Hibriyu 5:8 - Hanunuu

⁸ Madi siya Anak, sa kay mag-agwanta kakurian naanad siya sa magpasakup sa Diyus.

Hibriyu 5:8 Iomraidhean Croise

Isayas 53:5

Ti tutuu, biniyagan siya dahil sa kanta manga paglabag; hinampak siya dahil sa kanta kadautan. Ti inagwanta niya pag parusa imaw ti nagpauli sa kanta sa mayad pag kahamtangan. Dahil sa kay manga biyag naayadan kita.

Matiyu 3:15

Dapat sinmagut si Hisus magkun sa kanya, “Pasnuan lang duy nimu taynguna, dahil kainda ngani ti dapat buwatun hampay tupadun nita ti buu kagustuhan Diyus.” Bag-u pinasnuan ngani siya ni Huwan.

Huwan 10:18

Unman may tawu bum-ul kang buhi, buluntadan ngap kang ipakaun. May kapangyarihan aku mamatay, may kapangyarihan diman aku hampay mabuhi uman. Inda yi ngani ti ibinilin niku Ama sa kangku hampay kang tupadun.”

Huwan 15:10

Nu tupadun niyu kang manga bilin, balaw yi kamu miblag sa kang pagmahal sa kanyu. Parihu diman ga kang magtupad sa manga bilin niku Ama, unman diman aku miblag sa kay pagmahal sa kangku.

Huwan 4:34

Magkun si Hisus sa kanda, “Kang pinagkakaran-unun duy kang yi ngani magtupad sa kay kagustuhan niku Ama hanggan sa ud matapus niku ti buruwatun kay iinintirga sa kangku, dahil siya ngani ti nagsugu sa kangku.

Huwan 6:38

Dahil aku nagsitay ginan sa langit balaw hampay masunud niku kang sadili kagustuhan, bagkus ngap hampay tupadun niku ti kagustuhan Diyus imaw ti nagsugu sa kangku.

Pilipus 2:8

Pagka siya nabilug tawu, nagpakumbaba siya, masurundun siya hanggan tugka sa kamatayan. Sa kurus paman pag namatay.

Hibriyu 1:2

Pagka kainda arani yi ti katapusan kalibutan, kay Anak ngap ti nagpadakit sa kay manga binagaw Diyus sa kanta. Ti Anak ti pinili pag manugkarubut sa tanan manga bagay, dahil ginan lang sa kanya pag binwat Diyus ti kalibutan.

Hibriyu 1:5

Nakan unman gid may anghil sinabihan Diyus una kapira magkun, “Kawu kang Anak, taynguna aku kanmu yi Ama.” Inda waya kay sinabi magkun, “Aku ti Ama tumupad sa kang Anak, kang Anak tumupad waydi sa kangku.”

Hibriyu 1:8

Dapat nu tungkul sa Anak kay sinabi, “Diyus, kanmu katungkulan sa maghari unman may katapusan hanggan waya aban. Ti kamaskihan sa kanmu maghari imaw ti matadlung pag kamaskihan.

Hibriyu 3:6

Si Kiristu waydi masarigan dahil siya ngani ti Anak. Siya ngap tigpangulu sa kay magtal-anakan Diyus. Kita yi ngani ti magtal-anakan Diyus nu kanta pagpahalgaan kanta pagsarig hanggan sa katapusan.