Hibriyu 4:2 - Hanunuu

² Dahil ti Mayad pag Barita itinultul diman sa kanta parihu ga sa kanda kaybi. Dapat unman nida napakinabangan tunda pag barita kanda nadnugan, dahil pagka nadnugan nida, unman sida nagsarig sa kanda tagipusuun.

Hibriyu 4:2 Iomraidhean Croise

Binwat 13:46

Dapat matutum di kanda naisipan nida ni Pablu ni Birnabi magkun, “Sa kanyu dapu kailangan pag-itultul ti Bagaw Diyus. Dapat ay kainda ginan kami dayi sa kanyu. Ati yi kami sa manga balaw Hudiyu. Dahil ipinurya niyu ti Bagaw Diyus ag pinasnuan niyu kanyu sadili kuntay unman may karampatan kamu sa tutuu pag buhi unman may katapusan.

Binwat 3:26

Nakan pinili Diyus kay Suruguun si Hisus bag-u un-an sinugu siya tabug ngap sa kanyu hampay papaladan kamu ag hampay awatan kamu pumatlikud sa kanyu daut ugali.”

Ruma 2:25

Nu kawu napaturi mahalaga lang tunda nu tupadun nimu ti Kasuguan ni Muysis. Dapat nu paglabagun diman nimu ti Kasuguan, bilang ga unman diman kawu tinuri.

Ruma 3:3

Kabitay nu ti iba manga Hudiyu balaw yi matinupadun? Ibug aw lugud sabihun kanda balaw matinupadun ti nagrangga sa kay pagtupad Diyus?

1 Kurintu 13:3

Una ipakaun niku ti tanan-tanan niku kasiyunan sa manga pugri ag una ipakaun waya niku kang bilug hampay sunugun bag-u unman aku may pagmahal, unman gid aku may pakinabang.

Galasya 3:2

Inda lang ti gustu niku maalaman sa kanyu, tinanggap aw niyu ti Ispiritu Diyus dahil sa kanyu pagtupad sa Kasuguan aw ngatay dahil sa kanyu magpatingi hanggan magsunud sa Mayad pag Barita?

Galasya 3:8

Udwaya nangyari daan ipinakilala Banal Kasuratan ti manga balaw Hudiyu kilalan-un waydi Diyus kuntay sida manga matadlung nu sumarig sida sa kanya. Kabag-u waya ipinakilala yi sa kan Abraham ti Mayad pag Barita magkun, “Ginan sa kanmu papaladan Diyus ti tanan nasyun tawu.”

Galasya 4:13

Alam diman niyu nakan ati katpung sa kabag-u aku nanudlu Mayad pag Barita sa kanyu dahil nasakit aku.

Diyuturunumiyu 1:32

“Dapat una katida ti tanan, unman diman kamu nagpaniwala sa Panginuun niyu Diyus,

1 Tisalunika 1:5

Dahil kanmi ipinadakit ti Mayad pag Barita sa kanyu balaw tugka lang sa bagaw. Kay makamaskihan pag manga buwat Ispiritu Banal ti nagpuruyba sa kanyu tungkul sa katutuuhanan Mayad pag Barita. Nakitan waydi niyu nu kabitay kami sa kanyu atubangan sa kanyu ikaayad.

1 Tisalunika 2:13

Inda waya ti pirmi pag-ipasalamat nimi sa Diyus, pagka itinudlu nimi sa kanyu kay Bagaw Diyus, tinanggap niyu tunda ga tutuu ngani Bagaw Diyus, bukun ga bagaw lang tawu. Kay kamaskihan Bagaw Diyus makitan diman gid waydi sa kanyu buhi dahil kamu manga magsarig.

1 Timutiyu 4:8

May pakinabang diman nu magpaantigu ti bilug. Dapat lalu waya may pakinabang nu mangungud kita kanta bilug hanggan tagipusuun sa kanta turunu marapasakup sa Diyus. Dahil nu katida kita pag mag-ugali, may patabgan di kita kaayadan balaw lang sa kainda pag buhi, lalu waya sa ikadwa pag buhi.

Hibriyu 11:6

Nu unman may sarig ti tawu, dayu mahimu siya lubus pagbayaun Diyus. Dahil nu ti tawu magpakarani sa Diyus kailangan siya magsarig kuntay may Diyus ag unman siya magpabaya sa manga maghanap sa kanya.

Hibriyu 3:12

Pagdahan kamu, manga patar-ari, barang una si unu sa kanyu may daut naisipan imaw ti magpalumuy sa kanyu pagsarig hanggan di sa magpablag yi ngap sa Diyus buhi.

Hibriyu 4:6

Ti manga un-an waya gid nakadnug sa Mayad pag Barita, unman nakaslud unman nakasamit kaariwayahan sa kay arani Diyus dahil sa kanda naglaban. Dapat ay may imaw waya sumulud sumamit sa kaariwayahan sa kay arani Diyus.

Santiyagu 1:21

Nakan ngani pagpatlikud kamu ginan sa kayagtingan niyu buwat; pagbul-a niyu ti daut pag ugali; pagpakumbaba kamu lubus ag tanggapa niyu ti Bagaw Diyus ti itinanum sa kanyu tagipusuun. Inda pag Bagaw Diyus ti makaparibri sa kanyu.

1 Pidru 1:12

Pagka ipinaalam manga purupita inda pag manga katutuuhanan itinudlu waydi Diyus sa kanda, kuntay kanda pagbagawun balaw may pakinabang sa kanda nu unman sa kanyu ngap. Inda pag manga katutuuhanan nadnugan yi niyu ginan sa manugpadakit Mayad pag Barita Diyus. Pagka sinugu Diyus ti Ispiritu Banal ginan sa langit tabug sa manga manugbarita, nanudlu sida sa kanyu angay sa udyuk Ispiritu Banal. Una ti manga anghil sa langit daka mana kanda gustu masalman nida inda pag manga katutuuhanan.