Hibriyu 13:4 - Hanunuu

⁴ Kailangan galangun tanan tawu ti pag asawa. Kailangan magtupad ti mag-asawa sa usa kag sa usa. Dahil ti manga mahalay hanggan ti magpanguragin pasay sintinsiyahan Diyus.

Hibriyu 13:4 Iomraidhean Croise

Gimpuunan 2:21

Nakan pinaturug Panginuun Diyus ti tawu, mahamuuk gid kay turug. Habang maturugan ti tawu, bin-ul Panginuun Diyus kay usa ka tagyang ag hinirum maan kay nagbul-an.

Gimpuunan 2:24

Inda kay dahilan nu hayga tayakan lalaki kay ama hanggan kay ina, hampay pumausa ti lalaki sa kay asawa, dahil sida inusa yi.

2 Hari 22:14

Nakan nag-atag sida ni Hilkiyas pag manughandug, si Ahikam, si Akbur, si Sapan, ag si Asaya sa usa ka purupita babayi sa kan Hulda hampay mamaingana. Inda si Hulda mag-uli sa bag-u pag bahagi Hirusalim ag asawa siya ni Salum kay anak ni Tikba kay laki ni Harhas. Si Salum imaw ti mag-asikasu sa manga rutay sa Balay Diyus.

Hub 31:12

Parihu inda sa mag-irub pag apuy dumura sa tanan niku kasiyunan.

Isayas 8:3

Bag-u nangulid aku sa kang asawa. Balaw nadugay, namuduy siya ag nanganak lalaki. Magkun ti Panginuun sa kangku, “Paingarnan nimu siya Mahir Salal Has Bas.

Libitiku 15:18

Nu mangululidan ti lalaki ag babayi, bag-u manluwang ti ginan sa kinatawu lalaki, kailangan marigus sida duwa, dapat ibilang di sida sa mauring tugka sa misalup ti init.

Libitiku 18:20

Danga kawu mag-ulid sa asawa iba, dahil nu buwatun nimu inda ibilang kawu sa mauring.

Malakyas 3:5

Magkun ti Panginuun Makamaskihan sa manga Israilita, “Rumas-ug aku hampay parusahan kamu. Kumastigus rargu aku sa manga manugsalumangka, sa manga magpanguragin, sa manga magkastigus sa pudil, sa manga maglugi sa mag-upa sa kanda manga manugtarabahu, sa manga mag-api sa buranday babayi ag sa manga ilu, hanggan sa manga magbaliwala sa karampatan manga balaw Israilita mag-ulian kaibahan niyu. Buwatun niku inda sa kanyu sa manga unman magsunud sa kangku.”

1 Kurintu 5:13

Diyus lang ti makapihu sa kanda. Dapat unman aw kamu tigpihu sa manga sa sulud nu daut nu mayad? Dahil pagsabihun sa Banal Kasuratan, “Kailangan ipalwas yi ngani niyu ginan sa kanyu ti daut pag tawu.”

1 Kurintu 6:18

Pag-iwas kamu sa panguragin. Ti tanan kasalanan nu pagbuwatun tawu, iba ti mag-idamhak sa kakurian dapat tigpanguragin midamhak ngap kay sadili bilug.

1 Kurintu 6:9

Unman aw waya lugud niyu alam ti manga magbuwat kalukuhan dayu masakup sa kay paghari Diyus. Danga kamu magsarig, dahil ti manga magpanguragin, ti manga magsamba sa diyus-diyusan, ti magpamabayi hanggan ti magpanlalaki, tigkaraibgan sa kaparihu lalaki,

1 Kurintu 7:38

Nu sa ungud mayad diman nu mag-asawa sa kay aguman dapat mas lalu mayad ti magpigil sa sadili kagustuhan ag magpalalbadan.

1 Kurintu 9:5

Unman aw lugud mahimu diman kami makataban kanmi sadili asawa napasakup waydi sa Panginuun, parihu sa manga iba apustul magtaban kanda asawa manga patar-ari sa Panginuun ag parihu diman sa kan Pidru?

2 Kurintu 5:10

Dahil ngani ti kada usa sa kanta umatubang sa kan Kiristu hampay kay suyasidun kita bag-u kay pakan-an kita pirimyu angay sa kanta binwat, ngatay mayad ngatay daut kanta waya sa babaw daga.

Galasya 5:19

Magkaalaman yi waydi nita ti manga buwat tawu nu angay sa daut kagustuhan niya pagkatawu, ti magpanlalaki, ti magpamabayi, ti mayagting pag naisipan, ti kahalayan,

Galasya 5:21

ti maghirirakan, ti maglangu, ti magkadara sa kasayahan, hanggan ti iba waya buwat parihu sa kainda pag buwat. Pagsabihan niku kamu parihu diman sa kaybi, balaw gid makapasakup sa kay paghari Diyus ti tawu nu buwatun niya ti katunda pag manga bagay.

Ipisu 5:5

Alam diman niyu unman may kaparti sa kaharian Diyus ag ni Kiristu ti tawu nu magpanguragin, nu maraw-ay, nu maraibgun sa kasiyunan, dahil ti maraibgun sa kasiyunan parihu sa magsamba sa diyus-diyusan.

Diyuturunumiyu 22:22

“Nu ti usa ka tawu natakdan mag-ulid sa babayi may asawa, sida duwa-duwa kailangan matyun. Kailangan duraun niyu inda pag kadautan sa Israil.

1 Tisalunika 4:6

Danga kamu magbuwat daut ngatay magdaya sa kanyu kaparihu, parihu sa magpanguragin niya asawa. Kanmi yi sinabi ag ipinaalam inda sa kanyu kaybi di waya, dahil parusahan Diyus una si unu ti magbuwat katunda.

1 Timutiyu 3:12

Kailangan usa lang kay asawa ti manugsirbi sa iglisya, kailangan madunung siya magpamahala sa kay kasunu balay, kailangan kaayad magpaanyu sa kay manga anak.

1 Timutiyu 3:2

Ti manug-asiwa sa iglisya kailangan unman may masabi sa kanya, usa lang kay asawa, madahan, madunung waydi magtiis sa kay sadili, maginalangun, marapasaka sa bag-u ras-ug ag mayad siya magtudlu.

1 Timutiyu 3:4

Kailangan mahusay siya magpamahala sa kay kasunu balay. Kailangan siya galangun ag paniwalaan niya manga anak.

1 Timutiyu 4:3

kanda pag-irangan ti tawu nu magkaibug mag-asawa. Una manga karan-unun kay binwat Diyus hampay kan-un manga tawu magsarig may pasalamat ag magkilala sa katutuuhanan, kanda diman pag-irangan.

1 Timutiyu 5:14

Nakan ngani nu sa kangku, mayad waya nu mangasawa maan ti manga buranday nu udwaya dugay kay idad hampay magkaanak bag-u nu alagaan nida kanda sadili magtal-anakan hampay unman may ikalibak ti manga maglaban sa kanta.

Titu 1:6

Ti kailangan nimu piliun tunda unman may ikasaway, usa lang kay asawa, kay manga anak magpasakup waydi sa Panginuun, mabuut kanda ugali ag masurundun.

Hibriyu 12:16

Pagdahan kamu hampay unman may mag-uragin sa kanyu ag hampay unman may tawu asan ga kan Isaw. Unman pinahalgaan niya ti kaayadan Panginuun. Ibinalyu kabay niya kay karampatan bilang panganay sa usa ka pinggan karan-unun.

Ipinakakit 22:15

Dapat matayak sa luwas banwa ti manga daut pag tawu, ti manga magsarig sa kapangyarihan ni Satanas, ti manga magpanguragin, ti manga maglibun tawu, ti manga magsamba sa diyus-diyusan, ti tanan magbaya sa maradaya hanggan ti manga magdaya.