Hibriyu 4:13 - Hanunuu

¹³ Unman may milihim sa Diyus. Ti tanan nabulwat ag niburayhaw sa kay magbantay, ag sa kanya kita may saragtun.

Hibriyu 4:13 Iomraidhean Croise

1 Krunika 28:9

“Ag kawu, Sulumun anak niku, kilalan-a ag sirbihi ti Diyus ga kanmu ama sa buu nimu tagipusuun ag kaisipan, dahil mag-akitan Panginuun ti kada tagipusuun ag alam niya kanta gayak ag pag-isipun. Nu magdangup kawu sa kanya, awatan kawu niya; dapat nu mamugya kawu sa kanya, dayuun kawu niya tugka aban.

2 Krunika 16:9

Dahil magbantay gid ti Panginuun sa buu kalibutan hampay pabaskugun ti manga tawu matinupadun sa kanya. Kabuangan kanmu binwat! Nakan kainda ginan pirmi yi kawu manlaban.”

2 Krunika 6:30

patingihi sida asan sa kanmu ulian sa langit. Patawada nimu sida ag buwata sa kada usa sa kanda ti angay sa kanda manga buwat, dahil alam nimu nu hintay ti asan sa kanda tagipusuun. Ungud duy, kawu lang gid ti may alam tagipusuun tanan tawu.

Hub 26:6

Burayhaw gid sa Diyus ti rugar manga namatay. Unman may makatabun sa rugar kadamhakan.

Hub 34:21

Pagbantayan gid Diyus ti tanan pagbuwatun tawu.

Hub 38:17

Naipakakit yi aw lugud sa kanmu ti manga sabian atag sa madulum pag ulian manga namatay?

Kanta 139:4

Panginuun, una unman waya aku makabagaw, alam yi nimu kang sarabihun.

Kanta 44:21

balaw aw nguna nimu inda magkaalaman, bati alam diman nimu ti manga lihim sa kaisipan tawu?

Kanta 7:9

Amparaha ti pagbuwatun kadautan manga tawu, ag papaladi ti manga matadlung, dahil matadlung kawu pag Diyus, ag pag-usisaun nimu kanmi manga naisipan hanggan tagipusuun.

Kanta 90:8

Mag-akitan nimu kanmi manga kasalanan. Una ti manga kasalanan nabwat nimi sa lihim, alam di nimu.

Kabagawan 15:11

Nu magkaalaman Panginuun ti magpangyari sa rugar manga namatay, mas lalu yi gid magkaalaman niya ti asan sa tagipusuun tawu.

Kabagawan 15:3

Mag-akitan Panginuun ti tanan, una naan pag rugar. Pagbantayan niya ti manga pagbuwatun manga daut hanggan manga matadlung.

Kabagawan 5:21

Dahil mag-akitan Panginuun ti tanan nimu pagbuwatun; una naan kawu katpung maghiling siya.

Manugtudlu 12:14

Dahil sintinsiyahan Diyus ti tanan nita pagbuwatun, mayad aw ngatay daut, hanggan ti manga pagbuwatun nita sa lihim.

Hirimyas 16:17

Nakitan niku ti tanan ugali nida. Unman may una hintay ti mag-itagu sa kangku. Nakitan diman niku ti manga kasalanan nida.

Hirimyas 17:10

Aku, ti Panginuun, mag-usisa sa tagipusuun ag isip tawu. Balusan niku ti kada usa angay sa kay pag-ugaliun ag manga buwat.

Hirimyas 23:24

Una si unu unman may makapatagu sa kangku una naan pag lihim rugar mag-akitan di niku. Balaw aw alam niyu kuntay aku ati sa langit, asan sa daga ag una naan? Aku, ti Panginuun, ti magsabi inda.

Hirimyas 29:23

Mangyari inda sa kanda dahil nagbuwat sida manga mayagting pag bagay sa Israil. Nanguragin sida sa asawa nida kaparihu ag nagbagaw kapudilan sa ngaran niku balaw kang pag-isugu kuntay buwatun nida. Magkaalaman niku kanda manga pagbuwatun, bag-u makapatutuu aku laban sa kanda. Aku, ti Panginuun, ti magsabi inda.”

Danyil 2:22

Pag-ipaliwanag niya ti ibug sabihun madalum pag manga bagay makuri masalman. Sa kanya ti karayawan, alam niya nu hintay ti ati sa kadudulman.

Matiyu 6:4

hampay unman maalaman kanmu nagpakaun. Gantihan kawu nimu Ama dahil siya ti nakakit sa kanmu buwat mayad unman ipinasulay nimu sa manga iba.”

Huwan 2:24

Dapat unman isinarig niya kay sadili sa kanda dahil kilala di niya ti tanan tawu.

Huwan 21:17

Sa pakatlu pag pinmaingana si Hisus magkun, “Simun, anak ni Huwan, pagmahalun aw nimu aku?” Nagmaruku yi si Pidru dahil sa kay paingana ni Hisus katlu gin magkun, “Pagmahalun aw nimu aku?” Nakan sinabi ni Pidru magkun, “Panginuun, alam duy nimu ti tanan-tanan pag manga bagay. Alam diman nimu kawu kang gid pagmahalun.” Bag-u kay sinabi ni Hisus sa kanya magkun, “Alagai duy nimu kang manga karanidu.

Huwan 4:16

Bag-u sinabi ni Hisus sa kanya magkun, “Pag-uli dapu kawu duy, bul-a kam asawa bag-u pagsitay maan.”

Binwat 17:31

May itinaning yi siya kaudasan hampay pihuun ti daut ti mayad. Tunda pag buruwatun kay iinintirga sa kay pinili pag tawu. Kay pinatutuuhanan inda pagka kay binuhi maan tunda pag tawu.”

Ruma 2:16

Angay sa Mayad pag Barita kang pag-itudlu, mangyari gid tunda nu sa kaudasan aban ti manga ilinihim manga tawu sa kanda tagipusuun pihuun Diyus nu daut nu mayad sa panab-anan ni Kiristu Hisus.

1 Kurintu 4:5

Nakan ngani danga dapu pagpihua una hintay pag tawu nu daut nu mayad hanggan sa ud rumas-ug ti Panginuun. Siya ti pumaburayhaw sa manga ilinihim ga sa madlum. Bulwatun niya aban ti pagkutubun tawu. Ati katpung ti kada tawu dayawun Diyus angay sa kay binwat.

2 Kurintu 5:10

Dahil ngani ti kada usa sa kanta umatubang sa kan Kiristu hampay kay suyasidun kita bag-u kay pakan-an kita pirimyu angay sa kanta binwat, ngatay mayad ngatay daut kanta waya sa babaw daga.

Ipinakakit 2:23

Matyun aban niku hanggan kay manga anak agud maalaman tanan manga iglisya aku lang ti makasuyasid sa tawu isip ag tagipusuun. Ti kada usa sa kanyu pakan-an niku angay sa kanyu manga binwat.

1 Samwil 16:7

Dapat magkun ti Panginuun sa kan Samwil, “Danga kawu magbantay sa kay abwat ngatay sa kay rinu dahil balaw siya kang pinili. Kangku pag pamantay balaw parihu sa pamantay tawu. Ti tawu kay pagbantayan kay lang panluwas pag rinu, dapat aku sa tagipusuun di gid tawu pag magbantay.”