Hibriyu 4:16 - Hanunuu

¹⁶ Pagpakarani kita sa Diyus sa may puun pakaun kaayadan, pagmatutum kanta naisipan, hampay kita pagkaawaan niya ag hampay nu katpung kita may kailangan sa kanya, kita awatan diman angay sa kay pangaawa.

Hibriyu 4:16 Iomraidhean Croise

1 Krunika 28:11

Bag-u ipinakaun ni Dabid sa kan Sulumun ti tanan pag gayak sa pagpatindug sa Balay Diyus hanggan ti sarakahan, ti manga sulud-sulud, ti manga haramnuan, ti manga sulud-sulud sa tungud, ti manga sulud-sulud sa sulud, nu naan ti taklub Kaban, ti Ulian Pangaawa.

Isayas 27:11

Pagka nabari ag nalayung ti manga sanga, tinipun inda manga babayi ag binwat pamagba. Dahil sa unman may intindi inda pag manga tawu. Balaw sida kaawaan Diyus imaw ti naglalang sa kanda.

Ipisu 2:18

Dahil sa kan Kiristu ti manga Hudiyu ag ti manga balaw Hudiyu parihu kita makapakarani sa Ama, dahil sa kanta pakiusa sa usa ka Ispiritu.

Ipisu 3:12

Dahil sa kanta pakiusa hanggan pagsarig sa kanya, marig-un kanta tagipusuun hampay unman may ampara sa kanta makapakarani sa Diyus.

Hibriyu 13:6

Nakan ngani matutum kanta naisipan magsabi magkun, “Ti Panginuun kang kaawat, unman aku magkadala. Hintay ti mabuwat tawu sa kangku?”

Hibriyu 3:6

Si Kiristu waydi masarigan dahil siya ngani ti Anak. Siya ngap tigpangulu sa kay magtal-anakan Diyus. Kita yi ngani ti magtal-anakan Diyus nu kanta pagpahalgaan kanta pagsarig hanggan sa katapusan.

Hibriyu 7:19

Dahil nu ginan lang sa Kasuguan unman diman gid may kamhanan kay turunu. Dapat ipinakilala Diyus sa kanta ti lalu gid mayad pag paghingabtun. Nu ungud gid kita maghingabut, makapakarani kita sa Diyus.

Hibriyu 7:25

Nakan ngani siya ti lubus makaparibri sa manga tawu magpakarani sa Diyus sa panab-anan niya, dahil pirmi di buhi siya hampay manab-anan sa kanda sa atubangan Diyus.

Hibriyu 9:5

Sa kay babaw Kaban may manga kirubin pag anghil magpakilala siyun ti kadayawan Diyus, kanda manga pakpak maghamuy sa taklub Kaban, imaw ti Ulian Pangaawa. Dayu nita matigus-a sa harampangan inda pag manga bagay taynguna.

1 Pidru 2:10

Nu kaybi di waya gid kamu bukun kay nasyun Diyus, taynguna bay kamu kay yi pinili hampay kay nasakupan. Kaybi kamu kay inirangan balaw pagkaawaan. Dapat taynguna kamu kay kinaawaan.