Hibriyu 4:1 - Hanunuu

¹ Hanggan taynguna tugka imaw diman pag taratu Diyus sa kanta, kita makaslud hampay may kaariwayahan sa kay arani. Inda ti dapat nita ingatan gid, bagay may tawu sa kanyu unman makahimu makaslud.

Hibriyu 4:1 Iomraidhean Croise

Kabagawan 14:16

Ti madunung pag tawu magdahan sa kay sadili ag mag-aman sa gulu, dapat ti unman may intindi pag tawu balaw magdahan bagkus ngap harus-harus.

Kabagawan 28:14

Mapalad ti tawu pirmi maggalang sa Panginuun, dapat ti tawu maganit kay tagipusuun midamhak.

Hirimyas 32:40

Mamuwat aku kasunduan unman may katugkaan sa kanda kuntay parargu aku magbuwat kaayadan sa kanda. Pakan-an niku sida maghinaum maggalang sa kangku hampay balaw yi sida pumakarayu sa kangku.

Bilang 14:34

Ti 40 ka sirang pagpirmaminti manga manugtiid sa ati pag daga tumbasan niku 40 ka timpu kakurian dahil sa kanyu kasalanan, hampay maalaman niyu nu kabitay aku magkagalit sa manga maglaban sa kangku.

Matiyu 24:48

Dapat nu alangan tunda pag panawuhun, mag-isip yi siya sa kay sadili, dugay waya bag-u bumalik kang amu.

Binwat 3:19

“Nakan duy patlikudi yi niyu kanyu manga kasalanan bag-u pag-atubang yi sa Diyus hampay duraun yi niya kanyu kasalanan,

Ruma 11:20

Tutuu gid tunda. Pinlud sida dahil unman sida magsarig sa Diyus. Dapat kawu isinugdung dahil magsarig kawu sa Diyus. Nakan ngani, danga kawu magpalabi-labi, bagkus ngap pag-aman kawu.

Ruma 3:23

Nagkasala ti tanan tawu. Nakan unman gid karapat-dapat sa magbantay Diyus.

1 Kurintu 10:12

Nakan nu pag-isipun tawu marig-un kay tindug, pag-aman barang siya magpu.

2 Kurintu 6:1

Kami manga kaawat Diyus sa buruwatun. Nakan pagpakapaanyuan nimi kamu danga pagpasipalahan ti manga kaayadan kay ipinakaun Diyus sa kanyu.

Galasya 5:4

Nu kamu magkaibug pagkilalan-un Diyus kuntay kamu matadlung dahil sa kanyu magtupad sa Kasuguan, binmulag yi ngap kamu sa kan Kiristu, udyi matanggap niyu kay pakaun kaayadan Diyus.

2 Timutiyu 2:13

Nu unman matinupadun kita, si Kiristu matinupadun di. Dahil unman mitanggi niya kay sadili.”

Hibriyu 12:15

Pagdahan kamu hampay unman may pumatlikud sa kanyu tanan sa kay pakaun Diyus karibrihan. Barang may magtubu ga ilamnun mapait sa kanyu bag-u miabay ti mayamu ngap pag patar-ari sumimray sa katutuuhanan.

Hibriyu 12:25

Nakan pagpatingi kamu kaayad-ayad sa kan Hisus magbagaw sa kanyu. Ti manga tawu kaybi unman nakaiwas sa kaparusahan nu sida nagbugya mamatingi sa kan Muysis namadakit sa kanda sitay sa babaw daga sa kay manga pagsabihun Diyus. Mas lalu kita dayu makaribri nu patlikudan nita ti magbagaw ginan sa langit.

Hibriyu 13:7

Isipun niyu ti nangatungkulan sa kanyu kaybi, sida ti nagpaliwanag kay Bagaw Diyus sa kanyu. Isip-isipun niyu nu kabitay kanda nangugali sitay sa babaw daga hanggan kanda ikinamatay. Huwada niyu kanda pagsarig sa Diyus.

Hibriyu 3:11

Nakan ngani sa kang pangagalit sinaadan niku sida magkun, dayu gid sida makaslud sa kang ihinanda pag daga, sa may kaariwayahan.”

Hibriyu 4:11

Hangadun nita, manga patar-ari ti makaslud makasamit sa kaariwayahan sa kay arani Diyus. Danga kita maglaban, barang kita hanggan unman diman makasamit sa kaariwayahan ga nangyari sa kanda kaybi.

Hibriyu 4:9

May nasawad waya ngani usa ka kaudasan kaariwayahan para sa nasyun Diyus parihu sa kay nagpahari ti Diyus sa ikapitu pag sirang.

1 Samwil 2:30

Aku, kanyu Panginuun, ti Diyus Israil, nantaratu kaybi kuntay kamu lang hanggan kanyu manga ginurang linahi ti makasirbi sa kangku bilang manughandug tugka aban. Dapat unman yi mahimu taynguna, dahil kilalan-un niku ti magkilala sa kangku, dapat kang dayuun ti magdayu sa kangku.