhi gid unman may katapusan.

1 Pidru 2:9

Dapat kamu ungud usa ka pinili pag lahi. Parihu sa manga manughandug sa Balay Diyus, kanyu pagsirbihan si Kiristu pag Hari. Kamu usa ka nasyun binukud para sa Diyus. Pinili kamu Diyus hampay kamu kay sadili yi pag nasakupan ag hampay ipaburayhaw niyu kay manga buwat makadululaw. Siya diman waydi ti nagtawag sa kanyu ginan sa kadudulman tabug sa kaladulawan pag karayawan niya.