Hibriyu 2:9 - Hanunuu

⁹ Dapat ay mag-akitan nita si Hisus, ti binwat Diyus ababa man sa manga anghil ngalay-ngalay lang. Taynguna bay pinakan-an siya karampatan sa maghari may kadayawan hanggan kagalangan, dahil nakalakaw siya kamatayan. Sa kay lubus pangaawa Diyus, nakan namatay si Hisus para sa kada tawu.

Hibriyu 2:9 Iomraidhean Croise

Gimpuunan 3:15

Kawu hanggan ti babayi man-arawayan. Kanmu linahi hanggan kanya pag linahi man-arawayan diman. Runutun niya kanmu ulu ag kagtun nimu kay bingul.”

Isayas 11:1

Ti makahari pag linahi ni Dabid ga puun pinlud. Dapat nu kabitay ti tuud magsalingsing, rumas-ug diman ti usa ka bag-u pag hari ginan sa linahi ni Dabid.

Isayas 7:14

Nakan ngani, ti Panginuun yi ngapu ti pumakaun palatandaan sa kanyu: Mamuduy ti usa ka daraga, manganak siya usa ka anak lalaki. Ingarnan niya ti anak “Imanwil.”

Matiyu 16:28

Ungud duy kang pagsabihun sa kanyu, ti iba sa kanyu sitay dayu mamatay hanggan sa udwaya makitan nida aku, ti Anak Tawu, humiyaput yi sa kay karampatan maghari.”

Matiyu 6:28

“Hayga kamu magkaarimputu tungkul sa kanyu manga rutay? Isipa dapu nu kabitay ti ilamnun magbusang sa padang. Unman sida magtarabahu, unman waydi maghabul.

Markus 9:1

Bag-u magkun si Hisus sa kanda, “Ungud duy kang pagsabihun sa kanyu, ti iba sa kanyu sitay dayu mamatay hanggan sa udwaya makitan nida rumas-ug kay paghari Diyus may kamaskihan.”

Lukas 9:27

Dapat tutuu kang pagsabihun sa kanyu, ti iba sitay dayu mamatay hanggan sa udwaya makitan nida kay paghari Diyus.”

Huwan 1:29

Pagka surip, nakitan ni Huwan si Hisus magpakarani sa kanya. Sinabi ni Huwan magkun, “Tunda yi ti Anak Karanidu kay ihinanda Diyus hampay mapatawad ti kasalanan kalibutan.

Huwan 10:17

“Pagmahalun aku niku Ama dahil handa aku mamatay hampay tanggapun di maan niku kang buhi.

Huwan 12:32

Nu ipaabwat yi aku ginan sa daga, butungun niku ti tanan tawu hampay sida pumakarani sa kangku.”

Huwan 3:16

Daka gid kay pagmahal Diyus sa tanan tawu sa babaw daga, nakan ipinakaun niya kay Bugtung Anak hampay una si unu pag tawu nu magsarig sa kanya, dayu ipadamhak sa kamatayan, bagkus ngap may tutuu pag buhi siya unman may katapusan.

Huwan 8:51

Ungud duy kang pagsabihun sa kanyu, una hintay pag tawu nu mag-ugali siya angay sa kang pag-itudlu, dayu gid mamatay hanggan aban.”

Huwan 8:52

Sinabi manga Hudiyu sa kanya magkun, “Taynguna alam nimi pihu kawu inapuan labang. Si Abraham namatay, hanggan ti manga Purupita namatay diman. Bag-u kanmu pagsabihun taynguna, una hintay pag tawu nu mag-ugali siya angay sa kanmu pag-itudlu, dayu gid mamatay hanggan aban.

Binwat 2:33

Dinara siya tabug sa langit ipinatukaw siya Diyus sa kay sikun baliwa minsan sa kay karampatan maghari. Tinanggap niya angay sa itinaratu Diyus ti Ispiritu Banal ginan sa Ama. Bag-u ilinubus niya ipinakaun ti Ispiritu Banal sa kanmi ga kanyu nakitan ag nadnugan taynguna.

Binwat 3:13

Bukun duy katida. Ti Diyus ni Abraham, ni Isaak, ni Hakub, hanggan nita manga ginurang imaw ti nagpakakit kay daka gid pag kamaskihan ni Hisus kay suruguun Diyus. Dapat kanyu ngap ipinabahala siya sa manga pinunu Hudiyu bag-u kanyu dinayu sa atubangan ni Pilatu, madi kay mana gustu palpasan di si Hisus.

Ruma 5:18

Nakan ngani nu kabitay ti kasalanan usa ka tawu dinmamay sa tanan tawu tag sa kaparusahan, katunda diman kay buwat katadlungan usa ka tawu pinun-an kapatawadan hanggan buhi sa tanan tawu.

Ruma 5:8

Dapat nagbuwat ti Diyus usa ka puruyba tungkul sa kay pagmahal sa kanta, pagka si Kiristu namatay para sa kanta, katpung kita makasalanan waya.

Ruma 8:3

Binwat Diyus ti unman nabuwat Kasuguan dahil sa kalumuyan nita pagkatawu. Sinugu niya kay sadili Anak ga histuda tawu makasalanan hampay ipakaun niya kay buhi sa kamatayan dahil sa kasalanan. Sa katida pag paraan nasintinsiyahan niya ti kasalanan nangulian sa tagipusuun manga tawu.

Ruma 8:32

Unman inirangan niya kay sadili Anak, bagkus ipinakaun ngap niya para sa kanta tanan. Nu kay ipinakaun kay sadili Anak sa kanta, unman aw lugud ipakaun niya sa kanta ti tanan manga bagay minsan sa kay Anak?

2 Kurintu 5:15

Namatay si Kiristu dahil ngani sa tanan tawu hampay ti manga buhi taynguna danga kanda pag-isipun kanda lang sadili kagustuhan naisipan. Bagkus ngap kailangan si Kiristu yi ti turunuha nida buhi imaw ti namatay dahil sa kanda, siya diman nabuhi maan tungkul sa kanda.

2 Kurintu 5:21

Unman nakalakaw sa kasalanan si Kiristu. Dapat ay dahilan ngani sa kanta siya ngap nibilang sa makasalanan hampay nu kita magpakiusa sa kanya, mangyari yi ngap sa kanta ti katadlungan Diyus.

Galasya 4:4

Dapat ay pagka rinmas-ug ti taning pag kaudasan sinugu Diyus kay Anak. Ainanak siya usa ka babayi, kay buhi napasakup sa sirung Kasuguan,

1 Timutiyu 2:6

Ipinakaun niya kay sadili bilug naglukat sa tanan tawu. Sa taning pag kaudasan pag ipinakilala niya kay ginayak Diyus pag karibrihan.

Hibriyu 1:9

Minayad nimu ti katadlungan ag kinagalitan nimu ti kadautan, nakan ti Diyus, kanmu ngani Diyus, ti nagpili sa kanmu ag balaw sa kanmu manga kaibahan. Binuhusan kawu lana hampay kawu maghari yi may kabayaan.”

Hibriyu 10:5

Nakan pagka nagsitay si Kiristu sa kalibutan, magkun siya sa Diyus, “Unman gid gustu nimu ti manga hayup pagmatyun dahil sa kasalanan, hanggan ti manga hayup pagmatyun pag-isagda sa kanmu. Nakan ihinanda nimu kang bilug.

Hibriyu 11:5

Dahil sa kay pagsarig ni Inuk, bin-ul siya hampay dayu niya malakawan ti kamatayan. Unman yi siya nakitan, dahil siya bin-ul yi Diyus. Alam nita inda ti nangyari sa kanya dahil sa kay pagsarig. Dahil lubus pagbayaun Diyus si Inuk bag-u siya bin-ul.

Hibriyu 12:2

Bantayan nita kanta manuggiya si Hisus. Siya diman ti turunu nita sarig. Dahil kabayaan kay patabgan, nakan inagwanta yi lang niya madi ipinurya siya sa kay pagkamatay sa kurus. Bag-u tinmukaw siya ati sa langit baliwa sa sikun Diyus, minsan sa karampatan Diyus.

Hibriyu 2:7

Sa dag-ud pag udas, binwat nimu mas ababa man sa manga anghil. Dapat pag-ipadayaw nimu siya bilang hari,

Hibriyu 7:25

Nakan ngani siya ti lubus makaparibri sa manga tawu magpakarani sa Diyus sa panab-anan niya, dahil pirmi di buhi siya hampay manab-anan sa kanda sa atubangan Diyus.

Hibriyu 8:3

Dahil ti kada pangulu manughandug sa Balay Diyus binugtangan katungkulan hampay kay ihandug niya sa Diyus manga pagkaun hanggan manga hayup pagmatyun pagsunugun. Nakan kailangan diman waydi may alistu siya manga handug sa Diyus.

1 Pidru 1:21

Dahil sa kan Kiristu nakan kamu nakasarig sa Diyus, imaw waydi ti nagbuhi uman sa kan Kiristu ag ti nagpakaun kadayawan. Dahil sa kan Kiristu nakan ngani kamu may pagsarig ag pag-asa sa Diyus.

1 Huwan 2:2

Dahil si Kiristu ti nagbaliwa namatay sa kasalanan nita hampay may kapatawadan kita. Ag balaw sa kanta lang sadili pag kasalanan siya pag namatay, nu unman hanggan diman sa kasalanan tanan manga tawu sa babaw daga.

Ipinakakit 19:12

Kay mata ga manga labdab yi apuy, mayamu pag sangbaw hari ti masangbawan sa kay ulu. Masuratan sa kay bilug ti ngaran niya, unman may makasalum kay kahulugan nu ud siya lang.

Ipinakakit 5:9

Nagkanta sida inda pag bag-u kanta magkun, “Kawu ti may karampatan magbuul sa kasuratan malulunan ag magbukas kay manga kula, dahil kawu ti minatay ag dahil sa kanmu dugu may linukat kawu manga tawu ginan sa kada linahi, pamagaw, banwa ag nasyun hampay sida manga sakup yi Diyus.