Hibriyu 5:5 - Hanunuu

⁵ Katunda diman waydi si Kiristu unman siya nagpalabi-labi, ag unman inapu lang niya tunda pag karampatan, nu unman Diyus diman ngap ti nagpili sa kanya hampay siya yi ti pangulu manughandug. Magkun ti Diyus, “Kawu kang Anak, taynguna ibarita yi niku aku kanmu Ama.”

Hibriyu 5:5 Iomraidhean Croise

Kanta 2:7

Magkun ti pinili Diyus pag hari, “Itultul niku ti sinabi sa kangku Panginuun magkumun, ‘Kawu kang anak. Taynguna pag sirang pag ipakilala niku aku kanmu ama.

Mikas 5:2

Magkun ti Panginuun, “Bitlihim Iprata, una usa kawu sa pinakadiit pag banwa Huda, ginan sa kanmu pag tawu ti sumirbi sa kangku bilang takinan sa Israil. Kay manga kaumputan bantug kaybi sa un-an pag panahun.”

Huwan 3:16

Daka gid kay pagmahal Diyus sa tanan tawu sa babaw daga, nakan ipinakaun niya kay Bugtung Anak hampay una si unu pag tawu nu magsarig sa kanya, dayu ipadamhak sa kamatayan, bagkus ngap may tutuu pag buhi siya unman may katapusan.

Huwan 7:18

Nu kay pagbagawun tawu ginan lang sa kay sadili naisipan, kay gustu siya ti dayawa manga tawu. Dapat nu kay gustu manugtudlu hampay dayawun ngap manga tawu ti nagsugu sa kanya, pihu gid pag-itudlu niya ti katutuuhanan unman may pabalhingu.”

Huwan 8:54

Sinmagut si Hisus magkun, “Nu pagdayawun niku kang sadili, unman may pulus kang kadayawan. Kang Ama di ngap tigdayaw sa kangku, imaw ti pagkumnun niyu kuntay kanyu Diyus.

Ruma 8:3

Binwat Diyus ti unman nabuwat Kasuguan dahil sa kalumuyan nita pagkatawu. Sinugu niya kay sadili Anak ga histuda tawu makasalanan hampay ipakaun niya kay buhi sa kamatayan dahil sa kasalanan. Sa katida pag paraan nasintinsiyahan niya ti kasalanan nangulian sa tagipusuun manga tawu.

Hibriyu 1:1

Kaybi waya ginan ipinadakit manga purupita ti manga binagaw Diyus sa kanta manga ginurang sa tuhay-tuhay pag udas ag sa tuhay-tuhay pag paraan.

Hibriyu 1:5

Nakan unman gid may anghil sinabihan Diyus una kapira magkun, “Kawu kang Anak, taynguna aku kanmu yi Ama.” Inda waya kay sinabi magkun, “Aku ti Ama tumupad sa kang Anak, kang Anak tumupad waydi sa kangku.”

Hibriyu 2:17

Nakan ngani kailangan siya parihu diman waydi sa kay manga patar-ari sa tanan manga bagay hampay siya usa ka pangulu manughandug sa Balay Diyus maawaun ag matinupadun sa kay magsirbi sa Diyus, hampay mapatawad Diyus ti kasalanan manga tawu.

Hibriyu 3:1

Manga patar-ari niku, kamu manga ipinablag Diyus hampay kamu kay tanggapun niya. Parihu kita pinili Diyus hampay mabuhi aban sa langit. Nakan ngani isipa niyu si Hisus. Siya ti sinugu gid Diyus. Siya diman ti pangulu manughandug nita pagsarig.

Hibriyu 5:10

dahil siya ti pinili Diyus bilang pangulu manughandug parihu sa pagkamanughandug ni Milkisidik.