Hibriyu 2:1 - Hanunuu

¹ Nakan kailangan intindihun gid nita ti manga bagay kanta nadnugan, hampay balaw kita tumalang sa katutuuhanan.

Hibriyu 2:1 Iomraidhean Croise

1 Krunika 22:13

Ag nu matupad nimu mayad ti manga sugu ag manga surundanun, ipinakaun niya sa Israil sa panab-anan ni Muysis, bumaliw marapanalu kawu. Nakan pagpakabisug kawu ag pagpakarig-un. Danga kawu magkadala ngatay maglubay.

Kanta 119:9

Unu lugud ti buwatun sa usa ka kalay-awan hampay bumaliw malumpiyu kay buhi? Ti kay buwatun imaw ti pagsunud sa kanmu bagaw.

Kabagawan 3:21

Anak, dahani gid kanmu kadunungan hanggan kaalaman sa pagpasya tama. Danga pagpabay-ani madura inda sa kanmu.

Habakuk 1:6

Dahil pamahalaun niku ti manga taga Babilunya. Inda kay manga nasakupan subra maisug ag maliksi sa paggira sa iba manga nasyun hampay agawun ti manga balaw kanda pag rugar.

Habakuk 2:16

Taynguna kamu maan ti ipakay-a sa halip dayawun, dahil parusahan gid kamu Panginuun. Parihu lang sa painmun niya kamu irinmun makalangu hampay nu langu yi makitan uba-uba ag mangay-a gid kamu.

Matiyu 16:9

Udwaya aw lugud kamu nakaintindi? Nalimtan aw lugud niyu sa kang nagpika-pika lima ka tinapay hampay pakan-an ti lima ka libu tawu. Pira ka luwak tinapay kay subra kanyu tinipun?

Markus 8:18

May manga mata kamu, unman aw kamu makakit? May manga tuli kamu, unman aw kamu makadnug? Nalimtan aw lugud niyu

Lukas 8:15

Ti sa mayad pag daga, tunda imaw ti manga mayad pag itinuduk sa kay tagipusuun, inalagaan nida ti Bagaw Diyus kanda nadnugan. Nakan magburak mayamu, balaw mag-urung una makuri.”

Lukas 9:44

“Pasuldan gid mayad sa kanyu tuli inda kang sabi sa kanyu, aku, ti Anak Tawu, arani yi ipahintulut aban sa manga tawu.”

Huwan 8:59

Nagpunpun ti manga Hudiyu manga batu hampay kanda ibintuk sa kan Hisus. Dapat napatagu si Hisus bag-u nagluwas siya sa Balay Diyus.

Diyuturunumiyu 4:23

Dapat pag-aman kamu hampay balaw niyu malimtan ti kasunduan binuwat Panginuun niyu Diyus. Danga kamu magbuwat manga diyus-diyusan sa histuda una hintay pag bagay, dahil pag-irangan gid inda Panginuun niyu Diyus.

Diyuturunumiyu 4:9

Dapat pag-aman kamu! Danga niyu pag kalimti ti binwat Panginuun kanyu nakitan. Kailangan pumirmaminti inda sa kanyu tagipusuun habang magkabuhi kamu. Itudlu niyu inda sa kanyu manga anak hanggan sa kanyu manga kaumputan.

Hibriyu 12:5

Nalimtan aw niyu ti itinudlu Diyus sa kanyu sa kay manga anak? Tunda pag manga bagaw ngani tigpabisug sa kanyu naisipan magkun, “Anak niku, danga nimu bul-an halaga ti pariga Panginuun. Danga maglubay kanmu naisipan nu kawu pagtamyawun niya.

2 Pidru 1:15

Nakan kang buwatun waya tanan niku makaya hampay maalaala waya niyu pirmi inda pag manga bagay una aku aban namatay yi.

2 Pidru 3:1

Inda yi ngani duy manga patar-ari kang ikadwa pag surat tabug sa kanyu. Sa duwa ka surat niku inda pagpulawun niku kanyu mayad pag naisipan, pagpaala-alahanan niku kamu.