Hibriyu 7:6 - Hanunuu

⁶ Dapat madi balaw linahi nida, nagtanggap si Milkisidik ikasampulu ginan sa kan Abraham, bag-u kay pinapaladan niya si Abraham, ti tinaratuhan Diyus.

Hibriyu 7:6 Iomraidhean Croise

Gimpuunan 12:13

Mayad waya siguru kanmu sabihun sa kanda magtar-ari kita hampay balaw nida aku matyun ag hampay mayad kanda pakiusa sa kangku dahil sa kanmu.”

Gimpuunan 12:2

Buwatun niku bantug pag nasyun kanmu linahi. Papaladan niku kawu ag bumaliw bantug kanmu ngaran. Sa panab-anan nimu, mayamu ti makatanggap papalad.

Binwat 3:25

Sa kanyu ngani tabug ti manga taratu Diyus ipinadakit manga purupita ag kamu nasakup sa kay taratu tinalaghut Diyus sa kanyu manga ginurang pagka sinabi niya sa kan Abraham magkun, ‘Ginan sa kanmu minamat papaladan niku ti tanan manga nasyun sa babaw daga.’

Ruma 4:13

Itinaratu Diyus sa kan Abraham hanggan sa kay manga linahi manahun nida ti kalibutan, bukun dahil si Abraham nagtupad sa Kasuguan nu unman dahil sa kay pagsarig sa Diyus nakan siya kinilala Diyus kuntay matadlung.

Ruma 9:4

Sida manga Israilita, binwat Diyus manga anak niya. Nakitan nida ti malinaw pag tanda tigpakilala kuntay ti kadayawan Diyus ngap ti kaibahan nida. Tinalaghut Diyus kay taratu sa kanda, sa kanda diman ipinakaun niya ti Kasuguan, ti tutuu gid pag samba ati sa Balay Diyus, hanggan kay manga taratu.

Galasya 3:16

May taratu ngani ti Diyus sa kan Abraham hanggan sa kay linahi. Unman pagsabihun niya magkun, hanggan sa kay manga linahi. Nu abi katida kay pagkumnun kay ibug sabihun mayamu. Dapat kay sinabi Diyus magkun, “Sa kanmu linahi.” Kay kahulugan usa-usa lang ag inda imaw yi si Kiristu.

Hibriyu 11:13

Sida tanan ti manga sinmarig tugka sa kamatayan, unman nakamtan nida ti itinaratu, dapat bilang ga kanda di nabantay ginan sa arayu, sida nakabaya di. Naisipan nida sida pasay manga nanday-u lang, ag balaw may kapunduhan sitay sa babaw daga.

Hibriyu 11:17

Si Abraham ti pinangakuan Diyus. Sinubukan siya Diyus, dapat dahil sa kay pagsarig, alistu siya hampay matyun niya ipakaun sa Diyus kay anak madi usa-usa, kay ngaran si Isaak.

Hibriyu 7:1

Si Milkisidik ngani ti hari sa Salim ag manughandug Diyus Makamaskihan sa tanan. Pagka natalu yi ni Abraham ti manga hari nuli siya, sinulang siya ni Milkisidik, bag-u kan Milkisidik pinapaladan si Abraham.

Hibriyu 7:7

Maalaman nita pihu gid si Milkisidik ti nagpapalad mas lalu man kay kadayawan balaw lang ga kan Abraham ga kay pinapaladan niya.