Hibriyu 3:3 - Hanunuu

³ Dapat pinakan-an Diyus karampatan si Hisus balaw lang ga kan Muysis, dahil nu pagdayawun ti balay, lalu waya pagdayawun ti nagpatindug balay.

Hibriyu 3:3 Iomraidhean Croise

Sakaryas 4:9

mamhan ti Balay Diyus sa pagdumara ni Surubabil, siya diman ti mandumara sa pagpauli kay patakinan batu inda. Ag nu mangyari tunda, maalaman niyu ti Panginuun Makamaskihan imaw ti nagpadara sa kangku tag sa kanyu.

Matiyu 16:18

Kang pagsabihun sa kanmu, kawu si Pidru, kay ibug sabihun batu. Sa babaw inda pag batu ipatindug niku kang iglisya. Una ti kapangyarihan kamatayan unman makapanalu sa iglisya niku.

1 Kurintu 3:9

Dahil kami hanggan ti Diyus minsan sa buruwatun. Ag kamu ti ga tanman Diyus. Kamu ti pagbalayun Diyus.

2 Kurintu 3:7

Katpung ipinakaun kaybi ti Kasuguan iginuhit sa binagasbasan batu, ipinakakit waydi ti kadayawan Diyus. Madi ti pag-ipakaun Kasuguan ay kamatayan, masyadu masilaw kay uyahun ni Muysis unman nakasumpung ti manga Israilita madi magkadura di tunda pag kadayawan.

Kulusas 1:18

Siya ti pinagkaulu, ti iglisya kay pinagkabilug. Siya tigpakaun buhi sa iglisya. Siya ti panganay, daan di siya Anak Diyus. Siya ti un-an nabuhi uman hampay siya yi gid ti makamaskihan sa tanan.

Hibriyu 2:9

Dapat ay mag-akitan nita si Hisus, ti binwat Diyus ababa man sa manga anghil ngalay-ngalay lang. Taynguna bay pinakan-an siya karampatan sa maghari may kadayawan hanggan kagalangan, dahil nakalakaw siya kamatayan. Sa kay lubus pangaawa Diyus, nakan namatay si Hisus para sa kada tawu.

Hibriyu 3:4

Dahil sa kada balay may nagpatindug. Dapat Diyus ti naglalang sa tanan manga bagay.

Hibriyu 3:6

Si Kiristu waydi masarigan dahil siya ngani ti Anak. Siya ngap tigpangulu sa kay magtal-anakan Diyus. Kita yi ngani ti magtal-anakan Diyus nu kanta pagpahalgaan kanta pagsarig hanggan sa katapusan.