Hibriyu 7:11 - Hanunuu

¹¹ Nu abi may kamhanan ngani sa kanda maghandug manga Libita, hayga kailangan tuhay waya pag manughandug, balaw angay sa karampatan minana ginan sa kay lahi ni Aarun? Dahil katpung ti manga Libita maghandug sa Balay Diyus, ipinakaun Diyus ti Kasuguan. Dapat inda pag manughandug nakamana karampatan sa maghandug ginan ngap sa kan Milkisidik.

Hibriyu 7:11 Iomraidhean Croise

Galasya 2:21

Balaw pagbul-an niku halaga kay pangaawa Diyus sa kangku. Nu abi pagkilalan-un Diyus ti tawu kuntay siya matadlung dahil sa kay magtupad sa Kasuguan, unman yi may pulus kay kamatayan ni Kiristu.

Galasya 4:3

Katunda diman waydi kita. Pagka udwaya naintindihan nita ti katutuuhanan, sakup waya gid kita sa manga kapangyarihan maghari sa kalibutan.

Galasya 4:9

Dapat taynguna kanyu yi nakilala ti Diyus, aw mayad man nu sabihun taynguna kamu nakilala yi Diyus. Hayga lugud kamu magbalik magsirbi maan sa manga kapangyarihan maghari sa kalibutan balaw may pulus ag unman waydi may kabuluhan. Hayga lugud kamu magkaibug maan magpasakup sa siyun pag manga kapangyarihan?

Hibriyu 5:10

dahil siya ti pinili Diyus bilang pangulu manughandug parihu sa pagkamanughandug ni Milkisidik.

Hibriyu 5:6

May sinabi waya ti Diyus sa tuhay pag bahagi Kasuratan magkun, “Kawu ti manughandug hanggan aban. Sa kanmu kay pamana karampatan ni Milkisidik.”

Hibriyu 6:20

Sinmaka ati si Hisus hampay siya tigpamahala sa kanta. Siya waydi kanta manugpanguna. Ati siya ti pangulu manughandug sa Balay Diyus hanggan waya aban, angay sa karampatan kay minana ginan sa kan Milkisidik.

Hibriyu 7:10

Dahil madi udwaya iinanak si Libi, dara yi siya sa linahi aban ni Abraham pagka sinulang si Abraham ni Milkisidik.

Hibriyu 7:12

Dahil nu bag-uhun ti pagkamanugsagda sa Balay Diyus, kailangan umanun waydi ti Kasuguan.

Hibriyu 7:13

Kanta Panginuun ti pagtukuyun inda pag manga bagaw. Dapat siya lahi ni Huda, balaw lahi ni Libi. Ti lahi ni Huda unman magsirbi sa surunugan hayup pag-isagda sa Diyus.

Hibriyu 7:15

Lalu waya malinaw inda pagka may tuhay yi ngani pag manughandug parihu ga kan Milkisidik.

Hibriyu 7:21

Dapat ay sa kan Hisus may sumpa ti Diyus pagka binwat siya manughandug. Magkun ti Diyus, “Nagsumpa ti Panginuun ag unman bag-uhun niya kay isip. Kawu yi ti manughandug hanggan waya aban.”

Hibriyu 8:7

Dahil nu abi kang-ud yi ti un-an pag taratu, udyi waydi kailangan paghanapun waya Diyus rugar para kay ikadwa.

Hibriyu 9:6

Pagka katida yi kay kaayusan, ti manga manughandug sa Balay Diyus pirmi magsaka sa kay sanggaan Turda hampay magtupad sa kanda katungkulan.