Hibriyu 12:3 - Hanunuu

³ Isip-isipa niyu si Hisus nu kabitay unman sinmuku siya una linabanan siya manga tawu makasalanan. Nakan danga kamu maglubay sa kanyu naisipan, danga waydi magsuku.

Hibriyu 12:3 Iomraidhean Croise

Kabagawan 24:10

Nu naduraan kawu pagsarig sa udas kakurian, ibug sabihun malumuy kawu.

Isayas 50:4

Tinudluan aku Panginuun Diyus nu hintay ti sabihun niku hampay maparig-un ti manga maglumuy. Pagpulawun niya aku kada surip hampay patingihan ti manga pag-itudlu niya sa kangku.

Matiyu 11:19

Pagka nagsitay aku, ti Anak Tawu, magkaun mag-inum diman bag-u pagkumnun nida, ‘Malu tunda pag tawu daluk-daluk maglangu, mag-ampud siya sa manga manunukut buhis, hanggan sa iba waya ka manga makasalanan.’ Ti pagbuwatun kadunungan Diyus imaw ti puruyba sa katutuuhanan.”

Matiyu 12:24

Dapat ay pagka nadnugan manga Parisiyu, magkun sida, “Makapalwas manga labang tunda pag tawu dahil may kapangyarihan siya ginan sa kan Biilsibul, ginan sa hari manga labang.”

Matiyu 15:2

“Hayga unman pagtupadun nimu manga tuludluan ti patayak layi nita manga kaumputan? Magkaun sida udwaya nakaugas kanda kamang.”

Matiyu 21:23

Pagka sinmaka si Hisus sa Balay Diyus, nagpakarani sa kanya ti manga pangulu manughandug hanggan ti manga paggurangunun manga Hudiyu sa kay katpung magtudlu. Sinabi nida sa kanya magkun, “Naan ginan kanmu karampatan nakan kanmu pagbuwatun inda pag manga bagay? Hintay ti nagpakaun karampatan sa kanmu?”

Matiyu 21:46

Nakan naghanap sida paraan hampay madakup si Hisus, dapat nadala sida sa kayamuan tawu dahil kanda pagkilalan-un si Hisus purupita.

Matiyu 22:15

Bag-u nag-ati ti manga Parisiyu nagpululungan sida nu kabitay nida mapasalan si Hisus sa kay bagaw.

Lukas 14:1

Pagka sa Sirang Pamahari binan-awan si Hisus usa ka pinunu manga Parisiyu hampay mangaun. Pagka sinmaka siya sa balay kanda tiniidan.

Lukas 15:2

Ti manga Parisiyu hanggan manga manugtudlu Kasuguan nanrayansan magkun, “Inda pag tawu maaw matinanggapun sa manga makasalanan ag magsaru sa kanda.”

Lukas 16:14

Inda pag manga adal tanan-tanan nadnugan manga Parisiyu manga maraibgun sa kuwarta. Nakan linibak nida si Hisus.

Lukas 2:34

Nandarangin si Simyun sa kanda hampay sida papaladan Diyus, bag-u sinabi niya sa kay ina sa kan Marya, magkun, “Inda pag anak ihinanda Diyus sa ikadamhak ag sa ikaribri mayamu tawu taga Israil. Madi siya ti tanda ginan sa Diyus, labanan di ngap siya aban,

Lukas 5:21

Dapat ti manga manugtudlu Kasuguan hanggan ti manga Parisiyu nanharampangan yi magkun, “Hintay nguna inda pag tawu, hayga palabi-labihun siya sa Diyus? Unman may makapatawad sa kasalanan nu unman ti Diyus lang.”

Huwan 10:20

Mayamu sa kanda ti nagsabi magkun, “Inapuan siya labang, paung gid siya. Hayga pagpatingihan waya niyu siya?”

Huwan 18:22

Pagka sinabi ni Hisus tunda, sinampal siya usa ka pulis matindugan siyun. Sinabi pulis magkun, “Katida aw lugud kanmu isagut sa Pangulu Manug-asiwa Balay Diyus?”

Huwan 5:16

Siyun ginan pag-unuunuhun yi manga Hudiyu si Hisus dahil pinaayad niya tunda pag tawu sa Sirang Pamahari.

Huwan 7:12

Paglibakun yi siya mayamu tawu. Magkun ti iba, “Mayad gid pag tawu siya.” Ti iba magkun, “Bukun ngap mayad tunda, pagpatalangun ngap niya ti kayamuan tawu.”

Huwan 8:13

Bag-u sinabi manga Parisiyu sa kanya magkun, “Magpatutuu lang kawu tungkul sa kam sadili. Mahimu pagpahimudilun kanmu pagsabihun.”

Huwan 8:52

Sinabi manga Hudiyu sa kanya magkun, “Taynguna alam nimi pihu kawu inapuan labang. Si Abraham namatay, hanggan ti manga Purupita namatay diman. Bag-u kanmu pagsabihun taynguna, una hintay pag tawu nu mag-ugali siya angay sa kanmu pag-itudlu, dayu gid mamatay hanggan aban.

Huwan 8:59

Nagpunpun ti manga Hudiyu manga batu hampay kanda ibintuk sa kan Hisus. Dapat napatagu si Hisus bag-u nagluwas siya sa Balay Diyus.

Huwan 9:40

May manga Parisiyu diman ati sa kan Hisus nakadnug diman sa kay binagaw. Pinmaingana sida sa kanya magkun, “Balaw nguna kanmu gustu sabihun kuntay kami hanggan buta?”

1 Kurintu 15:58

Nakan ngani duy, manga patar-ari, pagmarig-un kamu, danga daradarahan, pagpirmi matinupadun kamu sa buruwatun Panginuun, dahil naalaman yi niyu balaw unman may kabuluhan kanyu magbudlay para sa Panginuun.

2 Kurintu 4:1

Dahil sa pangaawa Diyus pinili niya kami sa inda pag buruwatun, nakan ngani matutum kanmi naisipan.

2 Kurintu 4:16

Nakan ngani kami balaw magpalumuyun sa kanmi naisipan. Una amat-amat maglumuy yi kanmi bilug, mag-amat di ngap magbisug kanmi tagipusuun.

Galasya 6:9

Nakan ngani danga kita magsuku sa magbuwat mayad. Nu sa kay yi kaudasan aban, kita makaani nu unman kita magsuku.

Diyuturunumiyu 20:3

‘Pagpatingi kamu, manga nasakupan Israil! Danga kamu magkadala sa kanyu maggira taynguna pag sirang. Pagmatutum kamu ag danga kamu magkataranta.

2 Tisalunika 3:13

Manga patar-ari, danga kamu umampu sa magbuwat mayad.

Hibriyu 12:2

Bantayan nita kanta manuggiya si Hisus. Siya diman ti turunu nita sarig. Dahil kabayaan kay patabgan, nakan inagwanta yi lang niya madi ipinurya siya sa kay pagkamatay sa kurus. Bag-u tinmukaw siya ati sa langit baliwa sa sikun Diyus, minsan sa karampatan Diyus.

Hibriyu 12:5

Nalimtan aw niyu ti itinudlu Diyus sa kanyu sa kay manga anak? Tunda pag manga bagaw ngani tigpabisug sa kanyu naisipan magkun, “Anak niku, danga nimu bul-an halaga ti pariga Panginuun. Danga maglubay kanmu naisipan nu kawu pagtamyawun niya.

Hibriyu 3:1

Manga patar-ari niku, kamu manga ipinablag Diyus hampay kamu kay tanggapun niya. Parihu kita pinili Diyus hampay mabuhi aban sa langit. Nakan ngani isipa niyu si Hisus. Siya ti sinugu gid Diyus. Siya diman ti pangulu manughandug nita pagsarig.

1 Pidru 2:23

Una siya minuransa, unman siya nagganti. Una siya pinakurianan, unman siya tinmima. Nagsarig yi lang siya sa Diyus, sa madunung magpihu sa daut sa mayad.

Ipinakakit 2:3

Alam diman waydi niku mabinatahun kawu, nag-agwanta sa mayamu kakurian dahil sa kanmu magpasakup sa kangku ag balaw nanlubay kanmu pagsarig.

1 Samwil 12:24

Pagmaginalangun yi gid kamu sa Panginuun, ag pagsirbi sa kanya may katapatan sa buu niyu tagipusuun. Isip-isipa gid niyu nu kabitay kay kadaka kay binwat sa kanyu.