Hibriyu 13:5 - Hanunuu

⁵ Danga kamu mag-ugali maraibgun sa kuwarta. Pagmasulung yi lang kanyu naisipan sa kanyu kahamtangan. Dahil Diyus diman ti may sabi magkun, “Una sa hintay ngarana balaw pakurangan niku kawu, una sa hintay ngarana unman gid pabay-anan niku kawu.”

Hibriyu 13:5 Iomraidhean Croise

Gimpuunan 28:15

Pirmi nimu alalahanun aku kanmu kaibahan ag alagaan niku kawu una naan tabug. Ipabalik niku kawu sa inda pag daga ag balaw pabay-anan tugka sa matupad niku kang itinaratu sa kanmu.”

Gimpuunan 30:31

Nagpaingana si Laban, “Hintay lugud kanmu gustu kang ibayad sa kanmu?” Sinmagut si Hakub, “Danga yi nimu aku pag bayadi. Iparargu niku kang mag-alaga sa kanmu manga hayup nu pumasnu kawu sa kang hilingun:

Gimpuunan 31:5

Magkun siya tag sa kanda, “Napansin niku tuhay yi kay magpakiusa niyu ama sa kangku. Dapat balaw aku pinabay-anan Diyus niku ama.

1 Hari 8:57

Mana ibahan kita Panginuun nita Diyus parihu sa kay pag-iba sa kanta manga ginurang. Mana balaw niya kita bugyahan ngatay pabay-anan.

1 Krunika 28:20

Magkun waydi si Dabid sa kay anak si Sulumun, “Pagpakarig-un kawu ag pagpakabaskug. Umpisahi yi ti pagbuwat. Danga kawu magkadala ngatay maglubay, dahil ti Panginuun Diyus, kang Diyus, kaibahan nimu. Unman kawu niya tayakan ngatay pabay-anan tugka matapus ti tanan pag buwat para sa Balay Diyus Panginuun.

Kanta 10:3

Dahil pag-ipadayaw nida kanda daut pag manga kagustuhan. Sida pag manga daluk magsaad ag magpuya sa kanmu, Panginuun.

Kanta 119:36

Pagmaraibgun aku sa pagsunud sa kanmu manga tudlu kaysa maghingbut yumaman.

Kanta 37:25

Ginan sa kang pagkaanak tugka kainda gurangun yi aku, udwaya aku may nakitan ti manga matadlung pinabay-anan Panginuun ngatay kanda manga anak magpanhagadhagad karan-unun.

Kanta 37:28

Dahil magkaibug ti Panginuun sa katadlungan ag balaw niya pagpabay-anan ti manga matinupadun sa kanya. Pag-alagaan niya sida hanggan aban, dapat ti manga linahi manga daut palayasun sa daga Israil.

Pag-ighit 2:21

Nagpasnu si Muysis mandayun sa balay ni Ruwil. Pagkadugay ipinaasawa ni Ruwil kay anak, si Sipura, sa kan Muysis.

Pag-ighit 20:17

“Danga niyu pagkaibgi maapu ti balay niyu kaparihu, ngatay kay asawa, kay manga panawuhun, kay manga baka, kay asnu, ngatay ti una hintay pag kasiyunan niya.”

Kabagawan 23:4

Danga pagpakuriani kanmu sadili sa subra pag panhingbut yumaman. Bagkus ngap, pigili kanmu sadili ag isip-isipa nu hintay ti mayad.

Isayas 41:10

Danga kawu magkaarimputu dahil aku kanmu Diyus. Pabisugun niku kawu ag awatan. Alagaan niku kawu sa panab-anan niku kamaskihan imaw ti rumibri sa kanmu.

Isayas 41:17

“Nu manhanap danum kang manga nasakupan pugri, bag-u unman sida may masampakan, ag nu mamara kanda manga tululnan sa uwaw, aku ti Panginuun ti mangawat sa kanda. Aku ti Diyus Israil balaw pumabaya sa kanda.

Isayas 42:16

Abatun niku kang manga nasakupan buta sa katutuuhanan, tabug sa dalan udwaya nida nalakawan. Rayawan niku ti paglakawan nida madlum ag tadlungun niku ti manga nangunha-kunha pag dalan kanda paglakawan. Buwatun niku inda ag balaw niku sida pabay-anan.

Hirimyas 6:13

“Ginan sa pinakapugri tugka sa darayawun, pararihu lang sida manga maramuun sa kuwarta. Una ti manga purupita ag manga manughandug manga manugdaya diman.

Isikil 33:31

Nakan magpakarani kang nasakupan sa kanmu ag ga magkaibug gid sida magpatingi sa kanmu, dapat kay tutuu unman nida pagtupadun kanmu pagsabihun. Mayad lang sida magbagaw kuntay pagmahalun nida aku, dapat ti sa sulud nida tagipusuun imaw ti maramuun sa kuwarta.

Matiyu 6:19

Magkun si Hisus, “Danga kamu magtipun kanyu kayamanan sitay sa babaw daga. Sitay may magdaut manga talagkumang una manga tayan, may magsulud manga mananakaw.

Matiyu 6:25

“Nakan pagsabihun niku sa kanyu, danga kamu magkaarimputu tungkul sa karan-unun ag sa danum kanyu kailangan sa ikabuhi niyu, hanggan sa rutay para sa kanyu manga bilug. Unman aw ti buhi tawu mahalaga man sa karan-unun, ag ti bilug mahalaga man sa rutay?

Matiyu 6:34

Nakan ngani danga niyu ikaarimputu ti tungkul sa aldaw pag sirang, bag-u yi niyu isipun nu kainda ay yi. Kang-udyi yi sa kada sirang kay kakurian.”

Markus 7:22

ti magpamabayi, ti magpanlalaki, ti maghirak, ti manga kadautan, ti magdaya, ti pasay daut pag kagustuhan, ti daut pag naisipan ginan sa kahirakan, ti manga magmuransa, ti palabi-labihun, ti kalukuhan.

Lukas 3:14

Pinaingana siya manga sundalu magkun, “Ag kami, hintay ti dapat nimu buwatun?” Magkun si Huwan sa kanda, “Danga magbuul tawu kuwarta sa karagasyun, danga magparhug sa tawu. Pagmasulung kamu sa kanyu suhul kang-ud.”

Lukas 8:14

Ti nalagpak sa dugihan tunda imaw ti manga nakadnug, dapat amat-amat pagkisutun sida sa kaaburiduhan naisipan hanggan sa kayamanan hanggan sa daut pag kagustuhan sitay sa babaw daga. Nakan unman magkamhan kay burak.

Ruma 1:29

Nasakup yi sida tanan kalasi kadautan, kalukuhan, maramuun, daut pag naisipan. Punu sida kainggitan. Nag-ugali sida sa maglibun tawu, sa magtalaluhan, sa magdaya hanggan sa maglupig. Sida maglibak daut,

1 Kurintu 5:11

Dapat inda kang surat sa kanyu, danga kamu magpakiusa una sa kantapu pag-ingarnan patar-ari, nu siya magpanguragin, maramuun, magsamba sa diyus-diyusan, aw ngatay magmuransa, maglangu, magtakaw. Nu katunda kay ugali, danga yi lang magsaru sa kanya.

1 Kurintu 6:10

ti manga magtakaw, ti manga maramuun, ti manga manuglangu, ti manga magmuransa hanggan ti manga manuglupig dayu gid sida masakup sa kay paghari Diyus.

2 Kurintu 4:9

Pag-unuunuhun kami dapat balaw waydi pagpabay-anan. Nagpu kami dapat unman waydi kami natabwan arup.

Ipisu 5:3

Kamu manga nasakup sa Diyus, nakan ngani danga yi magbuwat una magsampit man sa harampangan una kabitay pag kalasi magpanguragin, kayagtingan una manga mahalay pag hilig.

Ipisu 5:5

Alam diman niyu unman may kaparti sa kaharian Diyus ag ni Kiristu ti tawu nu magpanguragin, nu maraw-ay, nu maraibgun sa kasiyunan, dahil ti maraibgun sa kasiyunan parihu sa magsamba sa diyus-diyusan.

Diyuturunumiyu 31:6

Pagpakarig-un kamu ag pag matutum. Danga kamu magkadala sa kanda dahil ti Panginuun niyu Diyus mag-iba sa kanyu; balaw niya kamu tayakan ngatay pabay-anan.”

Diyuturunumiyu 31:8

Pangunahan kawu Panginuun ag giyahan niya kawu; balaw niya kawu tayakan ngatay pabay-anan. Nakan danga kawu magkadala ngatay magpanlumuy.”

Diyuturunumiyu 4:31

Dahil ti Panginuun niyu Diyus maawaun, balaw niya kamu pabay-anan ngatay rurisun. Balaw niya kalimtan ti kasunduan kay itinaratu sa kanyu manga ginurang.

Kulusas 3:5

Nakan kailangan matyun yi lang niyu ti kagustuhan niyu angay waya sa kalibutan, ti panguragin, ti manga mahalay, ti gamun sa kahalayan, ti daut pag manga hilig, ti mairibgun sa kasiyunan imaw diman ti usa ka kalasi panamba sa diyus-diyusan.

1 Timutiyu 3:3

Kailangan unman maraibgun siya sa irinmun makalangu, balaw diman arisgadu, kailangan pag maalumanay ngap siya, maraibgun sa kahusayan, danga maraibgun sa kuwarta.

Huswi 1:5

“Unman may makatalu sa kanmu habang buhi kawu, dahil ibahan niku kawu parihu sa kang nag-iba sa kan Muysis. Balaw niku kawu tayakan ag pabay-anan.

Huswi 7:21

Sa manga bagay naagaw nita, may nakitan aku usa ka marinu pag rutay ginan sa Babilunya, pilak manga duwa ka kilu may tunga, ag usa ka barita gintu manga tunga kilu. Naibug gid aku sa inda pag manga bagay, nakan bin-ul niku. Ilinbung niku inda sa daga sa sulud niku turda. Ti pilak ati gid sa sirung.”

2 Pidru 2:14

Unman sida may paghanapun nu ud pararauragan lang. Ud magsuku sida sa magbuwat kasalanan. Pagtaban-tabanun nida ti manga malumuy tag sa kasalanan. Anad gid sida sa maramuun. Sida manga sinaadan yi Diyus.

2 Pidru 2:3

Manga maramuun sida, nakan magpabalhinguun sida sa kanda tudlu hampay sida pakan-an niyu kuwarta. Ginan waya sa kabag-u ihinanda yi ti sintinsiya sa kanda, alistu yi sumintinsiya.

Hudas 1:11

Madala gid kanda patabgan dahil naghuwad sida sa kay ugali ni Kain. Parihu sa kan Balaam sinukmahan nida ti kadautan basta may matanggap sida kuwarta. Parihu ga kan Kura, sa kanda maglaban sida midamhak aban.

1 Samwil 10:7

Nu matupad yi inda pag manga bagay, buwata nimu nu unu ti mayad dahil kaibahan nimu ti Diyus.

1 Samwil 12:22

Balaw gid kamu pabay-anan Panginuun, dahil balaw niya gustu mangay-a kay ngaran. Pag-ikabaya gid niya kamu buwatun nasakupan niya.