Hibriyu 6:1 - Hanunuu

¹ Nakan danga yi kanta pag-adalan ti nalawyan yi pag manga adal tungkul sa kan Kiristu. Pagparargu yi kita ilubus nita kanta tudlu. Danga yi balikan nita ti kabag-u itinudlu tungkul sa pag-ampu sa manga unman may kabuluhan pag tarabahu, hanggan tungkul sa pagsarig sa Diyus,

Hibriyu 6:1 Iomraidhean Croise

Kabagawan 4:18

Ti pangabuhi tawu matadlung parihu sa pagbutlak init mag-amat di magrayaw habang magdugay.

Sakaryas 12:10

“Pakan-an niku ispiritu maawaun ag maradarangin ti manga linahi ni Dabid hanggan ti manga taga Hirusalim. Bantayan nida aku kanda binunu, ag manlumi sida parihu sa gurang maglumi sa pagkamatay nida bugtung anak ngatay anak panganay.

Matiyu 21:29

Sinmagut kay anak, ‘Dayu duy.’ Dapat pagka dugay nag-isip ti anak, atag yi lang aku. Bag-u nag-ati diman.

Matiyu 21:32

Dahil nagsitay si Huwan sa kanyu, ipinakilala niya ti matadlung pag ugali, dapat unman kanyu pinaniwalaan. Dapat pinaniwalaan ngap siya manga manunukut buhis hanggan manga uragin. Pagka nakitan niyu tunda, unman diman kamu nagbag-u kanyu pag-iisip, hampay mana kamu magpaniwala waydi sa kan Huwan.”

Matiyu 3:2

“Iampu yi niyu kanyu kasalanan, dahil udyi dugay rumas-ug yi ti kaharian langit.”

Matiyu 4:17

Siyun ginan nag-umpisa yi si Hisus magtudlu. Magkun siya, “Iampu yi niyu kanyu manga kasalanan, dahil arani yi ti kaharian langit.”

Matiyu 5:48

Nakan ngani kailangan ilubus niyu kanyu kaayadan parihu sa kanyu Ama sa langit.”

Matiyu 7:25

Nag-uran daka, nagbaha, hinampak mabisug pag bagyu ti balay, dapat unman nagba dahil nakabungsud inda sa babaw batu.

Markus 1:1

Inda ti Mayad pag Barita ni Hisu-Kiristu kay Anak Diyus.

Markus 6:12

Pagka nakatapus yi kan Hisus bilin sa kay manga tuludluan, linmakaw yi sida, itinudlu nida sa manga tawu pagpatawad sida sa kanda manga kasalanan.

Lukas 6:48

Siya ga usa ka tawu magbuwat kay balay kinmali abasad tugka sa batu bag-u ibinungsud niya kay tulduk. Pagka binmaha binmalusbus ti baha tag yi sa balay, dapat ud natandug dahil marig-un kay nabungsudan tunda.

Huwan 12:44

Ainalsa ni Hisus kay busis magkun, “Ti tawu nu magsarig sa kangku balaw lang sa kangku pag magsarig, nu unman hanggan sa nagsugu sa kangku.

Huwan 14:1

Bag-u sinabi ni Hisus sa kay manga tuludluan magkun, “Danga magkaaburidu kamu sa kanyu tagipusuun. Magtiwala kamu sa Diyus, magtiwala diman waydi sa kangku.

Huwan 5:24

“Ungud duy kang pagsabihun sa kanyu, nu ti tawu magtanggap sa kang bagaw ag magsarig sa Diyus sa nagsugu sa kangku, tunda pag tawu may tutuu pag buhi unman may katapusan. Balaw yi sakup siya sa sintinsiya aban. Kay patabgan balaw yi kamatayan, bagkus ngap buhi kay patabgan.

Binwat 11:18

Pagka nadnugan manga patar-ari inda pag manga sinabi ni Pidru, udyi sida may pagsabihun sa kan Pidru. Bagkus ngap nagdayaw sida sa Diyus magkun, “Nu katunda maaw, ipinakaun diman Diyus sa manga balaw Hudiyu hampay makaampu sida sa kanda kasalanan ag makatanggap buhi.”

Binwat 17:30

Dugay pag kapanahunan balaw pag-alintanahun Diyus kay unman magkilala tawu sa Diyus. Dapat taynguna ibinilin Diyus sa tanan tawu sa una naan pag rugar patlikudi yi iampu kanda daut ugali.

Binwat 2:38

Nagsagut si Pidru magkun, “Ampuan niyu kanyu kasalanan ag paghagad kapatawadan sa Diyus. Pagpatulbaw ti kada usa sa kanyu, pagpasakup sa ngaran ni Hisu-Kiristu hampay patawadun yi kanyu manga kasalanan. Bag-u ipakaun Diyus sa kanyu ti Ispiritu Banal.

Binwat 20:21

Nangungud gid aku sa kang magpaliwanag sa manga Hudiyu una sa manga balaw Hudiyu, magkun kailangan gid sida pag-ampu sa kanda kasalanan sa atubangan Diyus, pagsarig sa kanta Panginuun Hisus.

Binwat 26:20

Nanudlu aku sa Damasku dapu bag-u sa Hirusalim bag-u sa bilug daga Hudiya hanggan sa manga balaw Hudiyu. Namaliwanag aku sa manga tawu kailangan sida mag-ampu sa kanda manga kasalanan ag magpakarani sa Diyus. Bag-u ginan sa kanda mayad pag manga buwat kailangan makitan kanda nag-ampu yi sa kanda manga kasalanan.

Binwat 3:19

“Nakan duy patlikudi yi niyu kanyu manga kasalanan bag-u pag-atubang yi sa Diyus hampay duraun yi niya kanyu kasalanan,

1 Kurintu 13:10

dapat nu mangyari aban ti tanan ginayak Diyus udyi may kakurangan.

1 Kurintu 2:6

Dapat nu sa manga marig-un kay sarig, kadunungan ngap ti kanmi pag-itudlu. Bukun kadunungan kalibutan inda, balaw diman kadunungan manga takinan taga kalibutan. Tunda pag kadunungan sa babaw lang daga nu sa kadugayan unman yi may kabuluhan.

2 Kurintu 7:1

Mahal niku pag manga patar-ari, itinaratu sa kanta inda pag manga kaayadan, nakan paglumpiyuha gid kanta sadili sa tanan kayagtingan nita bilug hanggan naisipan. Pag-ungud kita kanta ugali maggalang sa Diyus, ilubus yi nita ipasakup kanta sadili sa kanya.

2 Kurintu 7:10

Ginan ngani sa Diyus tunda pag karukuan, imaw tigpaisip sa kanyu hampay iampu niyu kanyu kasalanan. Siya diman tigpabag-u kanyu ugali sa ikaribri niyu. Dapat ti pakaun karukuan kalibutan tabug ngap sa kamatayan.

Ipisu 2:1

Kamu pag manga patar-ari balaw Hudiyu, kaybi kamu manga tigbak dahil sa kanyu maglaban sa Diyus ag dahil sa kanyu kasalanan.

Ipisu 2:5

Una kaybi kita manga tigbak dahil sa kanta paglaban sa Diyus, dapat binuhi niya kita kaibahan ni Kiristu. Naribri kamu dahil lang sa kay mayad nabubut-un Diyus.

Ipisu 4:12

Sida tanan may katungkulan hampay paanadun nida sa buruwatun ti tanan manga nasakup sa Diyus, sa ikarig-un iglisya ni Kiristu.

Kulusas 1:28

Nakan ngani pag-itudlu nimi si Kiristu sa tanan tawu. Pagpaala-lahanan nimi sida, malinaw gid kanmi pagtudluan sida angay sa kanmi makakaya hampay mipaatubang nimi sa Diyus ti kada usa kang-ud ag unman may ikasabi dahil sa kanda magpakiusa sa kan Kiristu.

Kulusas 3:14

Lalu pagmalahalan kamu dahil imaw ti pinagkabugkus sa kanyu lubus pagkarausa.

Kulusas 4:12

Pagkamustahun diman kamu ni Ipapras kasimanwa diman niyu, panawuhun diman ni Kiristu Hisus. Pirmi siya magpangungud sa darangin hampay kamu parig-unun Diyus, unman may ikasabi ag lubus masurundun sa kagustuhan Diyus.

1 Timutiyu 3:16

Tutuu gid madalum ag makadululaw pag katutuuhanan nita surundanun magkun, “Napakilala siya Diyus sa kay nabilug tawu, pinatutuuhanan siya Ispiritu Banal, nakitan siya manga anghil, itinudlu siya sa manga nasyun tawu, una naan pag rugar may nagpaniwala sa kanya, tinanggap siya ati sa langit may kadayawan.”

1 Timutiyu 6:19

Nu katida makatipun sida kayamanan sa pag-atubangun pag udas ag makatanggap sida tutuu pag buhi.

2 Timutiyu 2:19

Dapat marig-un kay ipinakana Diyus pag manga tudlu magkun, “Magkakilala di Panginuun nu si unu ti sa kanya.” Ag “Ti kada tawu magtawag sa Panginuun, pagpakarayu sa magbuwat kadautan.”

Hibriyu 11:6

Nu unman may sarig ti tawu, dayu mahimu siya lubus pagbayaun Diyus. Dahil nu ti tawu magpakarani sa Diyus kailangan siya magsarig kuntay may Diyus ag unman siya magpabaya sa manga maghanap sa kanya.

Hibriyu 12:13

“Pagbuwat kamu matadlung pag dalan kanyu lakawan,” hampay dayu madayaan ti manga pilay, nu unman lalu ngap mahulian di gid sida.

Hibriyu 7:11

Nu abi may kamhanan ngani sa kanda maghandug manga Libita, hayga kailangan tuhay waya pag manughandug, balaw angay sa karampatan minana ginan sa kay lahi ni Aarun? Dahil katpung ti manga Libita maghandug sa Balay Diyus, ipinakaun Diyus ti Kasuguan. Dapat inda pag manughandug nakamana karampatan sa maghandug ginan ngap sa kan Milkisidik.

Hibriyu 9:14

Lalu gid waya daka kay namhan dahil sa dugu ni Kiristu. Dahil sa kamaskihan Ispiritu unman may katapusan ipinakaun niya kay sadili sa Diyus unman may huput kasalanan. Kay dugu ni Kiristu tiglumpiyu sa kanta tagipusuun hanggan naisipan sa manga buwat unman may kabuluhan hampay kita magsirbi sa Diyus buhi.

Santiyagu 1:4

Kailangan ngani kamu pagpakarig-un hanggan sa katapusan hampay kamu kang-ud yi gid udyi may kakurangan.

1 Pidru 1:21

Dahil sa kan Kiristu nakan kamu nakasarig sa Diyus, imaw waydi ti nagbuhi uman sa kan Kiristu ag ti nagpakaun kadayawan. Dahil sa kan Kiristu nakan ngani kamu may pagsarig ag pag-asa sa Diyus.

1 Pidru 5:10

Pagka lumawuy kanyu ngalay-ngalay pag kakurian, pakan-an kamu Diyus kahustuhan hanggan karig-unan hampay udyi magkaanggihut. Siya ti gimpuunan tanan kaayadan, siya diman waydi ti nagpili sa kanyu hampay kamu may kabahagi waydi sa kay ud may katapusan pag kadayawan kaibahan ni Kiristu.

1 Huwan 4:12

Kaybi ginan unman may tawu nakakit sa Diyus. Nu kita magmalahalan, ti Diyus nangulian sa kanta ag udyi may kurang kay pagmahal sa kanta.