Hibriyu 12:5 - Hanunuu

⁵ Nalimtan aw niyu ti itinudlu Diyus sa kanyu sa kay manga anak? Tunda pag manga bagaw ngani tigpabisug sa kanyu naisipan magkun, “Anak niku, danga nimu bul-an halaga ti pariga Panginuun. Danga maglubay kanmu naisipan nu kawu pagtamyawun niya.

Hibriyu 12:5 Iomraidhean Croise

Hub 34:31

“Hub, hayga dayu kawu magpakarani sa Diyus ag sumabi, ‘Nagsalan aku, dapat balaw yi aku mamuwat kasalanan waya’

Kanta 118:18

Una waya ngani masyadu gid ti parusa Panginuun sa kangku, unman niya pagpahintulutan mamatay aku.

Kanta 119:109

Una waya asan aku pirmi sa alangan pag kamatayan, unman gid niku pagkalimtan kanmu kasuguan. dapat balaw aku namugya sa kanmu manga surundanun.

Kanta 119:16

Magbaya aku sa kanmu manga surundanun ag balaw niku pagkalimtan kanmu bagaw.

Kanta 119:67

Sa kabag-u, sa unman waya nimu aku pagparusahan, magpakarayu aku sa kanmu, dapat kainda pagtupadun yi niku kanmu bagaw.

Kanta 119:75

Alam niku, Panginuun, matadlung kanmu manga sugu. Ag dahil tapat kawu, binunggud nimu aku.

Kanta 119:83

Una waya parihu yi aku sa unman yi pag lukub mapakinabangan palaulian intus, unman niku pagkalimtan kanmu manga surundanun.

Kanta 94:12

Panginuun, mapalad ti tawu kanmu pagtamyawun sa panab-anan pagtudlu sa kanya kanmu manga kasuguan.

Kabagawan 3:1

Anak, danga gid pagkalimti ti itinudlu niku sa kanmu; dahani sa kanmu tagipusuun kang manga pag-isugu sa kanmu,

Kabagawan 4:5

Sipagi nimu magkaimaw kawu kadunungan ag intindi. Danga pagkalimti ti manga pagsabihun niku sa kanmu, danga kawu magpablag sa inda.

Hirimyas 31:18

Nadnugan niku ti hirinangbitun manga taga Ipraim. Magkun sida, “Panginuun kami duy ga manga ibun baka udwaya anad sa singkaw, dapat tinudluan duy nimu kami magsunud sa kanmu. Kawu ti Panginuun nimi Diyus, nakan ibalik yi nimu duy kami sa sadili nimi daga.

Karukuan 3:39

Hayga magriklamu kita nu pagparusahan kita dahil sa kanta manga kasalanan?

Lukas 24:6

Unman yi siya sitay, nabuhi yi maan. Pag-isipa di niyu kay manga sinabi sa kanyu nu ati di waya sa Galiliya,

Lukas 24:8

Bag-u di nakaisip maan sida kay manga sinabi ni Hisus sa kanda.

1 Kurintu 11:32

Dapat nu kita pagparig-anan Panginuun kainda, tunda pariga sa kanta hampay kita unman miusa sa manga taga kalibutan sa sintinsiya aban.

Galasya 6:9

Nakan ngani danga kita magsuku sa magbuwat mayad. Nu sa kay yi kaudasan aban, kita makaani nu unman kita magsuku.

1 Timutiyu 1:20

Katunda diman sida ni Himiniyu ni Alihanduru. Ipinabahala niku sida sa kan Satanas hampay sida magkariga yi danga yi maglapastangan sa Diyus.

Hibriyu 12:7

Pagmatiniisun kamu nu pagparig-anan Diyus, dahil imaw yi ngani ti puruyba sa kanyu kuntay kamu kay tinanggap kay yi gid manga anak. Hintay nguna pag anak ti unman pinarig-anan niya ama?

Hibriyu 13:22

Daka kang gustu, kamu manga patar-ari, pag-agwanta sa kang manga iinadal. Dahil kamu kang sinuratan balaw sa mayamu pag hampang.

Santiyagu 1:12

Papaladan Diyus ti tawu nu marig-un sa kay pagsarig una may paglakawan siya pagsubuk. Pagka nakalawuy yi sa pagsubuk, makatanggap siya buhi unman may katapusan, imaw kay atinaratu Panginuun pag pirimyu sa manga magmahal sa kanya.

Ipinakakit 3:19

Ti kada tawu kang pagmahalun kang waydi pagtadlungun hanggan pagpariganan. Nakan ngani pagmasipag kawu, ampui yi patlikudi yi kanmu kasalanan.