Hibriyu 3:1 - Hanunuu

¹ Manga patar-ari niku, kamu manga ipinablag Diyus hampay kamu kay tanggapun niya. Parihu kita pinili Diyus hampay mabuhi aban sa langit. Nakan ngani isipa niyu si Hisus. Siya ti sinugu gid Diyus. Siya diman ti pangulu manughandug nita pagsarig.

Hibriyu 3:1 Iomraidhean Croise

Kanta 110:4

Nanumpa ti Panginuun, balaw gid mauman kay naisipan, kawu manughandug hanggan aban, parihu sa pagkamanughandug ni Milkisidik.

Isayas 1:3

Ti manga baka magkilala sa kanda manug-alaga, hanggan ti manga asnu alam nu naan pag paraharaban sida pag ipaharab nida manug-alaga, dapat ti manga nasakupan niku Israilita unman magkilala sa kangku.”

Isayas 41:20

hampay makitan, maalaman, ag masalman manga tawu ti nagbuwat inda aku, ti Panginuun, ti Banal pag Diyus Israil.”

Isayas 5:12

May manga patunug waya kamu hanggan manga intus sa kanyu manga karan-an. Dapat balaw niyu pag-intindihun ti pagbuwatun Panginuun.

Isikil 12:3

Nakan anak tawu, pagpakakit kawu ga sa pagbihagun kawu. Pag-alistu kawu kanmu dararan-un ag paglakaw sa tuhay pag rugar. Buwata inda sa sirang hampay makitan manga tawu. Barang sa panab-anan waya inda maisip nida manga maglaban sida pag nasakupan.

Isikil 18:28

Balaw siya mamatay nu unman parargu siya mabuhi dahil inampu niya ti tanan niya pag kasalanan ag tinayakan niya inda.

Hagay 1:5

Isip-isipa niyu ti manga magpangyari sa kanyu.

Hagay 2:15

Taynguna ginan, isipa niyu kaayad ti manga nangyari sa kanyu bag-u niyu umpisahan ti pagpatindug Balay Diyus Panginuun.

Huwan 17:3

Inda yi ngani ti ibug sabihun buhi unman may katapusan nu kilalan-un tawu kawu lang ti tutuu gid pag Diyus ag nu kilalan-un niya si Hisu-Kiristu, ti sinugu nimu.

Huwan 20:21

Sinabi maan ni Hisus sa kanda magkun, “Pagmay kahusayan duy kamu. Parihu sa kay nagsugu Ama sa kangku, katunda diman waydi pagsuguun niku kamu tabug sa manga tawu taga kalibutan.”

Huwan 20:27

Bag-u sinabi niya sa kan Tumas magkun, “Ipad-ut nimu kanmu ituturu atay, bantayi nimu kang manga kamang. Sitay tag kanmu kamang, ikuut nimu sa kang habig. Tubay yi duy kanmu alinlangan, pagpaniwala yi gid kawu.”

Binwat 1:15

Pagka ati katpung nagtiripun maan ti manga patar-ari, manga usa ka gatus may duwapulu. Tinmindug si Pidru sa kanda karaw-an bag-u sinabi niya sa kanda magkun,

Ruma 11:17

Pinlud kay iba sanga ti tanum puun ulibu ag kawu, ga sanga lang lupaw pag ulibu, pag-isugdung sa puun tanum ulibu, hampay maayawan taguk ginan sa gamut. Nakan may kabahagi kamu manga papalad Diyus para sa manga Hudiyu.

Ruma 15:27

Buluntadan yi gid kanda pakaun tunda. Nu sa ungud talaga kailangan gid waydi nida buwatun tunda. Dahil ti manga balaw Hudiyu nahurayan waydi sa kay papalad Diyus angay sa Ispiritu sa manga Hudiyu, nakan kailangan ihuray waydi manga balaw Hudiyu sa manga Hudiyu ti ipinapalad Diyus kahamtangan sa kanda.

Ruma 15:8

Pagkumnun niku sa kanyu, si Kiristu ti nagsirbi sa manga Hudiyu hampay kay ipakilala niya ti Diyus masarigan, magtupad sa kay manga itinaratu sa kanda ginurang,

Ruma 9:24

Kita yi paman tunda pag manga tawu kay pinili niya balaw lang ginan sa manga Hudiyu, ginan diman hanggan sa manga balaw Hudiyu.

1 Kurintu 1:2

Inda pag surat tabug sa kanyu, sa iglisya Diyus sa banwa Kurintu. Kamu manga banal dahil sa kanyu pakiusa sa kan Kiristu Hisus. Kamu ipinablag yi ginan sa kalibutan minsan sa tanan tawu sa kada rugar magsampit sa ngaran nita Panginuun Hisu-Kiristu, kanda Panginuun, kanta diman tanan Panginuun.

1 Kurintu 10:17

Madi mayamu, kita usa-usa lang ka bilug, usa lang waydi ka tinapay. Dahil kita tanan may kabahagi sa usa lang ka tinapay.

1 Kurintu 9:23

Pagbuwatun niku inda tanan-tanan pag manga bagay alang-alang sa Mayad pag Barita, hampay makatanggap waydi aku manga papalad ginan sa Diyus.

2 Kurintu 1:7

Nakan ngani marig-un kanmi sarig tungkul sa kanyu. Alam nimi magpaminsan kamu sa kanmi maariwaya pag naisipan dahil kamu minsan diman sa kanmi sa kakurian.

2 Kurintu 9:13

Nu unman kamu may kabuyatan sa kanyu magpakaun sa kanda hanggan sa tanan tawu imaw yi ti puruyba sa kanda kuntay matinupadun kamu sa Mayad pag Barita ni Kiristu. Nakan siyun ginan dumayaw sida sa Diyus.

Ipisu 3:6

Ag inda yi ngani ti madalum pag katutuuhanan magkun, nu sumarig sida sa Mayad pag Barita, ti manga balaw Hudiyu parihu diman waydi sa manga Hudiyu may kabahagi diman waydi sa manga papalad ginan sa Diyus. Ag sida hanggan manga gamit diman bilug ni Kiristu ag may kabahagi sa kay taratu Diyus kay tinupad sa kan Kiristu Hisus.

Ipisu 4:1

Nakan aku, ti usa ka napirisu dahil sa kang magsirbi sa Panginuun, magsabi sa kanyu, pag-ugali kamu angay sa mayad pag ugali manga pinili Diyus.

Ipisu 4:4

Kita ti manga magsarig usa lang ka bilug, usa lang ka Ispiritu ti nangulian sa kanta. Usa lang kanta pagsarigan pagka kita kay tinawag.

Pilipus 3:14

Nakan magparargu aku sa katugkaan hampay tanggapun niku ti pirimyu, nu magtawag yi aban ti Diyus sa kangku ag butungun aku ni Kiristu Hisus tabug sa langit.

Kulusas 1:12

ag hampay kamu magbaya gid magpasalamat sa Diyus Ama, dahil binwat niya kamu kang-ud hampay may kahuray kamu sa kay kaharian hanggan karayawan, pinaminsan kamu sa manga nasakup sa kanya.

Kulusas 1:22

Dapat ay kamu pinausa Diyus tag sa kay sadili, dahil sa kay kamatayan ni Kiristu angay sa kay pagkatawu, hampay kamu ipaatubang sa Diyus ud may ikasabi, manga sakup yi sa Diyus, unman may kutub daut.

Kulusas 3:12

Kamu manga sakup sa Diyus, kay pinili niya kamu, kay yi gid pagmahalun. Nakan ngani kailangan kamu pagmaawaun, pagmayad kanyu nabubut-un, pagmapinakumbabaun, pagmabuut hanggan matiniisun.

1 Tisalunika 2:12

Pinabisug nimi kanyu nalub-anan, pinasulung ag binutung sa mag-ugali kang-ud sa kay magbantay Diyus, imaw ti nagpili sa kanyu hampay makatanggap kahuray sa kay kaharian hanggan kadayawan.

1 Tisalunika 5:27

Kanmi pagsabihun sa kanyu sa ngaran nita Panginuun, basaha niyu inda pag surat sa pagdungugun tanan patar-ari.

2 Tisalunika 1:11

Pirmi di gid nimi pag-alalahanun kamu nu kami magdarangin sa Diyus hampay kanyu ugali buhi sa ikabaya Diyus. Ag hampay angay sa kay kamaskihan papaladan niya kamu sa tanan niyu pagturunuhun mayad hanggan sa tanan niyu buwat pag-udyukan niyu pagsarig.

2 Tisalunika 2:14

Nakan kay binutung kamu Diyus pagka itinudlu nimi sa kanyu ti Mayad pag Barita hampay sa kanyu yi kay kadayawan nita Panginuun Hisu-Kiristu.

1 Timutiyu 6:12

Buwata nimu tugka sa kanmu makaya hampay ingatan nimu ti katutuuhanan tungkul sa kanta pagsarig una may kalaban bag-u makarubtan nimu ti tutuu pag buhi unman may katapusan. Kabay imaw pag buhi kay turunu Diyus. Nakan kawu kay pinili Diyus, pagka ipinakilala nimu mayad-mayad kanmu pagsarig sa mag-adnugan kayamuan tawu.

1 Timutiyu 6:2

Balaw kailangan mag-alukayu ti manga panawuhun sa kanda amu dahil sida parihu magtar-ari sa pagsarig sa kan Kiristu. Lalu waya ngapu pagkaayad kanda pagsirbi dahil ti kanda pagsirbihan mirinsan sa pagsarig sa kan Kiristu hanggan sa pagmahal. Paanyui nimu ti manga tawu sa kainda pag manga bagay.

2 Timutiyu 1:9

Diyus ti nagribri ag nagpili sa kanta hampay kita kanya yi. Balaw dahil sa kanta sadili buwat nu unman angay ngap sa kay turunu ag pangaawa. Pagka udwaya linalang ti kalibutan daan di itinigana niya kay mayad nabubut-un sa kanta sa panab-anan ni Kiristu Hisus.

2 Timutiyu 2:7

Isip-isipa gid nimu mayad kang pagsabihun sa kanmu. Ipauninaw Diyus sa kanmu kay ibug sabihun inda tanan-tanan.

Hibriyu 10:19

Nakan ngani manga patar-ari, unman yi gid may ampara sa kanta magsaka sa Banal pag Sulud-sulud, dahil sa kay dugu ni Hisus.

Hibriyu 10:21

Taynguna kita may makamaskihan pag manughandug magpamahala sa kabuuhan magtal-anakan Diyus.

Hibriyu 10:23

Pagpakarig-un kita sa kanta inaku pag sarig, danga kita mag-alinlangan. Dahil Diyus ti may taratu ag lubus siya masarigan dayu pumudil.

Hibriyu 13:22

Daka kang gustu, kamu manga patar-ari, pag-agwanta sa kang manga iinadal. Dahil kamu kang sinuratan balaw sa mayamu pag hampang.

Hibriyu 2:11

Dahil si Hisus tiglumpiyu sa manga tawu kasalanan ag ti manga tawu kay paglumpiyuhun, usa-usa di kanda Ama. Nakan unman diman ikakay-a ni Hisus nu pag-ingarnan niya sida kay manga patar-ari.

Hibriyu 2:17

Nakan ngani kailangan siya parihu diman waydi sa kay manga patar-ari sa tanan manga bagay hampay siya usa ka pangulu manughandug sa Balay Diyus maawaun ag matinupadun sa kay magsirbi sa Diyus, hampay mapatawad Diyus ti kasalanan manga tawu.

Hibriyu 3:12

Pagdahan kamu, manga patar-ari, barang una si unu sa kanyu may daut naisipan imaw ti magpalumuy sa kanyu pagsarig hanggan di sa magpablag yi ngap sa Diyus buhi.

Hibriyu 3:14

Kita kaibahan yi ni Kiristu nu marig-un kita pag magsarig ginan sa umpisa ag nu unman kita bumul-iw hanggan tugka sa katapusan.

Hibriyu 6:20

Sinmaka ati si Hisus hampay siya tigpamahala sa kanta. Siya waydi kanta manugpanguna. Ati siya ti pangulu manughandug sa Balay Diyus hanggan waya aban, angay sa karampatan kay minana ginan sa kan Milkisidik.

Hibriyu 7:26

Si Hisus imaw gid ti pangulu manughandug kanta kailangan. Banal siya, unman gid may kasalanan, unman may huput una di ga buhuk, apinablag siya ginan sa manga makasalanan, ag binwat siya mataas man sa langit.

Hibriyu 7:28

Ti manga tawu binwat pangulu manughandug Balay Diyus angay sa Kasuguan ni Muysis manga tawu may kalumuyan. Dapat angay sa sumpa Diyus, kay binagaw igu naipakaun ti Kasuguan, kay yi gid ngap Anak ti pinili niya pangulu manughandug. Dahil natupad yi niya ti kagustuhan Diyus pumarargu hanggan aban.

Hibriyu 9:11

Dapat ay nagsitay yi si Kiristu. Siya yi ti pangulu manughandug tungkul sa kaayadan kay itinaratu Diyus. Manughandug siya sa mas mayad yi pag Turda unman gid may kakurangan. Dahil tunda pag Turda unman binwat tawu kamang, unman diman waydi para sitay sa babaw daga.

Hibriyu 9:15

Sa kay pagkamatay linukat ni Kiristu ti manga tawu ginan sa manga kasalanan kanda binwat sa kanda di waya sakup sa un-an pag taratu. Nakan si Kiristu ngani tigpamahala sa bag-u pag taratu hampay ti manga pinili Diyus makatanggap sa kay itinaratu pag papalad unman may katapusan.

1 Pidru 2:9

Dapat kamu ungud usa ka pinili pag lahi. Parihu sa manga manughandug sa Balay Diyus, kanyu pagsirbihan si Kiristu pag Hari. Kamu usa ka nasyun binukud para sa Diyus. Pinili kamu Diyus hampay kamu kay sadili yi pag nasakupan ag hampay ipaburayhaw niyu kay manga buwat makadululaw. Siya diman waydi ti nagtawag sa kanyu ginan sa kadudulman tabug sa kaladulawan pag karayawan niya.

1 Pidru 3:5

Kaybi waya pag panahun katida pag rinu ti pinahalgaan manga babayi lubus sakup sa Diyus. Sida nagsarig gid sa Diyus ag nagpasakup diman sa kanda manga asawa.

1 Pidru 5:1

Aku duy may paanyu sa manga manug-asiwa sa kanyu. Aku manug-asiwa diman ga kanyu. Nakitan niku kan Kiristu inagwanta pag manga kakurian. May kabahagi diman aku sa kadayawan arani yi ipaburayhaw aban.

1 Pidru 5:10

Pagka lumawuy kanyu ngalay-ngalay pag kakurian, pakan-an kamu Diyus kahustuhan hanggan karig-unan hampay udyi magkaanggihut. Siya ti gimpuunan tanan kaayadan, siya diman waydi ti nagpili sa kanyu hampay kamu may kabahagi waydi sa kay ud may katapusan pag kadayawan kaibahan ni Kiristu.

1 Huwan 1:3

Tunda ngani ti kanmi nakitan ag nadnugan imaw yi kanmi pag-itultul sa kanyu hampay kamu hanggan magpakiusa sa kanmi. Kita magpakiusa yi gid sa Ama ag sa kay Anak, sa kan Hisu-Kiristu.

Hudas 1:1

Inda ti may surat si Hudas kay panawuhun ni Hisu-Kiristu, kay diman waydi patar-ari ni Santiyagu. Inda kang surat tabug sa kanyu duy, sa manga pagmayadun dahil sa kanyu pakiusa sa Diyus Ama. Kamu manga pinili Diyus ag kamu pag-ingatan ni Hisu-Kiristu.

Ipinakakit 17:14

Girahun nida ti Anak Karanidu dapat matalu diman sida dahil ti Anak Karanidu Panginuun manga panginuun, siya diman ti Hari manga hari. May kahuray aban sa kay panalu ti manga tinawag, ti manga pinili ag ti manga matinupadun pag manga magsunud sa kanya.”

Ipinakakit 18:20

“Kawu duy pag langit pagbaya sa nangyari sa banwa Babilunya. Pagbaya kamu pag manga pinili Diyus, manga apustul hanggan manga purupita. Nasintinsiyahan yi Diyus ti banwa Babilunya sa kaparusahan dahil sa binwat niya sa kanyu.”