Hibriyu 5:2 - Hanunuu

² Madunung siya magpasunaid sa manga unman nakatau ag sa manga magsimray dahil una siya may manga kalumuyan diman waydi.

Hibriyu 5:2 Iomraidhean Croise

Pag-ighit 32:8

Madali sida magpatlikud sa kang pag-isugu sa kanda. Namuwat sida diyus-diyusan baka ag kanda sinamba. Nanagda ti manga Israilita sa inda pag diyus-diyusan magkun, ‘Inda kanta diyus ti nagpalwas sa kanta sa Ihiptu.’ ”

Isayas 29:24

Ti manga balaw nakasalum sa katutuuhanan makasalum yi, ag ti manga magriklamu nu pagtudluan makabaya yi.”

Isayas 30:11

Pag-ighit kamu sa kanmi lakawan, danga niyu kami pagharangi. Danga yi niyu sabihun sa kanmi ti tungkul sa Banal pag Diyus Israil.’ ”

Lukas 22:32

Dapat Simun, kawu kan idinarangin sa unman lumumuy kanmu pagsarig. Nu umimbung maan aban kanmu pagsarig, parig-una yi nimu kanmu manga patar-ari.”

2 Kurintu 11:30

Nu kailangan aku mamadayaw-dayaw, ti kang ipadayaw-dayaw kang gid kalumuyan.

2 Kurintu 12:5

Pag-ipadayaw niku tunda pag tawu dapat dayu pag-ipadayaw niku kang sadili, nu ud ngap kang kalumuyan ti pag-ipadayaw niku.

Galasya 4:13

Alam diman niyu nakan ati katpung sa kabag-u aku nanudlu Mayad pag Barita sa kanyu dahil nasakit aku.

Ipisu 4:18

Unman sida madunung mag-intindi dahil sa kanda ga ud may namuangan ag maganit waya kanda ulu. Nakan ud sida may kaparti sa buhi kay pag-ipakaun Diyus.

1 Timutiyu 1:13

Madi kaybi waya kang linapastangan, inunu-unu ag unman diman waydi pinahalgaan niku siya. Dapat kinaawaan di gid aku Diyus dahil tunda kang binwat kaybi kang udwaya nakaalam ag udwaya may pagsarig sa kanya.

Hibriyu 12:13

“Pagbuwat kamu matadlung pag dalan kanyu lakawan,” hampay dayu madayaan ti manga pilay, nu unman lalu ngap mahulian di gid sida.

Hibriyu 2:17

Nakan ngani kailangan siya parihu diman waydi sa kay manga patar-ari sa tanan manga bagay hampay siya usa ka pangulu manughandug sa Balay Diyus maawaun ag matinupadun sa kay magsirbi sa Diyus, hampay mapatawad Diyus ti kasalanan manga tawu.

Hibriyu 2:18

Sinubukan gid siya sa kay nalakawan kakurian. Nakan madunung siya makaawat sa manga tawu maglakaw subuk.

Hibriyu 4:15

Kanta pangulu manughandug sa Balay Diyus makapasunaid di gid sa kanta kalumuyan. Dahil sinubukan siya sa tanan paraan parihu diman ga kanta, dapat unman gid siya nagkasala.

Hibriyu 7:28

Ti manga tawu binwat pangulu manughandug Balay Diyus angay sa Kasuguan ni Muysis manga tawu may kalumuyan. Dapat angay sa sumpa Diyus, kay binagaw igu naipakaun ti Kasuguan, kay yi gid ngap Anak ti pinili niya pangulu manughandug. Dahil natupad yi niya ti kagustuhan Diyus pumarargu hanggan aban.

Hibriyu 9:7

Dapat nu sa kay Pinakabanal pag Sulud-sulud ti pangulu lang manughandug sa Balay Diyus tigsaka kas-a lang sulud usa ka timpu. Kailangan siya may dara dugu hampay kay pag-isagda sa Diyus, panlukat sa kay sadili manga kasalanan hanggan sa manga iba kanda binwat balaw tikis pag kasalanan.

Santiyagu 5:19

Manga patar-ari niku, nu may nagsimray sa kanyu ginan sa katutuuhanan ag nu may usa ka patar-ari nagbawi sa kanya,

1 Pidru 2:25

Kaybi kamu nanwayak-wayak yi parihu ga manga karanidu tinmalang, dapat taynguna tinipun maan kamu Manug-alaga, imaw ti manuggiya niyu manga karadwa.

Talaghusay 2:17

Dapat unman nida binati kanda manga takinan. Bagkus ngap, nagpatlikud sida sa Panginuun ag nagsamba sa tuhay pag manga diyus. Balaw sida parihu sa kanda manga ginurang dahil madali lang sida magpatlikud sa manga sugu Diyus, ti sinunud kaybi nida manga ginurang.