Hibriyu 7:10 - Hanunuu

¹⁰ Dahil madi udwaya iinanak si Libi, dara yi siya sa linahi aban ni Abraham pagka sinulang si Abraham ni Milkisidik.

Hibriyu 7:10 Iomraidhean Croise

Gimpuunan 35:11

Magkun waya gid ti Diyus sa kanya, “Aku ti Makamaskihan pag Diyus. Magkaimaw kawu mayamu pag anak. Bumaliw kawu ama nasyun Israil hanggan iba waya pag nasyun, ag bumaliw hari ti iba sa kanmu manga linahi.

Gimpuunan 46:26

66 ti bilang tanan anak hanggan umput ni Hakub nagkuyug sa Ihiptu, ag balaw waya nibilang siyun ti manga asawa niya manga anak.

1 Hari 8:19

Dapat balaw kawu ti pumatindug inda nu unman kanmu anak ngapu. Siya ti pumatindug Balay Diyus para sa kang kadayawan.’

Hibriyu 5:6

May sinabi waya ti Diyus sa tuhay pag bahagi Kasuratan magkun, “Kawu ti manughandug hanggan aban. Sa kanmu kay pamana karampatan ni Milkisidik.”

Hibriyu 7:11

Nu abi may kamhanan ngani sa kanda maghandug manga Libita, hayga kailangan tuhay waya pag manughandug, balaw angay sa karampatan minana ginan sa kay lahi ni Aarun? Dahil katpung ti manga Libita maghandug sa Balay Diyus, ipinakaun Diyus ti Kasuguan. Dapat inda pag manughandug nakamana karampatan sa maghandug ginan ngap sa kan Milkisidik.

Hibriyu 7:5

Tunda pag manga lahi ni Libi ti nagtanggap katungkulan sa manughandug Balay Diyus, angay sa Kasuguan kailangan bul-un nida ti manga ikasampulu ginan sa kanda manga katawuhan, parihu diman waydi linahi ni Abraham.

Hibriyu 7:9

Madi si Libi magtanggap manga ikasampulu, masabi waydi nita, sakup diman si Libi sa kan Abraham sa kay nagpakaun ikasampulu sa kan Milkisidik.